2020 оны 9-р сарын 11
10 цаг 50 минут

Х.Ядам: Энэ сарын сүүлээр шинэ уран бүтээлээ гаргахаар төлөвлөж байна

     “The voice of mongolia-2” шоу нэвтрүүлгийн ялагч "Төмөр хоолойт" хочит Х.Ядамтай ярилцлаа.

-Сайн байна уу. Яриагаа таны уран бүтээлийн сонин сайхнаас эхэлье. “The voice of mongolia-2”  шоунаас хойш ямар уран бүтээл дээр ажиллав?

-Шоу нэвтрүүлэг дуусаад гурван сарын хугацаа өнгөрч байна. Амралт хэрэгтэй байсан учраас амарсан. Мөн арай өөр өнгө төрөхтэйгээр гарч ирэх үүднээс гаднах төрхөндөө анхаарч ажиллалаа. Шинэ уран бүтээл гаргахад багагүй хугацаа, бэлтгэл шаардлагатай байдаг юм байна. Тэгээд саяхнаас л шинэ уран бүтээлийн ажилдаа орсон. Өөрийн төрөл жанраар төлөвлөсөн уран бүтээлүүдээ хийж эхэлсэн. Энэ сарын сүүлээр гаргахаар төлөвлөж байна. Шинэ уран бүтээлийг маань сонсогчид таатайгаар хүлээн авна гэж итгэж байна. 

-Ямар төрөл жанраар уран бүтээлээ гаргаж байгаа вэ? 

-Тэрийгээ одоохондоо нууцална. Миний уран бүтээлээс доргио дуунууд зонхилох байх. Уран бүтээл гарсны дараа сонсогч, фэнүүддээ мэдээлэл өгнө. 

-Ер нь “The voice of mongolia-2” шоунд яагаад орох болсон бэ. Энэ талаараа бас ярилцвал? 

-Войс шоунд орох нь миний хувьд гэнэтийн шийдвэр байсан. Өөрийгөө ямар хэмжээнд байгааг мэдэх гээд бүртгэлийн хамгийн сүүлийн өдөр бүртгүүлээд орсон. Ингээд шат ахих тусам өөртөө итгэх итгэл нэмэгдэж эхэлсэн. Тэгээд улам хөглөгдсөн гэх үү дээ. Войс шоу бол дуулдаг хүн бүрийн мөрөөдөл. Уг нь "The voice of mongolia-1"-д оролцох гэж бодож байсан ч зориг хүрээгүйгээс орж чадаагүй байсан. 

-Гэнэтийн шийдвэр байсан ч гэлээ хангалттай бэлдэж байж орсон байх? 

-Тухайн үед надад багш байгаагүй. Би өөрөө ч тэмцээнд орно гэж шийдээгүй мөртлөө байнгын өөрийгөө бэлдээд л сойгоод байдаг байлаа. Одоо бодоход войс шоунд зориулж л бэлддэг байсан бололтой. Дуу хөгжим хамгийн дуртай зүйл маань учир хэзээ ч орхиж чаддаггүй. Өөрийгөө үргэлж бэлтгэлтэй байлгадаг байсан гэх юм уу. Дуртай зүйлийнхээ төлөө тууштай байх нь хамгийн зөв гэж боддог.

-Шоуны эхний шатанд нэг ч шүүгч эргэж харахгүй бол яаанаа гэх айдас байсан уу? 

