Б.Баян-Эрдэнэ:Охиноо унтуулчхаад өдөр, шөнийн алийг нь ч ялгалгүй үсний боолт, хавчаараа урладаг

                Хөдөлмөрч хүнийг амьдрал шагнадаг

Энэ бол Эрдэнэт хотод амьдардаг П.Батзаяагийн гэр бүл юм.  Түүнийг эхнэрийг Б.Баян-Эрдэнэ гэдэг. Тэд хоёр настай өхөөрдөм гүнжийн аав, ээж.  П.Батзаяа цэрэгт байхдаа санамсаргүй байдлаар хүнд бэртжээ. Түүнээс болж хоёр жилийн өмнө нурууны хүнд хагалгаанд орж, бүтэн жил  асаргаанд байсан. Түүний бие хэдхэн сарын өмнөөс арай дээрдсэн боловч хөдөлмөрийн чадвараа бүрэн алдаж, хүнд ачаа өргөх, удаан сууж, зогсож ажиллах боломжгүй болжээ. Түүний эхнэр ажил хөдөлмөр эрхлэхийг хүсдэг ч хөгжлийн бэрхшээлтэй нөхөр болон бага насны хүүхдээ хараа хяналтгүй орхих боломжгүй байдаг. Түүний нөхрийн биеийн байдал хэвтрийн дэглэм сахидаг үеийг бодвол босож, суух боломжтой болсон учраас гар хумхин зүгээр суулгүй амьдралын ямар ч сорилт, бэрхшээлийг хамтдаа даван туулах  сэтгэл шулуудан өөрсдийн өрхийн бизнесийг эхлүүлжээ.

 Тэд гэртээ туузан үсний боолт, хавчаар, охидын үсний даруулга, баантган хавчаар урладаг. Эдгээр нь танд гар доорх материалаар хялбархан хийж болохуйц зүйл мэт санагдаж болох юм. Гэвч эдгээрийг урлахад маш нарийн чимхлүүр ажиллагаа их шаарддаг.  Тэд гар урлалын бүтээгдэхүүн урлан, худалдаалдаг болоод гурван сарын хугацаа өнгөрчээ. Гар урлалын бүтээгдэхүүн хийхэд хамгийн их оролцоотой хүн бол мэдээж Б.Баян-Эрдэнэ юм. Түүнд гар урлалын бүтээгдэхүүн хийж байсан арвин туршлага байхгүй. Тэрбээр мөн л гурван сарын өмнө гар урлалын сургалтад сууж, үсний боолт, хавчаар, туузан чимэглэлтэй бүтээлүүдийг  хийж сурсан байна.

Б.Баян-Эрдэнийн хадам аав, ээж нь  эсгий таавчиг, арьсан түрүүвч зэрэг гар урлалын бүтээл урладаг хүмүүс байсан. Тиймээс түүний нөхөр ээж, аавынхаа эрхэлдэг байсан бизнесээс санаа авч өөрсдийнхөө нөхцөл, боломжинд тохирсон хөнгөн, гоёлын эд зүйлс урлах санааг гаргажээ. Энэ санааг нь түүний хадам эгч дэмжиж анхны бэлдэц, материалыг нь авч өгчээ. Мөн түүнээс хойш тэдний урласан туузан хавчаар, үсний боолт, баантаг зэргийг хүнсний дэлгүүрүүдээр  худалдан борлуулахад чин сэтгэлээсээ тусалж, дэмждэг болсон.

Тэдний анхны худалдан авагчид нь мэдээж  ойр дотны найзууд, хамаатан садан нь байсан. Анхны худалдан авагчдад нь туузан хавчаар, боолт, үсний даруулгууд  маш их таалагдаж бүгд дэмжиж, урамшуулжээ. Энэ өдрөөс хойш тэд   хүүхдээ унтуулчхаад өдөр, шөнийн алийг нь ч ялгалгүй гар урлалаа идэвхтэйгээр хийж эхэлжээ. Гар урлалын бүтээл нь чимхлүүр ажиллагаа ихтэй учраас ширээнийхээ ард нэг л суусан бол заавал хийж дуусгасны дараа л хөндийрдөг байна. Тэд гурван сарын өмнө 10 юмуу 20 бүтээгдэхүүн хийдэг байсан бол одоо өдөрт 50-иад бүтээгдэхүүн урладаг болжээ.

Б.Баян-Эрдэнэ:  “Нөхөр хүнд бэртнээс болж асаргаанд, хүүхэд маань хэдхэн сартай байх үед бид гуравт маш хэцүү өдрүүд их байсан. Байнга  бусдаас  тусламж авахдаа маш их санаа зовдог байлаа.  Харин одоо нөхрийн минь бие сайжирч, бид  гар урлалын бүтээгдэхүүн  хийж,  эхэлснээс хойш бага ч гэсэн өөрийн орлоготой болсондоо маш их баярлаж байгаа.  Цаашдаа илүү хичээж,  өөрсдийн хүч бололцоог дайчлан  сайхан ирээдүйг  бүтээхийг хүсдэг. Манай гэр бүлийн хамгийн том зорилго бол охиноо эрдэм боловсролтой сайн хүн болгох. Нөхөр бид хоёр өөрсдөө дээд боловсролгүй дандаа л хар бор ажил хийж явсан болохоор охиноо л сайн сайхан яваасай гэж хүсдэг. Мөн энэ хугацаанд  хүний амьдралын  хамгийн чухал зүйл  бол эрүүл мэнд гэдгийг ойлголоо” хэмээн сэтгэлийн үгээ хуваалцсан юм.  

