2020 оны 8-р сарын 26
8 цаг 20 минут

М.Батмагнай: Цаашид хүүхдийн оюунд хөрөнгө оруулахад илүү анхаарч ажиллана

Монголчууд эрт үеэс хүүхдээ үлгэрээр дамжуулан эр зоригтой, үнэнч шударга, ажилч хөдөлмөрч болгож хүмүүжүүлэхийг зорьсоор ирсэн. Хүүхдийн хүсэл мөрөөдлөө биелүүлэх нэг арга нь үлгэр ч гэж үздэг байна. Тэгвэл бяцхан хүүхэд, багачуудыг үлгэрийн ертөнцөөр аялуулж, сонорыг нь мялаах шинэхэн уран бүтээл бэлэн болжээ. Харин уг бүтээлийг санаачлагч “Сонор мялаахын нөхөд” фэйсбүүк группын үүсгэн байгуулагч, МУСТА, жүжигчин, уран уншигч М.Батмагнайтай цөөн хором ярилцлаа.

-"Үлгэрийн ертөнц-1" цомог гаргасан юм байна.  Шинэ цомгийнхоо талаар ярихгүй юу?

-Шинэ бүтээлээ хүлээн авч  байгаадаа туйлын баяртай байна. Манай “Сонор мялаахын нөхөд” группын зүгээс хүүхэд багачуудынхаа оюунд хөрөнгө оруулах зорилгоор “ Үлгэрийн ертөнц-1” цуврал, дабль цомгийнхоо эхний хувилбарыг гаргаад байна. Цомогт 19 ширхэг монгол ардын үлгэр багтсан.

-Цуврал гэхээр цаашлаад үргэлжлүүлэн гаргах санаа бий байх?

-Тийм ээ. Манай монгол ардын үлгэрүүд дуусашгүй, арвин баялаг байдаг учир үлгэрийн ертөнц хоёр, гурав гэх мэтээр үргэлжлүүлэн гаргана гэсэн бодолтой байгаа. Мөн өөр орны гайхалтай үлгэрүүдээр ч гэсэн гаргая гэж төлөвлөж байна.

-Үлгэрийн цомог гаргах  санаачилгыг анх хэрхэн гаргаж байв?

-Манай “Сонор мялаахын нөхөд” группын гишүүд маань ихэвчлэн гадаадад амьдардаг юм. Иймд эх хэлээ мартахаас сэргийлэн, хүүхдэд зориулсан бүтээл хийвэл яасан юм бэ гэсэн саналыг тавьсан. Тухайн үедээ хэд хэдэн үлгэр уншиж нийтэлсэн маань хүмүүст хүрч, үүнийгээ цаашлаад цомог болгоё гэх шийдэлд хүргэсэн дээ.

-Тэгэхээр гол шийдэлд хүргэсэн “Сонор мялаахын нөхөд” бүлгэмийн тань талаар сонирхоё?

-Анх би өөрөө ном, зохиол унших их дуртай хүүхэд байлаа. Гэсэн ч тэр болгон цаг зав, гардаггүй байсан юм. Үүнтэй адил хүсэл байв ч завгүй байдаг хүмүүстээ зориулан өөрийн “Мэнджаргалын Батмагнай” гэх фэйсбүүк хуудсыг нээж байсан. Ингээд хамгийн анх Соёлгэрэл зохиолчийн “Сахиусан тэнгэрийн нулимс” гэх зохиолыг уншин, нийтэлж байлаа. Энэ маань ч олон хүмүүст таалагдаж, цаашлаад санал сэтгэгдлээ хуваалцах групптэй болъё гэсэн гишүүдийн хүсэлтээр  2018 онд байгуулсан юм. Монголынхоо зохиолчдын гайхалтай зохиолуудыг сурталчлан таниулж, хэн бүхний оюунд хөрөнгө оруулах зорилготой нээгдсэн групп маань өсөн дэвжиж явсаар өдгөө 18 мянга гаруй гишүүнтэй болсон байна. Мөн хар бараан энэ нийгэмд ганц ч гэсэн гэрэлтэй зүйл байх нь сайхан хэрэг шүү дээ.

-Цомогт багтсан бүх үлгэрийг  та уншсан уу?

-Тийм ээ, би бүгдийг нь уншсан. Харин цаашдын бүтээлүүд дээрээ зохиол унших талаар сонирхдог, суралцах хүсэлтэй хүмүүсээ сургаж, уншуулна гэж бодож байгаа. Учир нь намайг сонсож, мэддэг хүмүүс маань сургалт явуулах ч юм уу, энэ тал дээр зааж сургах хүсэлт ихээхэн тавьдаг юм. Энэ төрлийн сургалтыг явуулснаар тухайн хүн өөрийгөө нээж, авьяас чадвараа хөгжүүлэх, хүнтэй зөв харилцах арга техникийг эзэмших давуу талуудтай байдаг.

