ЗӨСҮТ: Тарваган тахлын нэг сэжигтэй тохиолдолд улсаас 60-100 сая төгрөг зарцуулдаг

ЗӨСҮТ-өөс тарваган тахлын нөхцөл байдлын талаар мэдээлэл хийлээ.

Албаны хүн хэлэхдээ "Монгол Улсын баруун аймгууд болох Баян-Өлгий, Ховд, Говь-Алтай, Увс зэрэг аймагт биний хийсэн судалгаагаар тарваган тахлын байгалийн голомын идэвхижил нэлээд өндөр байна. 

Тарваган тахлын хамгийн их аюул нь уушигны хэлбэрт шилжсэн тохиолдолд хүнээс хүнд халдварлаж, нас баралтын түвшин 30-100 хувьд хүрдэг. Өөрөөр хэлбэл арван хүн өвчиллөө гэхэд 3-10 хүн нас барах магадлалтай гэсэн үг. 

2019 онд Баян-Өлгий аймагт гэр бүлийн хоёр иргэн тарваган тахлын халдвараар өвчилж нас барсан эмгэнэлт хрээг гарсан. Харин энэ жил сэжигтэй таван дуудлага бүртгэгдсэний гурав нь батлагдсан байна. Хоёр нь Ховд аймгийн бүсийн оношилгоо эмчилгээний төвд эмчлүүлж байна. 

Нэг нь долдугаар сарын 11-ний өдөр Говь-Алтай аймгийн Төгрөг суманд 15 настай хүүхэд тарваган тахлын сэжигтэйгээр нас барсан тохиолдол бүртгэгдсэн. Эрүл мэндийн байгууллагууд шуурхай арга хэмжээ авч шинжлэхэд тарваган тахлаар нас барсан нь батлагдсан.  Энэ тохиолдлын хавьтал болсон, хамт тарваганы мах идсэн 15 хүнийг урьдчилан сэргийлэх эмчилгээнд оруулж, тусгаарлаж чадсан. Тиймээс эдгээр хүмүүсээс одоогоор өвчилсөн, шинж тэмдэг илрээгүй байна. 

Тарвага агнах хууль бус үйлдэл. 2017.09.22-ны өдрийн Байгаль орчин аялал жуулчлалын сайдын 275-р тушаалаар тарвага агнахыг Монгол Улсын хэмжээнд гурван жилээр хориглосон. Иргэд хөдөө орон нутагт аялж зугаалж яавхдаа хууль бус ан хийх, хууль бус анг худалдаалах, тээвэрлэх зөрчил гарч байна. 

Тарваган тахал өвчний үед төрийн байгууллагууд тэр чигтээ хөдөлдөг. Нэг тохиолдолд маш олон салбарууд хөдөлдөг. Говь-Алтай аймагт л гэхэд таван сумын хэмжээнд хөл хорио тогтоож, голомтыг цомхотгох арга хэмжээ зохион байгуулж байна. Судалгаагаар нэг тохиолдолд ойролцоогоор 60-100 сая төгрөг зарцуулж байна. Өртгийн хувьд маш өндөр. Тиймээс өөрийнхөө амь насыг, цаашлаад гэр бүлээ, нийгмийг эрсдэлд оруулахгүй байхыг иргэддээ анхааруулж байна" гэлээ.