Үндэсний тэргүүлэгч www.zaluucom.mn сайт “Номын хавчуурга” утга зохиолын подкастынхаа гурав дахь дугаарыг уншигч, сонсогч та бүхэнд толилуулж байна. Энэ удаагийн зочин Монголын зохиолчдын эвлэлийн шагналт, яруу найрагч Оюунцэцэгийн Цэнд-Аюуш. УЗНАДС-ийн бүтээгдэхүүний нэг. Энэ сургуулиас Ш.Лхамноржмаа, Ц.Эрдэнэбаатар, Н.Гантулга зэрэг олон “Болор цом”-ын эзэд төрөн гарсан. Мөн олон шилдэг яруу найрагчид ч энэ л сургуулиас төрж гарч, утга уран зохиолын ертөнцид өөрийн гэсэн зайгаа олсон. Зарим нь асгарсан их авьяасаараа суварга босгоод одсон байна. Тэгвэл тэдний залгамж халаа болж, утга төгөлдөр шүлэг, уран яруу зүйрлэл, өөрийн гэсэн өвөрмөц ертөнцөөрөө ялгарч яваа нь О.Цэнд-Аюуш. Оюутан ахуй цагаасаа эхлээд олон яруу найргийн наадамд түрүүлж, цахиур хагалсан яруу найрагч. Оюутан цагаас эхлэн “Болор цом” наадамд аман хүзүүдэж, утга зохиолд хайртай ард түмэндээ танигдсан. Өнгөрсөн хугацаанд тэрбээр 11 удаа “Болор цом” наадамд оролцож, 9 удаа хоёр, гурав, дөрөв, тавдугаар байрт шалгарч байсан түүхтэй юм.
Яруу найрагч О.Цэнд-Аюушийн оролцсон подкастын онцлох ишлэлүүд
-Байгаа зүйлийг байгаагаар нь буулгавал нэг л амтгүй санагддаг. Ертөнц дээр байгаа зүйлд өөрт байгаагаа нэмчихээр санагдаад байдаг. Хадны сүг зургийг харагдаж байгаагаар нь биш хөдөлгөж бичиж яагаад болохгүй гэж.
-Яруу найрагт шинэ зүйрлэл хийж өгнө гэдэг гайхалтай, гэхдээ зөвөөр хийх хэрэгтэй. Д.Нямсүрэн гуайн зүйрлэлүүд гайхалтай. Лонх шиг хөх тогоруу гэж өмнө нь хэн ч хэлээгүй биз дээ.
-Бугын цусан эврийг хөрөөдөж байгаа дуу надад сонсогддог. Эврийг нь хөрөөдөхөд урссан цус нүүр рүү нь шогшиж байгаа нь надад харагддаг. Үүнийг би хүмүүст хүргэх ёстой.
-Хүн л юм чинь ганц нэг удаа “Болор цом”-д түрүүлж чадсангүй дээ гэж санаашрах үе байсан. Гэхдээ олон жил оролцсон гэдэг утгаараа түрүүлэх ёстой гэвэл үгүй. Тэр тайзан дээр хэн бяртай, сайхан шүлэг уншсан нь “Болор цом” авах ёстой.
-Бусдыг үл тоох, өөрийгөө өндөрт өргөх өвчнөөс А.Эрдэнэ-Очир гэдэг их хүмүүн намайг салгаж өгсөн юм. Даруулга гэдэг зүйл хүнд байх ёстой юм билээ. Гэхдээ зөв даруулга шүү.
Ноён Бондгор: Улс төрч, бизесмэн, урлагийнхантай дайн зарлалаа
Халдвараа хумиж чадаагүй Эрүүл мэндийн сайд Т.Мөнхсайхан, ТНБД Я.Амаржаргал нар халаа сэлгээ хийж, цар тахлын үед олон хүнийг ажилгүй болгож байна
Бразилд хосоороо аялах эрхийн эзэн тодроход 3 хоног үлдлээ
Өөрөөсөө урвасан Н.Энхбаярын "БУЯНААР" Ардчиллын ТАВАН ЗАСГИЙН ГАЗАР огцорч байв
UBS телевиз 30 жилийн ойдоо зориулан "Мартагдашгүй намар" хүндэтгэлийн тогтолт зохион байгуулна
“Хайр“-ын МАРШРУТТАЙ Сөүл дэх аялал
“Хотулун гүнж“ Латин Америкт гарна
Багачууд хүүхдийн баяраа эгдүүтэй Жерри, үзэсгэлэнт Немо, “Эмоци“, “Мөрөөдлийн театр“-ынхантай өнгөрүүлэх боломжтой