-Үлгэрийн ном сонсож, унших нь хүүхдийн сэтгэхүйд ямар ач тустай байдаг юм бэ?

-Монгол ардын үлгэрүүдэд эртний өв соёл болоод ёс заншил, уламжлалыг тэмдэглэн үлдээсэн байдаг юм. Тэр ч утгаараа хүүхэд эдгээр зүйлээс суралцан, мэдэж авч, монгол ахуй соёлтойгоо танилцана. Мөн багаасаа үлгэр сонссон хүүхэд анхааралтай, тэвчээртэй болох төдийгүй ойлгон тогтоох, цээжлэх чадвар нь ч хөгжих гэх мэт олон ач холбогдолтой. Үлгэрээс сурах зүйл их бий гэдэг шүү дээ.

-Хүүхэд, багачуудад зориулсан энэ төрлийн цомог Монголд тийм ч их байдаггүй байх?

-Тийм. Энэ талаар судалж үзэхэд, яг үлгэрийн цомог цөөхөн байдаг юм байна билээ.

-Цомог авах хүсэлтэй хүмүүсийн тухайд?

-Энэ цомог маань үүнээс цааш хэвлэгдэхгүй, зөвхөн ганц хувь нь л хүмүүсийн гар дээр очно гэдгээрээ үнэ цэнэтэй. Бид цаашдаа хүүхдүүддээ зориулаад, үүнээс илүү ямар хялбар аргаар шинэ бүтээлүүд хийх боломжтой гэдэг дээр илүү сайн анхаарч, ажиллах болно. Харин сонирхож байгаа хүмүүсийн хувьд зөвхөн манай фэйсбүүк хуудсаар дамжуулан холбогдож авах боломжтой.

-Ярилцсанд баярлалаа. Таны цаашдын хүүхдийн оюуны хөрөнгө оруулалтад хийх гэгээн үйлс тань дэлгэрэх болтугай.

-Баярлалаа. Та бүгдэд амжилт хүсье.

 Э.Баглаацэцэг

 

4
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

4 сэтгэгдэлСэтгэгдэл бичих

117.111.24.131Зочин   • 2020, 8 сарын 26. 14 цаг 47 минут

Амжилт хүсьеээ М.Батмагнай багшдаа санасан сэтэгсэн бүхэн нь бүтэж байх болтугай хурай 3

202.131.244.210Зочин   • 2020, 8 сарын 26. 11 цаг 25 минут

холбогдож авах фэисбүүк группын нэр "Сонор мялаахын нөхөд" гэсэн групп байгаа шүү, хүсэлтээ илгээгээд нэгдээрэй

