2020 оны 6-р сарын 24
8 цаг 10 минут

Метро хот: Хотын соёлыг сонгуулийн сурталчилгаа шиг иргэдийн сэтгэл зүрхэнд хоногшуулаач

Сонгуулийн сурталчилгааны хэдэн долоо хоногууд сэтгэл зүрхэнд хоногштол үлджээ. Хашааны буланд өлгөөтэй байсан нэр дэвшигчдийн зураг, самбарыг  буулгасан нэг л эзгүйрч,   хаачив гэх бодлыг  төрүүлнэ.  Өдөр бүр харсаар нэг айлын хүүхдүүд шиг  ижил дасал болжээ.  Өглөө бүр тогтсон цагтаа  харах нь далд ухамсарт нөлөөлж хэвшил болдог бололтой. Манай гэрийн хажууханд сонгуулийн сурталчилгааны байр байдаг байв. Өглөө болгон хэн нэгэн гишүүний яриаг чанга яригчаар орилуулна. Нөгөө тахианы донгодох дуунаар сэрдэг гэдэг шиг л босно шүү дээ.

Хаа сайгүй намын туг хийсэж, автобусны буудлын хажууд танихгүй ч таньдаг мэт сэтгэлд хоногшсон дүр төрх харагдана. Дасан дассаар дурлана гэдэг нь энэ болов уу. Ямар ч  хүн өдөр болгон сонсож,  тогтмол хардаг зүйлээ автоматаар санаж  даган дуурайдаг.  Үүнийг Нийслэлчүүд  дөрвөн жилд нэг удаа  сонгуулийн сурталчилгааны хэдэн өдрүүдэд мэдрэх нь тавилан бололтой. Үүнтэй зэрэгцэн  хотын соёлыг түгээн дэлгэрүүлэхийн тулд сонгуулийн сурталчилгааны ажил шиг аргаар  ажиллавал хот минь өдрөөс өдөрт өөдлөн дэвжих мэт бодол төрөв.

Учир нь хотын захиргаа,  аж ахуй нэгж, албан байгууллагууд, иргэд хотын соёлыг түгээхийн тулд маш олон ажлыг өөрсдийн санаачилгаар хийдэг ч  цаасан дээр төсөв болж үлдэхээс өөрөөр хэтэрдэггүй. Ихэнх хүмүүс  өнөөдрийг хүртэл  хотын соёлыг ойлгож ухамсарлах хэмжээнд хүрээгүй л байна. Зарим хүмүүс гарцаар зам хөндлөн гарах, хэрэглэсэн ахуйн хог хаягдлыг гудамж талбайд хаях, татсан тамхиныхаа  ишийг  машиныхаа цонхоор шидлэх, автомашины зогсоолыг буруу ашиглах, ил задгай бие засах  гэх мэт олон нийтийн газарт хийж болохгүй ухамсарт хүний  энгийн үйлдлүүдийг маш бүдүүлгээр зөрчдөг бас  зөрдөг.

Тэгвэл эдгээр үйлдлүүдийг хийж болохгүй, хотын соёлыг түгээхэд хүн бүрийн оролцоо шаардлагатай гэдгийг ойлгуулахын тулд иргэдэд өдөр бүх сануулъя. Өглөө босоод сонсдог, өдөр автобусны жижиг лид дэлгэцээр үздэг байсан сонгуулийн сурталчилгаа шиг л өдөр бүр иргэний үүргийг нь ухамсарлахад нь нөлөөлөх дүрс бичлэг, зөвлөмж, хотын соёлыг зөрчсөнөөс болж үүсэх эрсдэлийг ойлгуулъя.

Хүмүүс олноороо цугладаг гарц, худалдааны төв, томоохон зах, нийтийн тээвэр, төв талбайд иргэдэд хотын соёлыг хэрэгжүүлэхийг уриалдаг мэдээллийн  дэлгэц, чанга яригчийг суурилуулж болохгүй гэж үү. Манайхан эхлээд шүүмжлэх дуртай боловч үр ашгийг удаан хугацааны дараа өөрсдийн биеэр мэдрээд сайшаах нь дамжиггүй юм.

Мөн өчигдөрхөн шинэ усан оргилуурын ойролцоох амаараа цэвэр ус шууд уух зориулалттай төхөөрөмжийг иргэд хэрхэн ашиглахаа мэдэхгүйгээс болж цоргыг аман дотроо хийж ууж байгаа зураг  олон нийтийг бухимдуулсан. Энэ явдал нь хэн нэгний санаатайгаар  хийсэн буруу үйлдэл биш юм. Харин тэр хүн шинэ төхөөрөмжийг хэрхэн ашиглах, өөрийнх нь энэ үйлдэл хотын соёлыг хэрхэн зөрчиж байгаа талаар мэдлэг мэдээлэл муутай байгаагийн илрэл шүү дээ.

Харин Нийслэлийн удирдлагууд цэцэрлэгт хүрээлэн, усан оргилуурын нээлтийн үйл ажиллагааг зохион байгуулахаасаа өмнө  иргэдэд шинэ усан оргилуур, цэцэрлэгт хүрээлэнд цагийг хэрхэн зөв боловсон өнгөрөөх, шинээр нэвтрүүлсэн цэвэр ус шууд уух зориулалттай төхөөрөмжийг яаж ашиглах  заавар, анхааруулга, мэдээллийг өгөх дэлгэц, чанга яригчийг байршуулсан бол дээрх асуудлууд үүсэхгүй байсан болов уу.

