Маргааш хязаалан, эрлийз дунд, шүдлэн насны морьд уралдана

Хурдан морьны салбар комисс-оос мэдээлэл хийлээ.

Тулгар төр байгуулагдсаны 2229, Их Монгол улс байгуулагдсаны 814, Ардын хувьсгалын 99 жилийн ой тохиох гэж байна. МУ-ын үндэсний их баяр наадмын тухай хуульд заасанчлан хурдан морины уралдаанд 6 насны морь уралдуулахаар болсон байсан. Гэвч морин спорт, уяачдын холбоо, тодорхой албан тушаалтан, иргэдийн зүгээс эрлийз гурван насыг уралдуулах санал ихээр ирсэн байна. Иймд 6 насны морьдын уралдаанаас гадна эрлийз гурван насны уралдуулахаар болсон аж.

Үндэсний их баяр наадмыг зохион байгуулах хорооны 2015 оны долдугаар сарын 01-ны өдрийн 5-р тогтоолоор батлагдсан журмыг баримталж, монгол морьдоос эрлийз морьдыг ялгах ажлыг зохион байгуулна.

Өнөөдөр Хүй долоон худагт хурдан морины бүртгэл хийгдэж байна. Маргааш буюу долдугаар сарын 10-ны өдөр гурван насны хурдан морь уралдана. Үүнд:

-07:00-11:00 цагийн хооронд хязаалан нас

-12:00-14:30 цагийн хооронд эрлийз, дунд нас

-15:00-18:00 цагийн хооронд шүдлэн нас

Долдугаар сарын 11-ны өдөр дараах насны морьд уралдана. Үүнд:

-07:00 цагт азарга нас

-12:00 цагт их нас

-16:00-19:00 цагт эрлийз дээд нас

Долдугаар сарын 12-ны өдөр соёолон, даага, эрлийз бага насны морьдын уралдаан болж өндөрлөнө.

Зургаан насны морьдын уралдаан дууссаны дараагаар морь цоллох ажлыг Хүй долоон худагт явуулах юм.

Баяр наадмыг МҮОНРТ, Монгол HD, NTV, Эх орон, 25 дугаар суваг телевизүүдээр шууд дамжуулан иргэд олон нийтэд хүргэх юм байна.

Морь унаач хүүхдийг оруулахдаа халууныг үзэж, ариутгал халдваргүйжүүлэлтийг хийх аж.