202.21.113.238Zochin   • 2020, 8 сарын 26. 11 цаг 13 минут

Saihan hoolotoi shuu Batmagnai

202.21.113.238Zochin   • 2020, 8 сарын 26. 10 цаг 43 минут

Zov sanaa baina amjilt husie

Шинэ мэдээ

Сонгон шалгаруулалтын зарыг сунгаж байна5 сар 29. 12:44Б.Бямбадорж: Хот тохижилтын 700 гаруй ажилчид, хоёр сар гаруй хугацаанд ажлаа хийж дуусгалаа5 сар 28. 12:33Хүрээ амаржих газрын удирдлага М.Мөнхсайхан, Д.Цэцгээ, жижүүр эмч, төрөх тасгийн эмч нартай хариуцлага тооцоё4 сар 18. 20:23Эргэн төлөгдөхгүйгээр цугласан хагас тэрбумын орлогынхоо талаар Мобиком корпорацийн Япон эзэд болон Гүйцэтгэх захирал Кожи Курушима хариулт өгнө үү1 сар 18. 15:39Б.Энхбаяр vs Д.Амарбаясгалан1 сар 18. 11:30Соёлын сайд Ч.Номин та ДБЭТ-ын ерөнхий балетмейстер Д.Дашлхагвыг хамгаалж ажлуулсаар байх уу?2023, 12 сар 22. 16:13Мисс Бямбасүрэн “Miss Asian Awards 2023” тэмцээнд дэд байр эзэллээ2023, 12 сар 8. 12:01Ардчилсан намын даргын Ажлын албаны даргаар намын даргын зөвлөх Энхтөрийн Галбадралыг томиллоо2023, 12 сар 4. 13:04ФИДИК-ийн загвар гэрээний үнэ тогтоох, ажил хүлээлцэх асуудал2023, 11 сар 26. 14:46ТОДРУУЛГА: Цагдаагийн байгууллагын гэр бүлийн хүчирхийллийн дуудлага, мэдээллийн бүртгэл шинэчлэгдсэн2023, 11 сар 19. 14:32Зүүсэн цол энгэрээс гялтагнана, Зурсан түүх тэнгэрээс ч гялалзана2023, 11 сар 4. 10:44БЗД: Үерт автсан хороодод ариутгал, халдваргүйжүүлэлт хийж байна2023, 10 сар 30. 10:35Н.Баярмөнх: Орон сууцны хороолол дунд хашаалсан шүүхийн маргаантай гэх газруудыг шийдвэр гартал чөлөөлөх хэрэгтэй2023, 10 сар 30. 10:32А.Баяр: БЗД-ийн VII хороонд үйл ажиллагаа эрхэлдэг бар, цэнгээний газруудыг цэгцэлнэ2023, 10 сар 30. 10:28БЗД-ийн Ерөнхий боловсролын сургуулиудад “Цахим” индрийг гардуулсаар байна2023, 10 сар 26. 11:03Зөвшөөрлөөр тогтохгүй зөрчлүүдээ нуух аа боль! Ондо2023, 10 сар 16. 13:58Төрийн өмчит “Мон-Атом” компанийн Гүйцэтгэх захирал асан Э.Галбадрал: Ураны салбар эдийн засгийн эргэлтэд орсноор эдийн засгийг солонгоруулах нэгэн тод шар өнгө болж байгаад баяртай байна2023, 10 сар 13. 19:37Л.Лувсандэмбэрэл: Багш, шавь, гэр бүл гэсэн гурвалсан холбоо сайн байж амжилтад хүрдэг2023, 10 сар 5. 14:37Л.Оюун-Эрдэнийн ээлжит том нүүдэл нь ТӨСӨВ байх нь!2023, 9 сар 27. 15:08ТАНИЛЦ: АН-ын дарга Л.Гантөмөрийн зөвлөхүүд2023, 9 сар 25. 14:06Н.Баярмөнх: Хоол захиалж идсэн гэх 54 сая төгрөгөөр гамшгийн үед ажилласан төрийн алба хаагчдын хоол хүнсийг шийдвэрлэсэн2023, 9 сар 19. 11:07“Гэр бүлийн хүчирхийлэл, хүүхдийн эсрэг гэмт хэрэгтэй тэмцэх, урьдчилан сэргийлэх арга зүй“ сэдэвт бүсчилсэн сургалт болж байна2023, 9 сар 18. 16:32“Нээлттэй –Хөвсгөл-2023” арга хэмжээ Улаанбаатарт болно2023, 9 сар 18. 11:17Цагдаагийн байгууллага, Нэгдсэн Үндэсний байгууллагын Хүүхдийн сан хамтран цахим орчинд үйлдэгдэж буй хүүхдийн эсрэг гэмт хэрэг, зөрчлөөс урьдчилан сэргийлэх, хамгаалах,иргэдийн эрх зүйн мэдлэгийг дээшлүүлэх, мэдээллийн технологийн зохистой хэрэглээг бий болгох, зорилготой “Нууцалъя- Private” нөлөөллийн аяныг эхлүүлжээ. Тус аян энэ сарын 15-ны өдрөөс 12 сарын 25-ны хугацаанд улсын хэмжээнд зохион байгуулагдана2023, 9 сар 17. 16:28Зул бөхөхийнхөө өмнө бадамладаг!2023, 9 сар 15. 12:57ХИЧЭЭЛ ЭХЭЛЛЭЭ НЭГДСЭН АРГА ХЭМЖЭЭНИЙ ХҮРЭЭНД #ЭРСДЭЛГҮЙ_ИРЭЭДҮЙ ӨДӨРЛӨГИЙГ ЗОХИОН БАЙГУУЛЛАА2023, 9 сар 5. 17:49ХҮҮХДИЙГ ЗОХИСГҮЙ АГУУЛГААС ХАМГААЛЦГААЯ2023, 9 сар 5. 16:28Хүүхэд хамгааллын хөтөлбөр2023, 8 сар 29. 17:05Хүн худалдаалах гэмт хэргээс урьдчилан сэргийлэх “Мэддэг, Мэдээлдэг байя” аян эхэллээ2023, 8 сар 29. 16:42АН-ын 16 Дэд дарга тойрогт нэр дэвшихээр Л.Гантөмөртэй тохирчээ2023, 8 сар 29. 11:23
© 2008 - 2024 он. Зохиогчийн эрх хуулиар хамгаалагдсан.