Эрүүл мэндийн яам/ЭМЯ/ шинэ коронавирусийн тархалттай холбоотой ээлжит мэдээлэл хийлээ. ЭМЯ-ны хэлтсийн дарга Д.Нарангэрэл хэлэхдээ
"Covid-19-т халдвар дэлхийн 216 улс орон бүс нутагт тархаж, 10 сая 400 мянган хүн өвчилж, 507 мянган хүн нас бараад байна. АНУ, Англи, БНХАУ-ын судлаачид дэлхийн нийт хүн амын 1.7 тэрбум хүн Covid-19-ийн халдвараар өвчилж, хүндрэх эрсдэлтэй гэж үзсэн. ДЭМБ-ын зөвлөмжөөр амны хаалт зүүх, хүн хоорондын зай барих, гараа ариутгах, гэртээ байх, найдвартай эх сурвалжаас мэдээлэл авах нь халдварын эрсдэлийг бууруулна гэж үзэж байгаа.
ОХУ-д сүүлийн 24 цагт 6719 хүн шинээр өвчилж 53 хүн эндсэн байна. Тувад эмнэлэг нь ачааллаа дийлэхгүй байна. Монгол Улсын хувьд ажиглалтад байна. Сүүлийн 24 цагт шуурхай утас 119-д 150 дуудлага ирж, зөвлөгөө авсан. Шуурхай аппликейшнд таван иргэн холбогдож мөн мэдээлэл авсан. Иргэд амны хаалтаа зүүхгүй байгаа талаар шүүмж ирж байна." гэв.
ХӨСҮТ-ийн дарга Д.Нямхүү:
2020.06.29-нд ХӨСҮТ-ийн хоёр, Дархан-Уул аймгийн лабораторт 357 хүнд шинжилгээ хийлээ. сөрөг гарлаа. Үүнийг задалж хэлвэл ажиглах байранд тусгаралагдсан 261 хүний давтан шинжилгээнд илрээгүй. Мөн 66 хүний давтан шинжилгээнд илрээгүй. ХӨСҮТ-д хяналтад байгаа 7 хүнээс илрээгүй. Тандалтын зорилгоор 6 сорьцод шинжилгээ хийхэд илрээгүй. Алтанбулагийн боотмтоор орж ирсэн 23 жолоочоос илрээгүй.
Нийт батлагдсан 220, үүнээс 175 хүн эмчилгээнээс гарсан. Одоо 45 хүн эмчилгээнд байна. Манайд халдвартай хоёр жирэмсэн эмэгтэй, хоёр хүүхэд байна.
ХӨСҮТ-ээс эмчлэгдэж гарсан жирэмсэн эмэгтэй сувилалд шилжихгүйгээр ХӨСҮТ-ийн ажиглах байранд үлдэж хяналтад байж байгаад өнөөдөр өглөө 07:20 минутад төрөөд охинтой боллоо. Дараагийн онгоцуудаар ирэх хүмүүсийг хүлээж авах бэлтгэлээ мхангаад ажиллаж байна.
Гадаад улс орнуудад хөл хориогоо сулруулснаар өвчин голомтлон гарч байна. Энэ нь бидэнд дохио өгч байна. Бид амжилтаа алдахгүйн тулд хамгийн чухал нь хөл хориогоо сулруулахгүй л байх хэрэгтэй.
Иргэн бүр анхаарал боломжоо алдахгүй, өнгөрсөн хугацаанд хэрэгжүүлсэн ирсэн амны хаалт зүүх, гарын ариун цэвэр, хүн хоорондын зайгаа барих гэсэн дэлхийгээр хэрэглэж байгаа хэдхэн аргаа хэрэглээд цааш нь явах ёстой. 21 хоног тусгаарлах нь зөв байсан учраас зарим тохиолдол дээр алдаагүй. 21 хоногоо яаран 14 хоног болгохгүй талаар мэргэжлийн байгууллагын зүгээс саналаа өгсөн байгаа” гэлээ.
8 сэтгэгдэлСэтгэгдэл бичих
Hend sanal ogdgiin zugeer l oorsdiin hii gesnee hii. Yu meddeg gej baasnuudad sungii mungii gej huselt tavidgiinogdgiin. Ulsaa hudaldsan sdakuud bogsoo hudaldaj suudald suusan heden ynhanuudad yuugii ni tailagnadgiin hii gesnee hii.
Хөл хориог сулруулахгүй байх нь өвчнөөс хамгаалах гол зүйл ш дээ
зөв зөв зөв эднийхээ үгэнд ор
Сонгуулийн үеэр хэдийн утгаа алдаад цуцлагдсан шахуу биз дээ??????
АМНЫ ХААЛТ ЗҮҮДЭГГҮИ ХҮМҮҮС ИХ БОЛЖДЭЭ ... НӨГӨӨ ТОРГУУЛЬ ТАВЬЖ ХУУЛЬ ХЭРЭГЖҮҮЛДЭГ ТӨРИИН АЛБАН ХААГЧ НАР ХААШАА АЛГА БОЛЧИХВОО ЭСВЭЛ ЦАЛИНГАА СУЛ АВААД БАИЖ БАИГАА ЮУ ?????
zub shvv hul horiog sulruulah hereggvi
Эмч нарынхаа үгэнд орвол аминд өлзийтэй шүү. Хэдэн монголчууд элэг бүтэн байвал мөнгө төгрөг, улс төр, нам хар зэрэг ч яршиг л байна. амьд явбал алтан аяганаас ус уунаа. Мэргэжлийн байгууллагуудын зөвлөгөө, зөв арга хэмжээ, монголчууд маань бас ч гэж сахилга баттай төр засгаа сонсдог ард түмэн юм байна шүү үүүний үр дүнд бид эх орондоо чөлөөтэй амьдарч эрүүл байна. амжилтаа алдахгүй шүү гэдэгтэй санал нэг байна шүү эмч нараа
Зөв зөв хөл хориог сулруулаж болохгүй шүү хэнэгүй тэнэг нь дэндсэн хүмүүс хаа сайгүй тэнэж байгаа шүү