-Эхний шатанд шонуд оролцогчдыг шоунд дуулахаас өмнө бэлддэг. Хэдийгээр бэлтгэлтэй байсан ч маш их сандарсан. Тэгээд эхний шатанд орохдоо нэг ч шүүгч эргэж харахгүй бол яаанаа гэж айж байсан ч дөрвөн шүүгч дөрвүүлээ эргэж харсан. Бүр Ука шүүгч бүжиглээд, шүүгчид олон сайхан саналууд тавиад л. Тэр үеийн мэдрэмж, эрч хүч шоуны шат бүрт надад өөртөө итгэх итгэлийг нэмж өгч байсан. Мөн эрч хүчтэй байдал маань хүмүүст эерэг сэтгэгдэл төрүүлж, энэ хүний хоолой нь цуцдаггүй, хэдэн ч удаа дуулсан яг адилхан дуулдаг юм байна гэж бодогдсон байх. Би хүсэл, мөрөөдөл, зорилгынхоо төлөө хичээж байгаа. Энэ бүхнийгээ маш аз жаргалтайгаар хийдэг. Тиймээс энэ аз жаргалтай байсан цаг хугацаа маань намайг төмөр хоолойтой, цуцашгүй Х.Ядам гэх хоч авахад нөлөөлсөн байх.

 -Энэ шоунаас их зүйл сурсан байх? 

-Тийм. Маш их зүйл сурсан. Миний хувьд нэг жилийн хугацаатай их сургууль л байсан гэсэн үг. Урлагийн хүний сурч болох бүх л зүйлийг энэ шоунаас сурсан. Камерын өмнө биеэ яаж авч явах уу, камертайгаа хэрхэн харьцах, тайзан дээр яаж дуулах, дуу дуулж байхдаа яаж бүжиглэх үү, амьсгалаа хэрхэн авах, нүүрний хувирлаа хэрхэн удирдах гээд л. Мөн өөртэйгээ сонирхол нэг залуустай том хүсэл мөрөөдлийн зүгт зүтгэсэн. Түүнчлэн дуулаад дууссаныхаа дараа сэтгэл хөдлөлөө хэрхэн хянах, юу гэж хэлбэл оновчтой байх зэрэг олон зүйлийг сурсан даа. Ер нь шоунд орсоноор маш хөдөлмөрч болсон. 

-Шоунд орохоос өмнөх Х.Ядам, одоогийн Х.Ядам хоёр ялгаа байна уу. Хэр өөрчлөгдөв? 

-Хувь хүнийхээ хувьд бол яг л хэвээрээ. Шоунд орохоос өмнө хүмүүс мэддэггүй, дуулах сонирхолтой, өмнөх ажлаа хийгээд явдаг жирийн залуу байсан. Харин одоогийн нөхцөл байдал арай өөр. Гудамжаар явахад хүмүүс таньдаг болсон байна. Мэдээж хүмүүсийн хайр хүндэтгэлийг хүлээгээд шоуны ялагч болсон болохоор хүмүүст уран бүтээлээрээ бэлэг барьж, аз жаргал бэлэглэх зорилго өвөртлөөд л явж байна. Ер нь бол шоуны өмнөх Ядамаас одоогийн Ядам бол илүү хариуцлагатай, тууштай, илүү сайжирсан. 

"Д.Болд шүүгчийг зүүлтээ бэлэглэхэд нь энэ хүн миний төлөө юу ч хийхэд бэлэн юм байна гэсэн итгэл үнэмшил төрсөн"

-Шоуны эхний шатанд Д.Болд шүүгч танд зүүлтээ бэлэглэсэн нь олны анхаарлыг маш их татсан. Яагаад танд зүүлтээ өгсөн шалтгаанаа хэлж байсан уу? 

-Хэлж байгаагүй. Гэхдээ миний хоолой их өвөрмөц сонсогдсон юм шиг байна лээ. Д.Болд ахаас авсан миний хамгийн том бэлэг. Магадгүй надад аз авчирдаг байх гэж боддог учраас би чухал үедээ зүүдэг. Тэр өдөр тайзан дээр үнэхээр гэнэтийн, гайхалтай зүйл болсон. Д.Болд шүүгч "Чиний гялбаа болсон хоолойг үнэлмээр байна. Надад одоо өгөх юу ч байхгүй учраас хамгийн нандин зүйлээ өгье" гээд хүзүүндээ байсан зүүлтээ надад зүүлгэж өгсөн. Өөрийн биенээсээ салгадаггүй сахиус шиг зүүлтээ надад өгсөн нь шоунд ялах итгэлийг өгсөн. Би ч хувьдаа тэр зүүлт, сайхан энергийн ачаар ялсан байх гэж үргэлж бэлэгшээдэг. 

