ЖИНХЭНЭ ЖДҮ: Модны урыг ашиглаж аяга, таваг, тагш хийдэг "Монгол ур" брэнд

Энэ удаагийн “ЖИНХЭНЭ ЖДҮ” буландаа өөрийн хобби, сонирхолд хөтлөгдөн шинэ бизнесээ эхлүүлээд удаагүй байгаа Ч.Болдсайханыг онцолж байна. Тэрбээр модны урыг ашиглаж модон аяга, таваг, тагш урладаг. Түүний мэргэжил биеийн тамирын багш. Нийслэлийн 23 дугаар сургуульд 17 жилийн  турш хүүхдүүдтэй ажилласан байна. Харин 2019 оноос хойш хувийн бизнесээ хийж эхэлжээ. Ч.Болдсайхан бага балчир насандаа өвөөгөөсөө үхэр тэрэг, модон бүрхээр, хувин сав хийхийг сурсан нь өнөөдрийн бизнесийнхээ эхлэл, суурийг тавихад маш том түлхэц болсон гэнэ. Тиймээс тэрбээр сургуульд багшлахынхаа хажуугаар өөрийн чөлөөт цагийг зөв хуваарилан модон ширээг урлаж байгаад хэсэг хугацаанд завсарлаж, харин өнгөрсөн жилээс модны урыг ашиглаж аяга  хийж  эхэлсэн байна.

Модны ур гэдэг нь модны хажуу бөөрөнд наалдаж ургасан өөртөө тухайн модны бүх шим тэжээлийг хуримтлуулдаг, хамгийн нягтрал сайтай хэсгийг хэлнэ. Бүх төрлийн модонд ур гэж байдаг ч олдоц тун ховор аж. Ч.Болдсайханд модны ураар аяга хийх санаа төрснөөс хойш нэг жилийн хугацаанд судалгааны ажил хийж, модны урын ашиг тус, хүний биед  хэрэгтэй байдлыг талаар ахмадуудаас үг сонсож, олон хэрэгтэй мэдээллийг цуглуулсан байна.  Түүний судалгааны үр дүнгээс дурдвал модны ураар хийсэн саванд хүнсний бүтээгдэхүүнийг хадгалж, идэж хэрэглэж заншвал хоол боловсруулах эрхтэнд тустай аж.

“Монгол ур” брэнд нь Монголчууд гадны улсаас оруулж ирсэн эд материалыг хэт шүтэх болсон энэ цаг үед дотоодын бүтээгдэхүүнийг өрх бүр хэрэглэдэг болгох зорилготой юм байна. Ингээд өөрийн шинэ бизнесийг эхлүүлэхээр зориг шулуудан өөртөө ажлын байр бий болгож, цаашдаа өөр олон хүнтэй хамтран ажиллах зорилготой хөдөлмөрч залуугийн сонирхолтой ярилцлагыг хүргэж байна.

         -Зарсан аяганаас илүү бусдад бэлэглэсэн аяга нь их-

-Нэг жилийн хугацаанд хийсэн судалгааныхаа тухай ярьж болох уу. Модны ураар хийсэн аяга нь хүний эрүүл мэндэд сайн гэдгийг хэрхэн яаж мэдсэн бэ?

-Монголчууд жор мэддэггүй эмчээс, зовлон үзсэн ахмад хүмүүс дээр гэж ярьдаг. Би ахмад настнуудаас маш их зөвлөгөө авч, уулзсан. Мөн хар мод, хус, модны ураар хийсэн аягыг хэрхэн яаж өнгөлөх талаар маш их туршилт хийсэн. Яг л мод хэвээр нь байлгах боломжгүй. Модонд ус шингэх үед үс босох тал байдаг. Тиймээс хэрхэн энэ асуудлыг шийдэх талаар маш удаан бодсон. Хуучин цагт хүн болгон өөрийн аягаа биедээ авч явдаг байсан. Тухайн үед аягаа байнга угаадаггүй, арчаад л идэж хэрэглэсэн хоол, хүнсний тос нь дагтаршдаг байсан байх. Орчин үед байнга угаахаас өөр аргагүй. Харин угаах үед үс босгохгүй байх судалгаа, туршилтыг маш удаан хийсэн. Харин АНУ-д амьдардаг найзуудаараа дамжуулан хүний биед хоргүй, стандартад нийцсэн өнгөлгөөний тос олж авсан. 