Тиймээс зөвхөн хотын соёлыг түгээх, хэвшмэл буруу ойлголтыг залруулах мэдээллийг өдөр бүр иргэдэд дүрс бичлэгээр харуулж, сэтгэлд хоногшиж, нүдэнд харагдтал үзүүлдэг болмоор байна. Яг л сонгуульд нэр дэвшигчдийн зураг шиг. Хэрвээ нийтийн гудамж талбайг лид дэлгэц, чанга яригч төхөөрөмжөөр хангахад өнөөх л төсөв мөнгө нь хүндээр тусах гээд байдаг бол нийтийн тээврийн автобусанд байдаг зар мэдээллийн чанартай дэлгэц, дуу хөгжим эгшиглүүлээд байдаг ФМ, радиогоо ашиглаж болохгүй гэж үү.

 

 

 

 

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

Монголчуудын “үр могой” болсон “Женко” Х.Баттулгад хэзээ хариуцлага тооцох вэ?8 сар 7. 16:00Ши Жинпиньд захидал бичиж “Эрдэнэбүрэнгийн УЦС”-ын санхүүг зогсоосон Багийн Засаг дарга Г.Цэдэнбал 8-15 жилийн ял авч магадгүй8 сар 4. 11:28Э.Одбаяр: Дабль стандартыг эсэргүүцсэн залуус өөрсдөө түүнийхээ ХОХИРОГЧ НЬ болоод явж байна8 сар 4. 10:29Өнөөдөр Улаанбаатар хотод бороо орохгүй 24 хэмийн дулаан байна8 сар 4. 8:37Байгалийн нойлоос БОЛОВСОН нойлд шилжих цаг иржээ8 сар 3. 15:00Монгол Улсын Ерөнхийлөгч танд эгэл жирийн сурагч захидал илгээж байна8 сар 1. 18:38Солонгосын алдарт дуучин PSY-ийн тоглолтын дараа Монгол залуу амиа алджээ8 сар 1. 10:31КИМ СОН ЧУЛ: Усан үзэм тарихаар 20 жил судалсан минь монголчуудыг жимс, ногоогоо өөрсдөө тарьдаг байгаасай гэж ХҮССЭНИЙХ...8 сар 1. 9:43VISUAL TOIM: 2019 оны VI сард эхэлсэн Дарханы замд 340 ОСОЛ гарч, 28 ХҮН АМИА АЛДЖЭЭ…8 сар 1. 9:34Л.Оюун-Эрдэнэ, Х.Баттулга хоёрын “ЗОДООНЫ“ ард юу нуугдаж байна вэ8 сар 1. 9:321000 километр ХУРДНЫ ЗАМ барина8 сар 1. 9:29Тэрбумаар үнэлэгдэх хөрөнгөтэй гишүүд7 сар 29. 11:06ХОМ: Бүх дүүргийн Засаг дарга нарын хөрөнгийн хэмжээ нэмэгджээ7 сар 27. 9:34Төвийн бүсийн залуус 17 жилийн дараа чуулах гэж байна7 сар 26. 11:54Эрдэнэт үйлдвэр Бэрх тосгоны музейд бурхан бүтээлгэхээр 415 сая төгрөгийн тендер зарлажээ7 сар 22. 15:35Ж.Мөнхжаргал: Манай улсад сонгуулийн холимог систем илүү тохиромжтой7 сар 19. 12:21"Этүгэн" их сургууль 2022 оны шилдэг элсэгчдэд 100% тэтгэлэг олгоно7 сар 2. 16:20Дарханы замын шалгалт эцэстээ Б.Энх-Амгалан руу чиглэнэ7 сар 1. 15:04Шатахууны үнэ наадмын өмнө 300-600 төгрөгөөр нэмэгдэхээр болжээ6 сар 30. 10:47Л.Оюун-Эрдэнэ: Сонгууль тойрсон чөтгөрийн тойргоосоо гарцгаая6 сар 30. 10:20Замын хөдөлгөөний аюулгүй байдлын тухай хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг хийлээ6 сар 30. 9:09Г.Занданшатар: Инфляцыг бууруулах, үнийн өсөлтөөс иргэдэд ирэх дарамтыг бууруулах чиглэлээр УИХ-аас ажлын хэсэг байгуулж ажиллуулна6 сар 30. 9:09Ерөнхий сайдаа, танай намын залуус төрийн албаныхантай хамт дээрэм хийж байна6 сар 29. 10:05“Төрөөс олгох урамшууллаас нийгмийн даатгалын болон эрүүл мэндийн даатгалын шимтгэл суутган төлөх тухай” хуулийн төслийг өргөн мэдүүллээ6 сар 29. 9:09УИХ-ын дарга Г.Занданшатар Монгол Улсын Өргөмжит консул Каваүчи Широтой уулзлаа6 сар 28. 9:09Үндэсний их баяр наадмын тухай хуулийн шинэчилсэн найруулгын төслийг эцэслэн баталлаа6 сар 28. 9:09ЦУВРАЛ: Амар амгалан, үнэ цэн, нүд булаам бүхнийг мэдрүүлэх Жонжү хотын аялал6 сар 27. 11:24Улсын Их Хурлын дарга Г.Занданшатар нийслэлийн нутгийн захиргааны байгууллагуудын албан хаагч, иргэдтэй уулзлаа6 сар 27. 9:09Д.Ганбат: “Мөнхийн үсэг” групп Монгол хүний үнэт зүйлийг түгээн дэлгэрүүлж, сурталчлан таниулахыг зорьдог6 сар 26. 15:39УИХ-ын дарга Г.Занданшатар нийслэлийн Чингэлтэй дүүргийн иргэд, албан хаагчидтай уулзлаа6 сар 24. 9:09
© 2008 - 2022 он. Зохиогчийн эрх хуулиар хамгаалагдсан.