Унасан хүн ууртай гэж үг бий. Тэр ч утгаараа УИХ-ын сонгуульд ялагдал хүлээсэн Ардчилсан намынхныг орон нутгийн сонгуулиар илүү амжилттай байх болов уу гэсэн горьдлого нийгэмд байсан. Гэтэл тус намынхан дангаараа ч сонгуульд оролцох чадамжгүй боловсон хүчний хомсдолд ороо юу гэлтэй. Тиймээс л албан тушаалд дурлагч өөр бусад баахан намыг хажуу бөөрөндөө наачихав. Наалдагсад нь албан тушаалд л очиж байвал хэнтэй ч “нөхцөж” мэдэхээр МАХН хийгээд ШИНЭН-ын нөхөд. Хамтарч орон нутгийг тэр дундаа нийслэлийг хөгжүүлнэ гэж байгаа нөхдийг харахаар Ардчилсан намын нэрийн товчлол АН гэдэг нь ардчиллын ангуучид гэх үг гэмээр болжээ.
Зөвхөн НИТХ-д нэр дэвшигчдийн ихэнх нь УИХ-ын сонгуульд өрсөлдөөд олонхын санал авч чадаагүй хүмүүс. Тэдэнд ямар нэгэн зорилго, бодлого юу ч үгүй. Зөвхөн улстөрд хаа нэгтээ дэвшиж, улстөрч гэх нэр зүүхийг хүсэгчид л бөөгнөрчээ.
За, яах вэ НИТХ-ын сонгуульд нийлж байгаад ганц МАН-ын эсрэг гарцаагүй том бодлого төлөвлөж байгаад нийслэлийг хөгжүүлэх гарцыг нээх нь үү гэтэл бас үгүй.
Уг нь Нийслэлийн Ардчилсан намын дарга Д.Пүрэвдаваа “Бид намаа бүрэн шинэчлэх их ажлын эхлэл болгож энэ сонгуульд шинэ хандлага, шинэ шийдэл санаагаар дүүрэн өрсөлдөхөөс гадна Ардчиллын төлөөх намуудын нэгдлийг бий болголоо. Бид эв санааны нэгдэлтэй, бид хийж бүтээх хүсэл дүүрэн сонгуульд орж байна. Бидэнд нийслэлд ихийг хийсэн туршлага, үр дүн бий.” гэж байна билээ.
Гэвч энэ нь хоосон хийрхэл гэдгийг нэр дэвшигчид болон мөрийн хөтөлбөрт нь багтсан гэх агуулгаас харж болно. Тухайлбал, тэдний туршлагатай гэж буй нэр дэвшигчид дунд Нийслэлийн Засаг даргын орлогч /Чингэлтэй дүүрэгт нэр дэвшигч С.Очирбат/-оос эхлээд дүүргийн Засаг дарга асан /Баянзүрх дүүрэгт нэр дэвшигч Д.Пүрэвдаваа/ ч бий.
Тэд тухайн үед олуулаа нийслэлд засаглаж байхдаа өнөөдрийн гол асуудал болоод буй түгжрэлийг сааруулах боломж хангалттай байсан. Тиймээс өнөөгийн яриад буй “Хотын түгжрэл дээд түвшинд хүрсэн. Нийтийн тээвэрт шинэчлэл хийнэ. Жишээлбэл, олон улсын жишгээр нийтийн тээврийг нийтээр нь үнэгүй болгоно. Энэ бол түгжрэлийг бууруулах гарц. Энэ талаар АН сонгуулийн мөрийн хөтөлбөртөө тусгасан” гэдэг нь бүтэхгүй төлөвлөгөө гэдгийг тэд хамгийн сайн мэдэж байгаа.
Түүгээр ч зогсохгүй халамжийн бодлогын эсрэг байна гэдэг Ардчилсан намынхан өнөөдөр НИТХ-д олонх болохын тулд нийтийн тээврийг үнэгүй болгоно гэж байгаа нь нэг талдаа халамжийн бодлогыг дэмжигчид болохын зэрэгцээ шинэчлэл хийгдэж буй энэ салбарыг харин ч унагах зорилготой байна уу гэж хардахаар байгаа юм. Тэдний нийтийн тээврийг үнэгүй болгох гэдэг ердөө энэ үг нь үнэгүй юм зөвхөн хавханд байдаг гэх хэлцийг ч санагдуулах биз.