-Та зөвхөн модны ураас гадна хар мод, хус мод ашигладаг гэж ярьсан. Эдгээрийн ялгаа юу вэ?

-Модны ур нь бусад модноос чанарын хувьд хэд дахин илүү. Модны ураар хийсэн аягыг хэдэн үеэрээ хэрэглэнэ. Модны ураар хийсэн аягануудыг худалдаанд их гаргасан. Урыг эд мэддэг, модны чанарыг таньдаг хүмүүс ихэвчлэн худалдан авдаг. Мөн үнэ өртөг өндөр байдаг. Тиймээс арай хямд үнэтэй модон аягануудыг гаргах хэрэгтэй гэж ойлгосон. Тэгээд маш олон модыг судалсан. Харин хар мод болон хус нь бусад модноос илүү хатуулаг чанартай байсан. Тиймээс эдгээр модоор хийсэн аяганууд зах зээлд хямд үнээр зарагдаж байгаа.

-Тэгвэл зах зээлд хэдэн төгрөгөөр борлуулагдаж байна?

Манайхтай хамтран ажиллах саналууд маш их ирдэг. Одоогийн байдлаар Дүнжингарав худалдааны төвийн 0069 дугаар лангуун дээр зарагдаж байгаа. Үнийн хувьд ураар хийсэн аяганууд 50-500 мянган төгрөгийн үнэтэй. Дүбэн модоор хийсэн аяганууд 25-65 мянга. Хар модоор хийсэн аяганууд 12-18 мянган төгрөгийн үнэтэй худалдаалагдаж байна. 

 -Модны ур, түүхий эдийг нь хаанаас авдаг вэ?

-Хатаалганы хар мод аль ч зах дээр зарагддаг. Харин урыг олоход тун хэцүү байдаг. Заримдаа өөрөө явж түүнэ. Тэгэхдээ олдоц ховор учраас ихэвчлэн хоосон буцаж ирдэг. Тиймээс мод бэлтгэдэг хүмүүст хандаж, тааралдвал авч хадгалахыг захидаг.

-Танай бүтээгдэхүүний зорилтот хэрэглэгчдийг хэн гэж хардаг вэ. Зах зээлд  өөрсдийн хэрэглэгчдийг татах боломж хэр байна?

- Манай бүтээгдэхүүнийг хүмүүс маш их худалдаж авдаг. Захиалга сайн орж ирдэг. Хүмүүс сүүлийн үед модон эд хэрэглэлийг маш их сонирхдог болжээ. Харин модны ураар хийсэн аягыг хуучны эдлэл цуглуулдаг, үр хойчдоо дамжуулан үлдээх зорилготой хүмүүс худалдаж авдаг.

Энэхүү дөрвөлжлөн бэлтгэсэн модоор аяга хэрхэн хийдгийг бидэнд үзүүлэв

-Анх  юунд түшиглэж, ямар итгэл найдвартайгаар энэ бизнесийг эхлүүлсэн  бэ?

-Одоо л бизнес гэж яригдаж эхлээд байна. Анх хоббигоороо хийж байсан. Цөөн ширхэгээр хийж өөрсдөө хэрэглэж, танилууддаа хэрэглүүлсэн. Тэр үед хэрэглээнд нэвтрүүлэх боломжтой мэт санагдсан учраас бусдад зарж борлуулах болсон доо.

