Өнгөрсөн он жилүүд Н.Энхбаярынх байсан үе бий... Одоо тэр хонзон тээсээр дахин улс төр рүү зүтгэж байгаа. Сонгогдох эрхээ хуулиар хязгаарлуулсан ч баруун, зүүн гэгддэг гарын хүмүүсээ араас нь удирдан залж яваа нэгэн.
Хэмжээлшгүй их эрх мэдэл, албан тушаалын оргилд байхад нь түүнийг дагаж, дэвшиж, тэр хэрээрээ доош чирэгдэж, намтартаа хар мөр үлдээсэн нөхдийнх нь тоо гарын арван хуруунаас илүү тоологдоно.
Найз нөхөд нэгэн насных. Тэгвэл нэгэн цагт Монгол Улсын Ерөнхийлөгч байсан түүний эрх ашиг, шуналын төлөө нүдний харц, гарын үзүүрээр хөдөлсөн хүмүүсийн намтарт хар бараан түүх л бичигдэн үлдсэн.
Тэдний нэг нийслэл хотын Засаг дарга, нийслэлийн ИТХ-ын дарга байсан Т.Билэгтийн тухай товч өгүүлье. Даргын суудлаас хорихын хаалга татаж, эцэстээ өршөөлийн хуульд хамрагдсан түүний түүхээс товч сөхвөл Н.Энхбаярын хүслийг гүйцэлдүүлсэн байдаг.
Н.Энхбаярын хаанчлалын 2000-аад онд Т.Билэгт нийслэлийн ИТХ-ын Тэргүүлэгчдийн даргаар ажиллаж байсан. Тэр цагаас хойш Н.Энхбаяртай илүү ойртож, өмч хувьчлалтай холбоотой асуудлыг нь зохицуулж эхэлсэн гэдэг.
Тэдгээрээс дурьдвал, 605 сая төгрөгийн үнэлгээтэй “Өргөө” зочид буудал НӨҮГ-ыг татан буулгаж, Ерөнхийлөгч асан Н.Энхбаярын хүү Э.Батшугарын нэр дээр байгуулсан “Хар дун” ХХК-ийн өмчлөлд шилжүүлсэн. Улмаар уг компанийг Н.Энхбаярын үүсгэн байгуулсан “Эскон” ХХК-ийн охин компани болгон шилжүүлэн үрэгдүүлсэн гэдэг. Товчхондоо тэр нийслэлийн өмчид онц их хэмжээний хохирол учруулсан гэмт хэргийг гардан үйлдсэн хэрэгт буруутгагдсан.
Түүнчлэн Нийслэлийн өмчийн харилцааны газрын Өмч хувьчлалын хэлтсийн дарга бөгөөд Өмч хувьчлах комиссын нарийн бичгийн дарга Г.Маналжавтай бүлэглэн төрсөн дүү Ц.Чанцалд 779 сая төгрөгийн өртөг бүхий Сэргээн засах клиник эмнэлэг НӨҮГ-ын үндэслэлгүйгээр 256 сая төгрөгөөр буюу бага үнээр тогтоон хувьчилж, нийслэлийн өмчийг үрэгдүүлсэн хэрэгт буруутай болохыг мөрдөн байцаалтын явцад тогтоосон байдаг. Мөн “Улаанбаатар таймс” сонины байрын хувьчлалд голлох үүрэг гүйцэтгэсэн нэгэн юм.
АНУ-д орогнож Интерполоор эрэн сурвалжлуулж багагүй эрэл сурал болсны эцэст 2013 онд эх орондоо ирмэгц түүнийг 461 дүгээр ангид саатуулж байв.
2014 оны долдугаар сарын 22-нд Т.Билэгт нарт холбогдох хэргийг дүүргийн эрүүгийн хэргийн анхан шатны шүүхээр хэлэлцсэн.
Түүнийг Эрүүгийн хуулийн дараах зүйл ангиар буруутгасан.
