Жижиг дунд үйлдвэрлэлийг дэмжих зорилготой “Жинхэнэ ЖДҮ” буландаа “Mayara” брэндийн үүсгэн байгуулагч Э.Азжаргалыг урин ярилцлаа. Тэрбээр Америк улсад 2017 онд бизнесийн зөвлөгөөнд оролцож байхдаа “Mayara” брэндийг үүсгэх санааг бодож олжээ. Шинэ бизнесээ эхлүүлэхийн тулд өөрийн амьдарч байсан байраа зарж, үйлдвэрлэлийн байрандаа амьдарч байсан үе түүнд байжээ. Гэвч шинэ бизнес эхлүүлэх нь түүний санасан шиг тийм ч амархан биш байсан аж.
Санхүүгийн сахилга бат, хувь хүний үзэл бодолдоо үнэнч байхыг эрмэлздэг
-“Мayara” брэнд ямар бүтээгдэхүүнийг хэрэглэгчдэд хүргэдэг вэ?
-Манайх маш олон бүтээгдэхүүн үйлдвэрлэдэг. Жишээлбэл, үндэсний хувцас, ноосон болон силкен ороолт, бэлэн хувцас, гоёлын ээмэг, зүүлт гэх мэт эдгээрийг бүгдийн загвар, дизайны хувьд дурдвал олон бий. Үүсгэн байгуулагдаад хоёр жилийн хугацаа өнгөрөхөд гурван салбар нээсэн байна.
-Танай үйлдвэрлэл “Ивээл”, “Ялгуун”, “Борголжин” гэх мэт төстэй брэндүүдээс ялгарах онцлог юу вэ?
-Хүн “яах” гэж бизнес эхлүүлэх гэж байгаагаа зөв ойлгох хэрэгтэй. Монголыг сурталчилъя, Монгол зурагтай юу ч хамаагүй бүтээе гэж бодвол түүн шиг амархан ажил байхгүй. Хэний ч хамаагүй нэг зурагчны бүтээлийг аваад, хятад массаар хямд материал дээр хийлгэчхээд, үүнийгээ “Монголд үйлдвэрлэв” гээд яриад явж болно. Энэ дэндүү амархан. Харин өөрийн бизнесийн суурийг тавихдаа хуурамч, хуулсан бизнес байлгахыг анхнаас нь хүсээгүй. Харин бүтээгдэхүүний агуулга, түүх, утга санаанд нь илүү анхаарсан. Учир нь монгол хүний онцлог болох бэлгэдлийн сэтгэлгээнд тулгуурлаж, агуулгад илүү анхаарч бүтээлээ гаргадаг. Мэргэжлийн зураач нартай хамтран ажиллаж зургийн агуулгыг маш нарийн судалдаг.
-Үндэсний бүтээгдэхүүнийг сонгох хэрэглэгчдийн хандлагыг хэрхэн харж байна вэ. Ихэнх хүмүүс үндэсний үйлдвэрлэлийн бараа, бүтээгдэхүүнийг үнэтэй гэж шүүмжилдэг шүү дээ?
-Ямарч бизнест хэрэглэгчийн сэтгэлзүй хамгийн чухал байдаг. Хэрэглэгчийн сэтгэлзүй бэлдэгдсэн оронд бизнес хийх хялбар. Гэтэл манай улсын хувьд хэрэглэгчийн сэтгэлзүй одоог хүртэл бэлэн биш байна. Монголчуудыг сэтгэлзүйг тодорхойлоход хэцүү шүү дээ. Учир нь нүүдэлчин ахуйн соёл, цаг агаарын эрс тэс уур амьсгал мөн улс төр, эдийн засгийн тогтворгүй байдал гээд бизнес эрхлэхэд нөлөөлөх хүчин зүйлүүд биднээс хамаарахгүйгээр маш өөрөөр илэрдэг. Ингээд дурдвал маш олон асуудал байна. Жишээлбэл, валютын тогтворгүй байдал, Монгол өөрөө үйлдвэрлэгч орон биш гэх мэт.
Иймээс үйлдвэрлэгчид түүхий эдээ заавал өөр улсаас авах шаардлагатай болдог. Иргэд үнэтэй гэж шүүмжилдэг нь өөр үнэтэй газартай харьцуулдаг байж магадгүй. Бид чанартай бүтээгдэхүүн үйлдвэрлэж, ЖДҮ-ийг тогтвортой авч явахын тулд хэрэглэгчдэд үнэтэй бараа санал болгодоггүй. Томоохон дэлгүүрүүдээр зарагдаж байгаа манай бараанууд импортын бүтээгдэхүүнтэй ойролцоо үнэтэй байдаг. Зарим нь илүү хямдхан ч байгаа. Ихэнх хүмүүсээс “Монголд үйлдвэрлэсэн бол хямдруулчих” гэдэг хандлага ажиглагддаг.
Ингээд өөрийн бизнесийг зоригтойгоор эхлүүлсэн дайчин бүсгүй Э.Азжаргалын яриаг хүргэж байна. Түүний зорилго нь “Маyara” брэндийг үндэсний “Франчайзи” болгох юм.
Т.Эрдэнэчимэг
8 сэтгэгдэлСэтгэгдэл бичих
Эхлээд сайхан монгол нэрээ өгч брэнд бол6ооч !! Хэтэрхий юм АВААД өмсөх юм алга даа .
Ц.Цэвэлийн монгол хэлний тайлбар толь уншина уу. Маяара гэдэг тогос шувуу гэсэн монгол үг. Хүнийг шүүмжлэхээсээ өмнө судла.
ийм л хүмүүс хөгжлийг авчрахаас биш ямар нэг попын хаан цавчигч хөгжилд хүргэхгүй шүүдээ. ядаж л гадны зээл тусламжыг намчид биш энэ хүмүүс авч хөгжих ёстой.
Hugjil bolovsrol soyolgui indianuud l 1 iimerhuu ereen myraan yum ih umsdug yum bilee
гоё нь гоё байнаа . юу ч хийхгүй хийгээгүй хүний хажууд 100 хувь амжилттай байна.
МАН-ын ЖДҮ тараадаг Топор дарга, УИХ-ын ЖДҮ, концесс идсэн, Эрдэнэтэд шахаа хийдэг бүх УИХ-ын гишүүд, сайд нарыг нь зайлуулсан цагт Монгол улс хөгжинө. АН-ыг гүтгэж гараад төрийн бүх мөнгийг МАН, Жэнко нар хулгайлаад ард түмнийг хоосруулаад дууслаа.Төрийн мөнгө хусдаг МАН тэр чигээрээ зайл.
МОНГОЛ НЭР ОЛДОХГҮЙ БАЙГАА БИЗ НЭРНЭЭС НЬ ХАРАХАД ГАДААД Л КОМПАНИ БАЙНА
Жинхэнэ ЖДҮ чин хүүхэн байна амжилт хүсье