Модон аягыг хийхдээ 5-6 дамжлагаар зүлгүүрддэг

-Тэгвэл нэгэнт гэр бүлийн хүрээллээс хэтэрсэн бизнес болжээ. Тэгэхээр танд ойрын шинэ зорилго байгаа гэдэгт итгэлтэй байна?

-“Монгол ур” брэнд хоёрхон зорилготой. Хүмүүс гайхаж магадгүй. Миний ойрын зорилго бол бусдад бүтээгдэхүүнээ таниулах. Хоёрдугаарт, Монголчуудыг модон бүтээгдэхүүний хэрэглээг нь нэмэгдүүлж, хангах. Гаднаас орж ирсэн хаана, яаж хийсэн нь мэдэгдэхгүй модон тагшнууд их байх л юм. Хиймэл материал ашиглаж, лакаар бүрсэн аяга, тагш зэргийг Монгол бүтээгдэхүүнээр орлуулахыг л хүсэж байна. 

Холбогдох утасны дугаар: 86013040 Ч.Болдсайхан

Модон аяганы хэлбэрийг гаргахад 10-15 минутын хугацаа ордог

20
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

20 сэтгэгдэлСэтгэгдэл бичих

202.21.113.238Зочин   • 2020, 9 сарын 20. 16 цаг 09 минут

амжилт

202.126.90.102,Баасансүрэн   • 2020, 9 сарын 19. 8 цаг 10 минут

Чанасан мах гаргадаг том цар таваг хийж өгөөч

202.55.188.89Зочин   • 2020, 9 сарын 18. 23 цаг 08 минут

Миний өвөөгийн аавын хэрэглэж бсан ураар хийсэн тагш надад бий

202.21.116.86Зочин   • 2020, 9 сарын 18. 18 цаг 12 минут

Гоё аяга байна авнаа

202.21.116.86Зочин   • 2020, 9 сарын 18. 18 цаг 11 минут

Амжилт хүсье,Юу ч үгүй хүн атаархуу байдаг, үхсэн хойноо түүх судлаач байвдээ,аягаа угааж сурчихаад ярь атаархуу,

66.181.168.131Зочин   • 2020, 9 сарын 18. 14 цаг 35 минут

Oligtoi shaazan yum hiij chadahguiyu,uildverii ni dapuuruulj nuraachaad odoo iim hachin yumaar hooloo ideh uu

202.9.40.126зочин   • 2020, 9 сарын 19. 11 цаг 06 минут

энэ увсынхан тэнэг дээрээ их атаархуу

67.177.197.10zochin   • 2020, 9 сарын 18. 21 цаг 07 минут

Ehleed zuv bicheed surchih Ataarhuu shees guai .

202.21.113.238Зочин   • 2020, 9 сарын 18. 10 цаг 20 минут

Амжилт хүсье. Олон хүн сонирхдог байх өөрөө ч хэлсэн байна. зарим хүмүүсийг хараад байхадл дандаа болку бүткү хүн сонирхдлггүй Монголчууд дотоодын юмаа сонирхдоггүй гэдэг энэ хүн хүнд хэрэгтэй юм өхийж байгаа болохоор хүмүүс авах нь аргагагүй юмаа

115.84.87.152түүхч судлаач   • 2020, 9 сарын 18. 10 цаг 19 минут

хагараад унахчих хар модоор аяга батугай ширээ сандал ч хийдэггүй түлэх хашааны банз шон хийхээс өөр ашиглдаггүй тэгээд ч мод нян бактер үрждэг бүрэн цэвэрлэгддэггүй хүй нэгдлийн үеийн шаазан метал аяга хийж чадахгүй байсан үеийн эд шүү дээ? ха ха? яахав хийг аваг чанар нь танигдана даа

202.55.188.89Зочин   • 2020, 9 сарын 18. 23 цаг 00 минут

Түүх судлаач бишээ Түүх устгаач юм бишүү бас нэг тархиний тураал

202.55.188.89Зочин   • 2020, 9 сарын 18. 22 цаг 55 минут

Түүх судлаач гуай толгой чинь хүрвэл мод судлаач болооч эргүү тэнэгээ нууж амьдрахыг бас судалж сурдаа