263 дугаар зүйл. Төрийн албан тушаалтан албаны эрх мэдэл буюу албан тушаалын байдлаа урвуулах
263.2.Энэ хэргийг давтан үйлдсэн,уг хэргийн улмаас их хэмжээний хохирол, хүнд хор уршиг учирсан бол тодорхой албан тушаал эрхлэх, үйл ажиллагаа явуулах эрхийг таван жил хүртэл хугацаагаар хасч хөдөлмөрийн хөлсний доод хэмжээг тавин нэгээс нэг зуу дахин нэмэгдүүлсэнтэй тэнцэх хэмжээний төгрөгөөр торгох, эсхүл таван жил хүртэл хугацаагаар хорих ял шийтгэнэ.
150 дугаар зүйл. Бусдын эд хөрөнгийг завших, үрэгдүүлэх
150.3.Энэ хэргийн улмаас бусдад их буюу онц их хэмжээний хохирол учирсан бол эд хөрөнгийг хурааж, таваас дээш арван жил хүртэл хугацаагаар хорих ял шийтгэнэ.
Гэхдээ 263.2 дугаар зүйл ангийг хэрэгсэхгүй болгож, 150.3 дугаар зүйл ангийн өршөөлийн хуульд хамруулж, түүнд холбогдох хэргийг хэрэгсэхгүй болгож шийдвэрлэсэн.
Н.Энхбаярын далбаанд дагаж явсан хүмүүс хэн ч биш болж төгссөн жишээ үүгээр зогсохгүй. Одоо ч түүнийг дагаж, намирч яваа зарим нэг журмын нөхөд нь хууль, шүүхийн байгууллагатай орооцолдож яваа. Түүний сүүдэр бусдад ингэж тусдаг тэр ийм л хүн.
9 сэтгэгдэлСэтгэгдэл бичих
Билэгт ч Энхбаяртай мөн ч их сүжирсэн дээ. Сүхбаатар одон аваадл Тамгын дарга нь болоодл. Эцэст нь булай нь дэлгэгдсэн дээ
Н.Энхбаяр тэгж хаанчилж өр ширэнд оруулж хамаг байдгий нь хамж ухаж сүйрүүлж баяжиж хөлжсөн юм байгаа юм уу?Гол саад Н.Энхбаяраа урт шар дээлт энэ тэр гээд татаж унагаад дураараа идэж ууж цөлмөн өр шир өт ноохойд бариулж дуусч байгаа юм биш үү?
Н.Энхбаяр хаяа муутай, Г.Шийлэгдамба гэдэг залууг амьдраар хатааж байна. За тэгээд дүү хүүхэн Н.Энхтуяа их мөнгө авч зугтаад чимээгүй.
Айсан хүнээс аргал хөдлөн гэдэг үнэн юмдаа хулгайчууд зүрхэн зогсох гээд Залуув,сом гэх сайт сүүлийн үед ойр ойрхон хаагаад байгаа хашрахгүй дахиал худлаа юм бичээд эхлэлээ
Өөрсдөө доль хамчихаад одоо юу гээч болоод ингэж ярина вэ. Төрийн өндөрлөнгт байхад нь бүгд болигооончхоод, дараа буухаар нь хамгийн муухайгшаар хэлэх юм. Энхбаяр ерөнхийдэгч асан ИХ- д нэр дэвихгүй юм бол сайн дураараар гүйгээд байгаад гудамжны хүмүүс болох хэрэг үү.улс төрийн ажил хийж үзээгүй, боловсрол муутай, ёс зүйгүй, жинхэнэ хулгай хийх гэсэн хүмүүс орох хэрэг үү. ОДоо хувиараа нэр дэвшиж буй хүмүүс дотор авах юм байна у? Хар даа. Одоо агай хүүхнүүд гэрийн ажил биш ИХ- д сууж байх нь амар гэдгийг хүртэл бодох боллоо. төр ингэж доор
ДОЛИГНОХ ГЭЖ ЯДАХЫМАА
үхтэлээ айдаг хүмүүс их байх юмаа. яадаг юм бол доо. Сүүлийн үеийн аймшигтай идээч уугаачдын дэргэд бараг л ариун хүн дээ
Энхбаяраас дээр лийдэр гэж монголд алгоо
za ene khuneer odoo oroldood butekhgui dee shorond orson barag bukh khuniig ene khuntei khmaatuulakh gekh yum daa ard tumend unelegdsen khiisen yumtai khun shuu dee