Үндэсний их баяр наадмыг зохион байгуулах хороо 10 цагт Төрийн ордонд Монгол Улсын Шадар сайдын өрөөнд хуралдав. Хурлаар Тулгар төрийн 2229, Их Монгол Улс байгуулагдсаны 814, Ардын хувьсгалын 99 жилийн ойн Үндэсний их баяр наадмаа цаг үеийн байдал, шинэ нөхцөлд тохируулан зохион байгуулах нь зүйтэй хэмээн хуралдаанд оролцогчид 100 хувийн саналаар шийдвэрлэв.
Өндөржүүлсэн бэлэн байдлын зэрэгт шилжсэн байгаатай холбогдуулан бүх нийтийг хамарсан томоохон арга хэмжээг зохион байгуулах эсэх талаар эргэлзээтэй байсан. Тэгвэл ийнхүү Үндэсний их баяр наадмыг зохион байгуулах хорооны гишүүд түүх соёл, уламжлалын дархлаа болсон Үндэсний их баяр наадмаа зохион байгуулж, олон сар хорио цээрийн дэглэмд амьдарч буй ард иргэдээ хүндэтгэхийн зэрэгцээ сэтгэлзүйн дэмжлэг үзүүлж, уламжлалаа тасалдуулахгүй байх нь зүйтэй. Иймд иргэдийн бөөгнөрөл, цугларал үүсгэхгүйгээр, халдвар хамгааллын дэглэмийг сайтар мөрдөн Үндэсний их баяр наадмаа цомхон зохион байгуулах нь зөв хэмээн үзлээ.
Цаг үеийн онцгой нөхцөл байдалд тохируулан Баяр наадмыг зохион байгуулах “түр журам” баталж, дагаж мөрдөх юм.
Долоодугаар сарын 10-ны өдөр Төрийн хүндэтгэлийн концерт СТӨ-нд тоглогдоно. 11-ний өдөр төв цэнгэлдэх хүрээлэнд есөн хөлт цагаан тугаа залж, Монгол Улсын Ерөнхийлөгч баяр наадмыг нээн үг хэлж, нээлтийн урлагийн арга хэмжээ болно. Нээлтийн ёслолыг шинэлэг хэлбэрээр зохион байгуулж, урлагийн ажилчдыг олноор төвлөрүүлэхгүй хэд хэдэн газарт зэрэг тоглуулж, тоглолтыг технологийн шийдлээр нэгтгэн үзүүлнэ. Бөхийн барилдаан, морин уралдаан, сур, шагайн харваа уламжлалын дагуу зохиогдоно.
Аливаа, тэмцээн, уралдаан арга хэмжээнд оролцож байгаа тамирчид, зохион байгуулалтын ажилчид, цэнгэлдэх хүрээлэнд нэвтрэх хүмүүст ковид 19-ын шинжилгээ хийлгэсэн байх шаардлага тавьж байна.
Үндэсний их баяр наадмыг бүхэлд нь технологийн дэвшил, шийдлийг ашиглан нийт ард түмэндээ хүргэнэ. Төв цэнгэлдэх хүрээлэн болон хүй 7 худагт худалдаа, үйлчилгээ гарахгүй, иргэдийг төвлөрүүлэхгүй бөгөөд наадамчин олон маань онлайн хэлбэрээр болон радио, телевизийн сувгаар баяр наадмаа бүхэлд нь үзэж наадамлах юм. Үүнийг үзэгчгүй, цахим наадам гэх нь ташаа ойлголт юм. Тодруулвал төв цэнгэлдэх хүрээлэнгийн үзэгчийн суудлын багтаамж 12-15 мянга бөгөөд энэ нь нийслэлчүүдийн 1 хувь хүрэхгүй хүн ам. Жилийн жилд наадам үзэхдээ энэхүү нэг хувь маань маш их дараалал, чирэгдэл болж тасалбар олж авч наадамладаг. Үлдсэн 99 хувь нь телевиз, радио, онлайнаар морь, бөх, сур шагайгаа үзэн наадамласаар ирсэн туршлагатай. Иймд энэ жилийн наадмыг тусгай дэглэмийн дагуу зохион байгуулахад наадамчин олон, иргэдэд төдийлөн хүндрэл чирэгдэл учрахгүй хэмээн тооцоолж, ард иргэдээ цаг үеийн нөхцөл байдал, эрсдлийг ойлгон, гаргаж буй уг шийдвэрт хүндэтгэлтэй хандана гэдэгт Үндэсний их баяр наадмыг зохион байгуулах хорооны гишүүд итгэлтэй байлаа гэж Засгийн газрын Хэвлэл мэдээлэлтэй харилцах хэлтсээс мэдээллээ.