66.181.161.14Зочин   • 2020, 9 сарын 18. 17 цаг 01 минут

Чи атаархаад үхлээ юу. Муу нохой. Энн чинь хүний маш их хөдөлмөр цэвэр эко бүтээгдэхүүн а малаа

66.181.161.98зочин   • 2020, 9 сарын 18. 16 цаг 34 минут

таны нэрийг хархаар уг нь түүхч судлаач их л юм уншдаг судалдаг хүн шиг л байх юм. Ширээ сандал хийхэд хамгийн бөх болдог эд шүүдээ. Мужаанууд бид зөөлөн багажинд гамтай гээд хуш, нарсаар хийдэг юм. хар мод хатуу бөгөөд багажны ир амархан мохоодог тул хийдээгүйг та эрх биш мэдмээрсэндээ. мод бактeр үүсэгдэг бол модон байшинд хүн амьдраад өдий болтол үхээгүй л байна. тэгээд ч одоо үeд хүмүүс модон байшинд амьдрахыг хүсдэг болсныг та судлаагүй байгаа юмуу. Балар эртний үeэс хувьсгал ялтал монголчууд модон аяганд хоол хүнсээ хэрэглэж ирсэн бөгөөд

66.181.161.98зочин   • 2020, 9 сарын 18. 16 цаг 38 минут

хорт хавдар өнөөдрийнх шиг их байгаагүйг түүхч хүн мэдмээр л юм. Монгол хүн үндэсний үйлдвэрлэлээ дэмжих хэрэгтэй. Таны сэтгэгдэлийг сайн ойлгосонгүй . та хэльe гэж хэлээгүй байхаа. Атаархуу зан тань дийлээд бичсэн байхаа.

202.179.24.136Зочин   • 2020, 9 сарын 18. 10 цаг 05 минут

Сайхан аяганууд хийж байгаа юм байна. Амжилт хүсье.

43.228.129.131Зочин   • 2020, 9 сарын 18. 9 цаг 46 минут

saihan bna mongolchuud hudaldaj avch demjih heregtei dee. iim modon tagshiig Gumbengees ochij avdag mongol humuus baidag l yum bilee. alt mongoor yum hiideg humuus baisan. ted endees l avah heregtei dee.

202.126.89.29Зочин   • 2020, 9 сарын 18. 9 цаг 41 минут

Бас болж байна шд

66.181.188.188Зочин   • 2020, 9 сарын 18. 8 цаг 56 минут

haanaas avah ve

66.181.169.162Зочин   • 2020, 9 сарын 20. 13 цаг 16 минут

хагарна эвдэрнэ гэвэл ямар ч бүтээгдэхүүн бат бөх биш ,зөв өнцгөөс нь аливааг харж дэмжиж байж бид хөгжих болов уу. Хятадаас оруулж ирж бгаа түмэн химийн нэгдэлтэй сав суулгыг хэрэглээд эвдлээд худалдаж аваад л хавдар тусаад л явцгааж байна. Би энэ хүний бүтээж бгаа бараа болон хөдөлмөрийг бүрэн дэмжиж байна. Хэдхэн монголчууд бие биенээ байнга дэмжиж сураасай даа