 Тэдний түүхийг сонсоод “ЖИНХЭНЭ ЖДҮ” ингэж л эхэлдэг болов уу гэсэн бодол төрөв.  Бодит амьдралын хэрэгцээ шаардлага, үр хүүхдийнхээ ирээдүйн сайн сайхны төлөө хичээх  шаргуу хөдөлмөр тэднийг амжилтанд хөтөлнө гэдэгт итгэж байна.  

Та бүхэн  хөдөлмөрч гэр бүлтэй холбогдохыг хүсвэл доорх  линкээр нэвтэрч болно.

https://www.facebook.com/groups/272833170505804/

 

 

 

АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Шинэ мэдээ

Жуулчид хоёр хөлөөрөө ирдэгтэй адил, энэ салбарт төр,хувийн хэвшил хөл нийлүүлж алхана2 сар 27. 13:56Монгол Улс нэгдүгээр сард 108 улстай худалдаа хийжээ2 сар 27. 13:45О.Бямбадэлгэр: Манай улс 2012 оноос хойш хуурамч шатахуун борлуулж байна2 сар 27. 13:30МАХН, МАН-тай нэгдвэл Н.Энхбаярын улстөрийн карьеар БАЯРТАЙ  2 сар 27. 13:15С.Эрдэнийг АН-ын даргаар, Ц.Тувааныг намын даргын үүрэг гүйцэтгэгчээр бүртгэхээс татгалзжээ    2 сар 27. 13:04Тусгаарлагдсан иргэдэд нэмэлт төлбөртэйгээр байрлах боломжтой буудлуудыг иргэдэд хангаж өгнө  2 сар 27. 13:03Ял эдэлж буй М.Энхсайханыг ШӨХТГ-ын дарга асан О.Магнай эргэж, очжээ2 сар 27. 13:00Хоёр дахь бичлэг цацагдсаны дараа Б.Баасанцогт сураггүй алга болжээ2 сар 27. 12:51Алматы руу өнөөдөр тусгай үүргийн нислэг үйлдэнэ2 сар 27. 12:48Загвар өмсөгч Ж.Энэрэл “Mercedes-Benz” брэндийн нүүр царай боллоо2 сар 27. 12:46Дээд шүүх ХҮН-ын даргаар Т.Доржханд гишүүнийг бүртгэжээ2 сар 27. 12:39ШУУД: Ерөнхий сайд Нарантуул захад худалдаа эрхлэгчидтэй уулзаж байна2 сар 27. 12:30Амралтын өдрүүдэд ажиллах шинжилгээний цэгүүд2 сар 27. 12:23“Оюутолгой” ХХК татварын актыг хэрэгжүүлж 229.8 тэрбум төгрөгийн төлбөрийг барагдуулж эхэллээ2 сар 27. 12:216,808 хүн коронавирусийн эсрэг вакцинд хамрагджээ2 сар 27. 12:18Вакцин хийлгэсэн иргэдэд ХАЛУУРАХ, ЯДРАХ шинж тэмдэг илэрч байна2 сар 27. 11:45ЭМЯ: 35 тохиолдол шинээр илэрсэн бөгөөд 1 тохиолдлын эх үүсвэр тогтоогдоогүй байна2 сар 27. 11:30Танил Хятад дуу: “Хуанжу гэг” киноны дуу “Борооны эрвээхэй”2 сар 27. 10:00Дуучин Леди Гагагийн нохой асрагчийг буудаж, нохдыг нь хулгайлжээ2 сар 26. 17:00Монгол эмэгтэйн амийг хөнөөсөн Ирландын өсвөр насны хүүгийн шүүх хурал сарын дараа болж хойшилжээ2 сар 26. 16:45Хал цэрэг бусдыгаа дарамталж буй үйлдлээ лайваар харууллаа2 сар 26. 16:30Коронавирусээс 89 сая хүн эдгэрлээ2 сар 26. 16:15I сард нүүрсний экспорт 50 гаруй хувиар өсчээ2 сар 26. 16:00Хонконгт вакцинжуулалт эхэллээ2 сар 26. 15:45АНУ-ын Засгийн газрын тусламжаар саарал ус дахин боловсруулах үйлдвэр барина2 сар 26. 15:30Эвшээх нь "халддаг" үзэгдэл2 сар 26. 15:15Монголын гурван баг 3х3 сагсан бөмбөгийн дэлхийн “Топ 30”-д багтлаа2 сар 26. 15:00Арменийн Ерөнхий сайд “армиа” төрийн эргэлт хийхээр оролдсон гэж буруутгаж байна2 сар 26. 14:45Анхааруулга: Криптовалют, койны үнэ ханшийг урьдчилан таамаглах боломжгүй2 сар 26. 14:3039 тонн дизель түлш ачсан тээврийн автомашин онхолджээ2 сар 26. 14:15
© 2008 - 2021 он. Зохиогчийн эрх хуулиар хамгаалагдсан.