26 сэтгэгдэлСэтгэгдэл бичих
хн бас Түүх соёл өв уламжлал гэжчихжээ, тэгвэл Цагаан сарын баяр Уламжлалт баяр ёслол биш үү, тэгээд ЗГ УОК нээрээ сонин шийдвэр гаргах юмаа, Наадмаа болих хэрэгтэй хэдхээн Баян Уяач ,Дарга нар л Морь малаа уралдуулж зугаа цэнгэл хөөх л гэж ийм шийдвэр гаргалаа шүү дээ,
boliochee. ulsiin mongiug ursgah buh arga suvegchilj bna daa. ene MAN
Морь сур шагайг энэ удаа өнжөөд бөхийг цахимаар сайхан үзүүлэх хэрэгтэй
ОНЦГОЙ комисс оо та нарын шийдвэрийг ард иргэд дагаж мөрдөж ирлээ Энэ удаагийн шийдвэрийг чинь харин хүлээн зөвшөөрөхгүй эрс эсэргүүцэж байна ТА нар ард иргэдийн шаардлага хүсэлтийг энэ удаа дагана гэж итгэж байна
Үнэхээр тийм. Будаач будаач гэхээр сахлаа будав гээч болж байх шив. Наадмыг бол дэмжихгүй шүү.
Үзэгчгүй тв онлайнаар үзье.бүх л лиг үзэгчгүй тоглоод эхэллээ.
НААДАМ ХЭРЭГГҮЙ ЭЭ, ГЭР ГЭРТЭЭ АМАРЦГААЯ. ШИНЭ УИХ-ЫН ГИШҮҮД, ДАРГА НАР ӨӨРСДИЙГӨӨ ТВ-ЭЭР СУРТАЛЧЛАХ ГЭЭГҮЙ Л ЮМ БОЛ БОЛЬ. ДАРАА ЖИЛ АРДЫН ХУВЬСГАЛЫН 100 ЖИЛИЙН ОЙГОО ӨВЧНӨӨ ДАРААД, НЭРТЭЙ ТӨРТЭЙ ТЭМДЭГЛЭЕ.
Tun zuv .ene heden ner tur huutsuldsun darga narig yanam be
наадам тийм чухал гэжү энэ цаг үед
heleed yu gehew ..
Онцгой комисс гээд байсан чинь бөхчүүд уяачидын шахалтанд автаж ард түмнээ өвчинд нэрвэгдүүлэх байсан юмуу ОЛИМП хойшилсоныг мэдсэн үү та нар цагаан сар хийж болоогүй болоод өнгөрөө биз дээ ганц жилийн наадам хийхгүй байж болохгүй юү арын хаалгаар бөөн хүн шавуулсан наадам болох нээ ард түмэн үх гэж байгаа юм шив дээ
Ард иргэдээ сонсох нь дээр байх Наадаж баярлах цаг мөч мөн үү Арай биш байх шүү
Мөнгө идэх гэсэн арга шүү дээ. тэрнээс биш 1жил наадам хийхгүй байлаа гээд муудах юм байхгүй шүү дээ
Naadam hiih hereggui baihaa. Ter garah zardlaa eer zuild zartsuulah n chuhal yum daa.
1 жил наадам хийхгүй бхад үндэсний уламжлал мөхөх үү,цагаан сар тэмдэглэлгүй болж бна.үхэл,амьдралын зааг дээр бна шүү дээ.ХӨСҮТ-ийн хэдэд л найдаж бна.1 алдаа гарахад бүгд халдвар авна шүү.Маск зүүж гараа угааж бгаа хүн хэр бна.
наадмаа заавал хийх ёстой юм уу, нийслэлд онлайнаар хийдэг юм бгаа биз аймаг орон нутагт бол бүр хийх хэрэггүй, цагаан сараар бараг ах дүүтэйгээ золгоогүй болж байхад хэний юуны хамаатай бөх морь
Юун наадам бэ. Дэлхийн олимп цуцлагдаад байхад одоо боль наад наадмаа. Наадмын хэд хоног иргэд гэр гэртээ гэр бүлээрээ үр хүүхдүүдтэйгээ баярлавал болно.
Naadam chini yag yavj yavj huushuur porno gedeg bayar bhguyu
Tegeed ter bolgonii ni tatvar tulugchid tulnu
Эрүүл ухаантай нь арай тийшээ очихгүй байлгүй дээ!!!
наадам хийнэ гэж юу яриад бна.нэг жил өнжсөн нь дээр
Наадмаар яадгийн хүмүүс гэр гэртээ л баярлана биз, бас бөөн зардал. Тэр зарцуулах мөнгөө энэ өвчин зовлондоо хэрэглэлдээ. Нэг жил нөхцөл байдлаасаа болоод өнжиж болдоггүй юмуу. Бөх барилдуулна гэх шиг халдварт өвчин гарчаад байхад баахан хөлстэй хүмүүсийг ноцолдуулж бөөгнөрөл үүсгэж яадаг байнаа
за сонгуулиа яая гэж байж юун наадам! дараа нь ард түмэн л хохирно, хувхайчуудад түй ч хамааралгүй. Түшээд минь хүүхдүүд ээ барилдуулж дуулуулаарай да
hiilgui yadiin be.humuusiig setgel sanaagaar demjih hergetei
наадам хийхээ болио
Yun naadam be delhi niiteer zowj ediin zasag hymarch bhad naadmaar zarlagdah munguu ervvl mend bolowsorlin salbartaa zartsuulmaar yum udku buun hymral boloh gj bhad. Tsagaan sar hiihgvi aaw eejdee ochj zolgohgvi bolood l ungursun bas henihe televiz buh moriig sanhvvjvvleh geed bgaan.Mung ideh argaa olj yadah yumaa. Naad ilvvdee garsan munguu ontsgoi baidalin ajilaas ehleed uchnuun zartsuulah ajil bgaa bzdee