Д.Нямхүү: Дахин 18 хүнээс коронавирус илэрч, батлагдсан тохиолдол 179 боллоо

ЭМЯ-наас мэдээлэл өглөө. Энэ үеэр ЭМЯ-ны хэлтсийн дарга Д.Нарангэрэл "Коронавирусийн халдвар дэлхийн 216 улс оронд бүртгэгдэж,  5.8 сая хүн өвчилж 360 мянган хүн нас барсан. 2.5 сая хүн эдгэрсэн. 2,9 сая хүн эмчлүүлж байна. 

Сүүлийн 24 цагт 92 мянган хүн шинээр өвчилж 3000 хүн нас барсан байна.  ОХУ-д 24 цагийн дотор  8371 өвчлөл шинээр бүртгэгдсэн.  ОХУ-д гарч байгаа өвчлөлийн дийлэнх нь Москва хотод бүртгэгдэж байна. Тиймээс хатуу хөл хориог зурагдугаар сарын 24 хүртэл үргэлжлүүлэхээр шийдвэрлэжээ. 

Манай улсад өчигдөр 89 хүн шинээр ажиглалтад орж, 14 хүн гэрийн тусгаарлалтад  шилжсэн. Нийт 1908 хүн ажиглалтад байна. 

Зоонозын өвчин судлалын үндэсний баг 690 кг ачаа тээш, 11 вагон, 7 автобусанд халдваргүйжүүлэлт хийсэн. Галт тэргэнд 3443 хүнд тандалт судалгаа хийхэд сэжигтэй тохиолдол илрээгүй. 24 цагийн 119 дугаарт 448 дуудлага ирсэн. 

Өчигдөр 18:30-д ДЭМБ-ын зургаан бүсийн ЭМ-ийн сайдууд анхны онлайн хурлаа хийлээ. Сайд Д.Сарангэрэл оролцож Монгол Улсад авч хэрэгжүүлж байгаа арга хэмжээгээ танилцуулсан. Номхон далайн баруун бүсээс манай улсыг онцгойлон сонгож итгэл тавиулсан. 

Тухалбал, Унгар улсад хүн хоорондын зайг 1.5-2 метр барих зайг маш сайн хэрэгжүүлсэн байна. Бахрейн улсын эрүүл мэндийн сайд  мэдээллийн хэрэгслээр буруу ташаа мэдээлэл гарвал тухай бүрт няцаалт өгч хүн амын мэдлэг, хандлагыг дээшлүүлдэг гэсэн" гэв. 

ХӨСҮТ-ийн дарга Д.Нямхүү: "Өчигдөр ХӨСҮТ-ийн хоёр, Зооноз, Дархан-Уулын салбар лабораториудад нийт 369 хүний шинжилгээ хийсэн. 351 хүний шинжилгээнд коронавирус илрээгүй. Үүнээс 18-д нь коронавирус илэрлээ. Тавдугаар сарын 28-нд Алатнбулагийн боомтооор орж ирсэн хүмүүсээс илэрлээ. 

Эдгээр хүмүс 19-52 насны иргэн байна. 11 нь оюутан байгаа. Ингээд Монгол Улсад батлагдсан 179 тохиолдол болж, эмчлэгдсэн 43, эмчлүүлж байгаа 136 хүн байна. Эмчилгээнд байгаа хүмүүсийн 121 нь хөнгөн, хүндэвтэр 15 хүн байгаа. 8-16 насны 5 хүүхэд байна. Хоёр жирэмсэн эмэгтэй. Хорт адавртай нэг иргэн байна" гэв.