Үүнээс харахад УИХ-д олон болж чадаагүй Ардчилсан намынхан одоо хийж хэрэгжүүлэх гэхээс илүү нийслэлд “ноёрхож”, төрийн ажлыг гацааж, түмний уурыг барж, ирэх онд Ерөнхийлөгчийн сонгуулиар олон нийтийг өөрсдийн зүг хандуулахын тулд бусдын анхаарлыг татаж л байвал хэнбугайг ч нэр дэвшүүлэх нь хамаагүй, нийтийн эрх ашгийн төлөөх бодлого бүр ч хэрэггүй гэдгээ батлав бололтой.
Х.Гэрэл
10 сэтгэгдэлСэтгэгдэл бичих
Яана даа яана. Ардчилалаар овоглож байсан нам нь тоталитар маягийн захирангүй явж ирсэнээ эцэстээ анархист хэв шинжтэй болж одоо ч тэгээд устаж үгүй болох тийшээ эрчимтэй явж байна даа. Залуусдаа боломж олгодоггүй, харлуулах, шүүмжлэхээс өөр "манлайлалгүй" үеэ өнгөрөөсөн хэдэн настны нам болсоны гор нь энэ юмдаг уу даа
Ардчилалыг устгах нь хэнд ашигтай бэ, мэдээж ардчиллын буянаар баяжсан анархист этгээдүүдэд ашигтай учир нь шудрага нам ,шудрага хүмүүс төрд гарвал хуулт бусаар баяжсан анархийстуудад ашиггүй энэ хүртэл цуглуулсан эд хөрөнгө эрх мэдлээ алдана гэсэн үг, АН-г унагахын тулд эсрэг намын анархистууд тал бүрээс нийлүүлсэн хүний адаг болсон урвагч хулгайч луйварчин этгээдүүдийг ямарч хамаагүй шугамаар шахаж эхэлсэн энэ бол жинхэнэ хор найруулж байна гэсэн үг Үүнийг хийхийн тулд АН-г тулхтай удирдлагуудаас салгаж хорлох болдлого явуулж эзэнгүй болгох
Тусгай хангамжийг устгана гэж гарч ирээд өөрсдөө харин тусгай хулгай хийсэн хулгайчуудаар АН дүүрсэн дээ...
АН устаасай. ардчилал гэх мангас арилаасай.
Nam dagaj alban tushaald ochij bayajih huseltei zaluuchuud olon boljde ulsaa ard tumnee gesen setgeltei ni hovor anh ardchilal tusgai hangamjiig halye ene ter geed ih l surtei garch irsensen daanch helseneesee uharch uursduu bur ih hangamj edleed ter bumtanguud bolsondoo
АН байгаа юмуу тарчихсан гэж дуулсан юмсан, бас хэдэн нөхөд АН гээд гараад ирлээ юм хийх нь байтугай хэнч танихгүй юмнууд байна,АН ганцаараа сонгуульд ордог байсан цаг өнгөрөөд туслах хүн хайдаг болжээ, унана гэдэг л болждээ.
sonochihson namuudtai niileed SHINE yneheer shine baina gej garch ireed nam dotroo mash buruu songolt ih hiisnihee gaigaar odoo bas hench bish bolloo, Batzandan boldtonguud SHINE naming ballaad haylaa odoo yamarch ner hyndgui hench toohgui
АН НАМ ЯАЖ ИЙГЭЭД ТӨРД ГАРАХ ГАРСАН ХОЙНООС ТӨСВӨӨС МӨНГӨ ХУСЧ БАЯЖИХ ДОН ШҮГЛЭСЭН ШҮЛСЭЭ ЗАЛГИСАН ХЭДЭН ХУЛГАЙЧДЫН ЦУГЛУУЛГА БОЛЖЭЭ.ЯМАР Ч ҮЕД УРВАХАД БЭЛЭН ХАМГИЙН ГОЛ НЬ ҮЗЭЛ БАРИМТЛАЛГҮЙ ТӨРД ШУНАГЧДЫН ҮҮР БОЛЖЭЭ.С ЭРДЭНЭ БАЙХАД БАС Ч ГЭЖ НАМАРХУУ БАЙСАНСАН.ОДОО ИХ ХУРЛЫН ДӨМБИЙСЭН ХЭДЭН ГИШҮҮДТЭЙ МАН-ЫГ БАРААДААД ЯВЖ БАЙНА.УДАХГҮЙ МАН-Д ЭЛСЭХ ГЭЭД ГҮЙХЭД ГАЙХАХ ЮМ АЛГА.
Хэнд ч хэрэггүй бааснууд
Нэр дэвшигчдийн ихэнхи нь нам дамжиж эсвэл дагасан хүмүүс л харагдаад бга юм даа