-Таныг Д.Болд шүүгчээс зүүлт авангуутаа шүүгчээрээ сонгочихлоо гэж ярьдаг. Зүүлт ер нь таныг шүүгчээ сонгоход нөлөөлсөн үү? 

-Нөлөөлсөн. Гэхдээ би зүүлтийг нь аваад Д.Болд шүүгчийг сонгосон юм биш. Харин энэ хүн миний төлөө юу ч хийхэд бэлэн юм байна гэсэн итгэл үнэмшил төрсөн учраас сонгосон. 

-Шоуны шүүгч бүр өөрийн гэсэн онцлогтой. Д.Болд шүүгчийн хувьд яаж бэлддэг вэ? 

-Д.Болд шүүгч их найрсаг. Бид нартай яг л найзууд шиг харьцдаг. Одоо чи ингэж дуулмаар байна. Би чамд энэ зүйл дээр тусалъя гээд хэлсэн л бол хэлсэндээ байдаг. Надад зориулж өөрийн мэдрэмжээрээ “Чанга охид хэзээ ч уйлдаггүй” гэдэг дууг зохиож өгсөн. Надаас гадна манай багийн хэд хэдэн оролцогчдод дуу бичиж өгсөн. 

-"Чанга охид хэзээ ч уйлдаггүй" уран бүтээлийг хүмүүс маш өндөр сэтгэгдэлтэйгээр хүлээж авсан. Зарим хүмүүс уйлдаггүй гэдэг үгийг нь сонсохоор уйлчих гээд байх юм гэж байсан. Энэ дууныхаа талаар хуваалцвал? 

-Монголд ер нь ийм сэдэвтэй дуу байдаггүй байх. Тийм болоод ч тэрүү зарим хүмүүс шууд утгаар нь хүлээн авч байсан. Гэхдээ дууных нь нэрээр биш үгийг нь сайн сонсох хэрэгтэй. Нийгэмд тулгарч буй маш том асуудлуудын нэгийг хөндсөн. Дууны утга, агуулга их гүнзгий. Би дуугаа дуулахдаа ээж, эгч гээд ойр тойрныхоо эмэгтэйчүүдийг бодоод маш их хичээж дуулсан. Тэгсэн ч нэг л сайн болохгүй, дуундаа нэг л орохгүй байсан. Гэтэл Д.Болд дасгалжуулагч хүүхдээ хөхүүлээд уйлж байгаа эмэгтэй хүний зургийг харуулсан. Тэр зургийг хараад надад тайлбарлаж боломгүй тийм онцгой мэдрэмж төрсөн. Тэгээд дуугаа дуултал хөтлөгч, шүүгч, Монгол телевизийн хамт олон одоо яг болж байна гэсэн. Тиймээс дууг чин сэтгэлээсээ дуулах, зүгээр дуулах хоёр маш их ялгаатай юм байна гэдгийг ойлгосон. Тэгж шүүгч маань энэ дууны утга санааг надад ойлгуулсан. Би утга санааг ойлгуулж, хүмүүст хүргэх гэж маш их хичээж дуулсан.

-Цаашдаа дуучин Д.Болдтой хамтран ажиллах уу? 

-Тэгэлгүй яахав. Шүүгчтэйгээ цаашдаа уран бүтээлээрээ хамтарч ажиллана. Одоогоор “The voice of mongolia” шоуны ялагчийг авдаг "VEP" энтертаймент продакшн байдаг. Энэ продакшныхаа ах, эгч нарынхаа гаргасан чиглэлийн дагуу артистаар ажиллаж байна. 

-Уг нь авто замын зургийн инженер мэргэжилтэй байх аа. Одоо мэргэжлээрээ ажиллах уу? 