Шинэ мэдээ

Тусгаарлах байрны халдвар хамгааллыг сайжруулах чиглэл өгчээ3 цаг 4 минутын өмнөЗасгийн газар ээлжит бусаар хуралдаж байна3 цаг 7 минутын өмнөОлон улсын эмэгтэйчүүдийн эрхийг хамгаалах өдрийн мэнд ХҮРГЭЕ3 цаг 11 минутын өмнөОлон улсын эмэгтэйчүүдийн эрхийг хамгаалах өдрийг тэмдэглэдэг болсон ТҮҮХ3 цаг 14 минутын өмнөУлаанбаатар 4 хэм хүйтэн байна3 цаг 18 минутын өмнөНОК: Олон нийтийг хамарсан үйл ажиллагаа, тоглолтуудыг цуцлах саналаа УОК-т хүргүүлж байна3 сар 7. 21:49"Анна Каренина" жүжгийг үзсэн 900 гаруй иргэнийг энэ сарын 9, 10-нд УДЭТ-т шинжилгээнд хамрагдахыг хүслээ3 сар 7. 21:38УДЭТ-ын 54 ажилтнаас халдвар илэрчээ3 сар 7. 20:54Э.Наранхүү: Би ачааны хүндийг үүрч яваа алба хаагчдаараа бахархдаг3 сар 7. 19:28Халдвар авсан иргэний ойрын хавьтал Дорноговь аймаг руу зорчжээ3 сар 7. 19:06Хотын дарга Д.Сумъяабазар НОК-ын Шуурхай штабын эмэгтэйчүүдэд баяр хүргэж, хүндэтгэл үзүүллээ3 сар 7. 19:00Бүсгүйчүүд зурган дээр сайхан гарах 20 ПООЗ3 сар 7. 15:30Амиа алдсан С-ын хэргийг үнэн зөв шийдэхгүй бол цэрэг татлагад нэг ч залуугаа явуулахгүй гэжээ3 сар 7. 15:00Пентхаус 2: Шим Су Рён үхээгүй гэж үү?3 сар 7. 14:08COVID 19: Хөнгөн туссан иргэнийг "витамин"-аар эмчилж байна3 сар 7. 13:45Ерөнхийлөгч Х.Баттулга АН-ын дотоод сонгуулийн асуудлаар байр сууриа илэрхийлэв3 сар 7. 13:33Л.Оюун-Эрдэнэ: Чимгээг мансууруулуулаад хувцсыг нь тайлж бичл3 сар 7. 13:28Террорист бүлэглэл автомашин дэлбэлсний улмаас 20 гаруй хүн амь үрэгджээ3 сар 7. 13:15Зуунмод хотоос орох, гарах хөдөлгөөнийг энэ сарын 11-н хүртэл хязгаарлажээ3 сар 7. 13:11АН-ын даргын сунгаанд 16 хүн бүртгүүлжээ3 сар 7. 13:05Д.Сумъяабазар: Цар тахлыг төр, иргэн, аж ахуйн нэгж хамтын хүчээр давна3 сар 7. 13:00Чулуут суманд батлагдсан тохиолдлыг ХӨСҮТ рүү шилжүүлжээ3 сар 7. 12:59Хамгаалалтад авсан 7 БАЙРШИЛ3 сар 7. 12:43Өнөөдөр БГД, СХД, Чингэлтэй, БЗД-ийн 4 цэгт шинжилгээ авна3 сар 7. 12:36Д.Сумъяабазар: ХӨСҮТ хийж байгаа ажлынхаа хүчин чадал, хэмжээг тооцохгүйгээр шинжилгээ авч, иргэдэд хүндрэл учруулж байна3 сар 7. 12:03Төрийн ордонд нэг тохиолдол батлагдаж, ордны баруун жигүүрт хөл хорио тогтоожээ3 сар 7. 11:43ЭМЯ: 67 хүнээс халдвар илэрсний 4 нь Төв аймагт батлагдсан3 сар 7. 11:39Улаанбаатарт 5 хэм хүйтэн байна3 сар 7. 11:33Төв аймагт 4 тохиолдол батлагдаж, Зуунмод хотоос орох гарах хөдөлгөөнийг хязгаарлажээ3 сар 6. 17:59Тусгаарлах байрны төлбөр буцаах болон зөрүү авах иргэдийн анхааралд3 сар 6. 14:52
© 2008 - 2021 он. Зохиогчийн эрх хуулиар хамгаалагдсан.