Л.Мөнхтүшиг: Ирэх сард найман нислэг үйлдэж, 2000 орчим иргэнээ татаж авна

УОК-ын Шуурхай штабаас мэдээлэл хийлээ. Энэ үеэр Шуурхай штабын дарга, ОБЕГ-ын дэд дарга хурандаа Б.Ууганбаяр мэдээлэл өгөв. 

Тэрбээр "Сүүлийн гурван татан авалтад ОХУ-аас нийт 740 хүнийг авлаа. Энэ ажиллагаанд маш олон байгууллагын хүмүүс оролцож ажиллаж байгаа. Шуурхай штабаас гадна хэвлэл мэдээллийнхэн, төмөр замын, тээврийн байгуулага, гааль, хилийн, хилийн мэргэжлийн хяналтын албанаас нийт 799 хүн татан авах ажиллагаанд оролцоо. 135 техникээр зохион байгууллаа. 

Сүүлийн Алтанбулаг боомтоор татан авахдаа төмөр замын дэмжлэгээр олон улсын галт тэргийг дайчилгааны зориулалтаар ашиглалаа. Төлбөрийг нь 27 мянгаар авчирлаа" гэв. 

ГХЯ-ны Консулын газрын дарга Л.Мөнхтүшиг: 

"УОК-ын шийдвэрээр татан авах ажиллагаа тасралтгүй үргэлжлүүлнэ. Өнөөдрийн байдлаар 10583 хүний хүсэлт байна. Бүс нутгаар нь авч үзвэл Ази, Европ, Америк гэх мэт өнцөг булан бүрт байгаа иргэдийн асуудал юм. Дараагийн агаарын замаар татан авах ажиллагааг зургадугаар сард календарчлаад батлуулаад байна. 

Зургадугаар сард 2000 орчим иргэнийг татаж авна гэсэн төлөвлөгөө байна.  Эхний нислэгээ Казахстан руу хийхээр төлөвлөж байна. Тэнд байгаа 1000-аад иргэдээс тодорхой тооны иргэд авчирна.  Энэ нислэгийг өнгөрсөн хоёр сарын хугацаанд төлөвлөж байсан юм.

Дараа нь Токиогоос иргэдээ зургадугаар сарын 11-нд татаж авахаар тооцоолж байна.  Японоос хамгийн сүүлд дөрөвдүгээр сард нислэг үйлдсэн. Тэнд 1200 гаруй иргэд хүсэлт гаргасан. Оюутнуудын нөхцөл байдал хүндрээд байгаа. Тэнд нэг үеэ бодоход өвчлөлийг хяналтад авсан гэдгийг харгалзан үзсэн. 

Энэтхэгт байгаа ламхай нарыг авах асуудал яригдаж байсан. Тиймээс тэднийг эрсдэлд оруулахгүйн үүднээс зургадугаар сарын 15 хавьцаа ниснэ гэж тооцоолж байна. Хугацаа өөрчлөгдөх магадлалтай. 

Мөн Сөүлээс зөвхөн транзит зорчигч авах нислэг хийх гэж байна. Энэ нь дэлхийн бусад бүс нутагт байгаа иргэдийг Инчон онгоцны буудлаар дамжуулан авах боломж юм. Инчон нисэх онгоцны буудал нээлттэй байгаа учраас дамжин өнгөрөгч хүмүүст таатай нөхцөл байгаа юм. 

Зургадугаар сарын 18-нд БНСУ-руу буцах хүсэлтэй иргэдийг нутаг буцаана.  Мөн Европын бүсэд байгаа иргэдийг татаж авна. 2382 иргэн байгаа юм. Тиймээс Франкфурт руу нислэг үйлдэнэ. 

Дараагийн хоёр нислэг нь зургадугаар сарын сүүлээр тусгаарлах байр суларсны дараа нөхцөл байдлыг харгалзаад аль чиглэлд нислэг үйлдэхээ шийднэ. Ирэх сард найман нислэг үйлдэж 2000 орчим иргэн татаж авахаар төлөвлөж байна" гэв.