-Мэргэжлээрээ ажиллахгүй байгаа. Уран бүтээлийнхээ ажилд бүрэн анхаарч ажиллаж байна. Цаашдаа ч уран бүтээлээ хийсээр байна. 

-Инженер мэргэжилтэй хэрнээ уран бүтээлээ хийсээр байх болно гэхээр дуу таны амьдралд маш том орон зай эзэлдэг байх нь?

-Тийм шүү. Хүмүүс амьдарч байгаа орчноо дуу, авиагүйгээр төсөөлж чадахгүй байх. Миний хувьд дуунаас хамгийн их аз жаргал, тайвшрал, догдлолыг мэдэрдэг. Гутарсан үедээ дуу сонсохоор нээх гоё тайвширлыг авдаг. 

-Ямар нэг шоу нэвтрүүлэгт оролцох гээд зориг дутаад, сэтгэл зүйгээ бэлдэж  байгаа залууст юу гэж зөвлөх вэ?

-Дуртай зүйлийнхээ араас тууштай явах хэрэгтэй. Войс шоу маш олон залуусийн мөрөөдлийн биелүүлдэг. Урлагийн салбарт хөл тавихад нь ч тусалдаг. Шоунаас их зүйл сурна. "Чамайг хэн нэгэн гоё дуулж байна, чи сайн дуулдаг юм байна" гэж хэлсэн л бол үзээд алдаарай. Бүртгүүлж, шалгуулаарай. Дуу хөгжим хүний амьдралд үргэлж аз жаргал авч ирдэг шүү. Магадгүй чиний мөрөөдлийг биелүүлэх эхлэл байж болно. Битгий ай гэж хэлмээр байна. Нийт залуучууддаа хэлэхэд дуртай зүйлээ хийгээрэй. Өөрөө хийж байхдаа аз жаргал, кайфыг мэдэрдэг тэр ажлаа л  хийгээрэй. Тэгвэл та ялагч байна. Зовохгүй, эрч хүчтэй байна.

Т.Нандин-Эрдэнэ

 

 

 

 

1
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1 сэтгэгдэлСэтгэгдэл бичих

202.21.125.170Зочин   • 2020, 9 сарын 11. 11 цаг 08 минут

zugeer l mundag shuugch . chadbarlag duuchin zaluuchuud.

