Засгийн газрын тохируулагч агентлаг, Биеийн тамир, спортын улсын хорооны дарга Ц.Шаравжамц салбарын хөгжлийн бодлого, хөтөлбөрийн хэрэгжилтийн чанарыг сайжруулах нөхцөл боломж, цаашдын хамтын ажиллагааг оновчтой тодорхойлох зорилгоор Биеийн тамир, спортын салбарын төрийн болон төрийн бус байгууллагын төлөөллүүдтэй ажил хэргийн хуваарьт уулзалт зохион байгуулж буй. Энэ удаад салбарынхаа эрдэмтэн, судлаачидтай уулзалт хэлэлцүүлэг зохион байгууллаа.
БТСУХ-ны зүгээс шинжлэх ухааны ололт амжилт өндөр түвшинд хүрсэн спортын хөгжлийн эрин зуунд Биеийн тамир, спортод шинжлэх ухааны онол, арга зүйг өргөн хүрээтэй нэвтрүүлж, оновчтой арга, технологийн ашиглах тал дээр түлхүү анхаарч ажиллаж байгаа юм. Энэ ажлын хүрээнд Засгийн газрын тогтоолоор спортын анагаах ухаан, эрдэм шинжилгээний төвийг бие даасан бүтэцтэйгээр байгуулахаар болоод байна.
Өмнөх жилүүдэд Спортын шинжлэх ухааныг хөгжүүлэх зорилгоор 2019 онд БСШУС-ны хөрөнгө оруулалтаар Швед улсад үйлдвэрлсэн дээд болон доод үе мөчний ажиллах чадварыг тодорхойлох Monark, Эргометр багаж, герман улсын ABW –Mapper компаны нурууны сколиоз,кифоз,лордоз мушгиралт тогтоох тоног төхөөрөмж, итал улсын Opto gait компаны хөлийн динамик биомеханик хөдөлгөөн үзэх багаж, спортын сэтгэл зүйн сорил хийх орос улсын багаж, нийт 5 төрлийн 265 сая төгрөгийн тоног төхөөрөмжийг хүлээн авч ашиглаж эхэлсэн.
Мөн энэ онд хүчилтөрөгчийн дээд хэрэглээ тогтоох герман улсын COTREX үйлдвэрийн иж бүрэн тоног төхөөрөмжийг авсан. Эдгээр багаж тоног төхөөрөмжтэй танилцаж, цаашид судалгаа шинжилгээний ажлыг хамтран хийх нөхцөл боломж, зөвлөмж Салбарын эрдэмтэн судлаачдад бүрдэж байгааг энэ үеэр дуулгасан юм.
Биеийн тамир спортын салбарын хөгжлийн нэн тэргүүний шийдвэрлэх асуудал, Спортын Анагаах ухаан, эрдэм шинжилгээний төвийн хөгжлийн ирээдүй сэдвээр хэлэлцүүлэг зохион байгуулахаар төлөвлөсөн. Судалгаанд тулгуурласан, ШУ – ны үндэслэлтэй, шинэ арга барил, технологи, иновацийг нэвтрүүлэх судалгааны шан татах атар газар бидний өмнө цэлийж байна гэж БТСУХ-ны дарга Ц.Шаравжамц онцолсон юм.
Эрдэмтэн судлаачдын зүгээс цаашид хамтын ажиллагааг улам бэхжүүлэх, судалгаа шинжилгээний ажилд БТС-ын чиглэлээр суралцдаг оюутан сурагчдыг өргөнөөр хамруулах, Үндэсний шигшээ багийн тамирчдын бэлтгэл сургуулилтын төлөвлөгөөг боловсруулахад хамтарч ажиллах, оролцох зэрэг санал гаргаж байлаа.
Таеквон-до: “ЭХЛЭЛИЙН ЦОМ-2023” олон хотын нээлттэй тэмцээн эхэллээ
Насанд хүрэгчид, мастер ангилалын Таеквондогийн улсын аварга шалгаруулах тэмцээн эхэллээ
Халдвараа хумиж чадаагүй Эрүүл мэндийн сайд Т.Мөнхсайхан, ТНБД Я.Амаржаргал нар халаа сэлгээ хийж, цар тахлын үед олон хүнийг ажилгүй болгож байна
Өөрөөсөө урвасан Н.Энхбаярын "БУЯНААР" Ардчиллын ТАВАН ЗАСГИЙН ГАЗАР огцорч байв
Ховд Вестерн клубт Ёвропын шилдэгээр удирдуулна
“Энержи-3х3” лиг аваргуудаа тодрууллаа
Э.Цэндбаатар: Амжилтаа ахиулахын төлөө хичээх болно, Монголчууддаа баярлалаа
Э.Цэндбаатар, Г.Баярхүү нарын тулааныг “TSENDBAATAR 2022.02.22” фэйсбүүк группээр шууд үзээрэй
1 сэтгэгдэлСэтгэгдэл бичих
ЯМАРЧ спортын төрөлд шинжлэх ухаанд тулгуурлаж бэлтгэл сургуулалт хийж байж л амжилт олно үүнд л анхаарах хэрэгтэй бүр эрдэмтдийн баг гаргаж тамирчдад шинжлэх ухааны үндэстэй бэлтгэл сайн хийж байж л амжилт гаргана шүү Харин Х.Баянмөнх шиг шал худлаа 700 аад мэх ч гэх шиг худалч эрдэмтэн бол харин гай болно шүү