Шинэ мэдээ

"Этүгэн" их сургууль 2022 оны шилдэг элсэгчдэд 100% тэтгэлэг олгоно7 сар 2. 16:20Дарханы замын шалгалт эцэстээ Б.Энх-Амгалан руу чиглэнэ7 сар 1. 15:04Шатахууны үнэ наадмын өмнө 300-600 төгрөгөөр нэмэгдэхээр болжээ6 сар 30. 10:47Л.Оюун-Эрдэнэ: Сонгууль тойрсон чөтгөрийн тойргоосоо гарцгаая6 сар 30. 10:20Замын хөдөлгөөний аюулгүй байдлын тухай хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг хийлээ6 сар 30. 9:09Г.Занданшатар: Инфляцыг бууруулах, үнийн өсөлтөөс иргэдэд ирэх дарамтыг бууруулах чиглэлээр УИХ-аас ажлын хэсэг байгуулж ажиллуулна6 сар 30. 9:09Ерөнхий сайдаа, танай намын залуус төрийн албаныхантай хамт дээрэм хийж байна6 сар 29. 10:05“Төрөөс олгох урамшууллаас нийгмийн даатгалын болон эрүүл мэндийн даатгалын шимтгэл суутган төлөх тухай” хуулийн төслийг өргөн мэдүүллээ6 сар 29. 9:09УИХ-ын дарга Г.Занданшатар Монгол Улсын Өргөмжит консул Каваүчи Широтой уулзлаа6 сар 28. 9:09Үндэсний их баяр наадмын тухай хуулийн шинэчилсэн найруулгын төслийг эцэслэн баталлаа6 сар 28. 9:09Замын түгжрэлийг бууруулах ажлын бүтээн байгуулалтын ажлыг 20 жилийн хугацаатайгаар улсын нууцад оруулсан гэв үү?6 сар 27. 12:44ЦУВРАЛ: Амар амгалан, үнэ цэн, нүд булаам бүхнийг мэдрүүлэх Жонжү хотын аялал6 сар 27. 11:24Улсын Их Хурлын дарга Г.Занданшатар нийслэлийн нутгийн захиргааны байгууллагуудын албан хаагч, иргэдтэй уулзлаа6 сар 27. 9:09Д.Ганбат: “Мөнхийн үсэг” групп Монгол хүний үнэт зүйлийг түгээн дэлгэрүүлж, сурталчлан таниулахыг зорьдог6 сар 26. 15:39УИХ-ын дарга Г.Занданшатар нийслэлийн Чингэлтэй дүүргийн иргэд, албан хаагчидтай уулзлаа6 сар 24. 9:09НҮБ-ЫН ТӨРИЙН АЛБАНЫ ӨДӨРТ ЗОРИУЛСАН УЛСЫН ИХ ХУРЛЫН ДАРГА Г.ЗАНДАНШАТАРЫН МЭНДЧИЛГЭЭ6 сар 23. 9:09Улсын дээд шүүхийн шүүгчид нэр дэвшигчтэй хийх нэр дэвшигчийн сонсгол зохион байгуулагдана6 сар 21. 13:10Хүний эрх, эрх чөлөөг хангахтай холбоотой хяналтын сонсгол 06 дугаар сарын 27-нд болно6 сар 21. 13:09Улсын Их Хурлын дарга Г.Занданшатар Монгол дахь Америкийн худалдааны танхимын Удирдах зөвлөлийн дарга, гишүүдийг хүлээн авч уулзав6 сар 21. 9:09ЦУВРАЛ: BTS хамтлагтай “цуг” үлгэрийн мэт байгальд зорчсон нь6 сар 20. 11:31Гэрийн тэжээвэр амьтны тухай хуулийн төсөлд иргэдээс санал авч байна6 сар 20. 9:09Чуулганы нэгдсэн хуралдаанаар найман асуудал хэлэлцэн шийдвэрлэлээ6 сар 16. 9:09“Хайр“-ын МАРШРУТТАЙ Сөүл дэх аялал6 сар 15. 17:04Улсын Их Хурлын дарга Г.Занданшатар Монгол Улсын Соёлын элч Мухит Чоуханыг хүлээн авч уулзав6 сар 15. 9:09УЕПГ-аас БНСУ-д амиа алдсан залуугийн хэрэгт хамтран ажиллах хүсэлтийг БНСУ-ын Дээд прокурорын газарт хүргүүлжээ6 сар 14. 13:22“Кино урлагийн салбарынхан дэлхийн хэмжээний наадамд Соёлын яамны дэмжлэгтэйгээр оролцоно“6 сар 13. 11:08Монголын тал “Нэг Хятад”-ын бодлогыг дэмжинэ6 сар 13. 10:49“Төрийн ордны нутаг дэвсгэрийн хэмжээ, заагийг шинэчлэн тогтоож, зарим орчныг олон нийтэд нээлттэй болгох тухай” УИХ-ын тогтоолын төслийг өргөн мэдүүллээ6 сар 13. 9:09Дарханчууд 0,7 га газраа авах уу? "Газрын наймаачин" С.Насанбатад алдах уу?6 сар 13. 8:32ГЕГ-ын эрх бүхий албан тушаалтнуудын орон байранд НЭГЖЛЭГ ХИЙЖ, их хэмжээний бэлэн мөнгө, ГАДААД ВАЛЮТЫГ хураан авчээ6 сар 10. 11:50
© 2008 - 2022 он. Зохиогчийн эрх хуулиар хамгаалагдсан.