Орон нутгийн сонгуулийн бэлтгэл ажлын талаар СЕХ-оос мэдээлэл хийлээ. Энэ үеэр СЕХ-ны гишүүн, ажлын албаны дарга Д.Баяндүүрэн “Аймаг, нийслэлийн сум дүүргийн ИТХ-ын сонгууль 10 дугаар сарын 15-ны өдөр явагдана. Энэ удаагийн сонгууль аймаг, нийслэл, сум дүүргийн ИТХ-ын сонгуулийн тухай хуулийн дагуу зохион байгуулагдана. Орон нутгийн сонгуулийн бэлтгэл ажил дөрөвдүгээр сарын 30-наас эхэлсэн. УИХ-ын 24-р тогтоолоор орон нутгийн сонгуульд улсын бүртгэлийн техник хэрэгсэл мөн санал авах төхөөрөмжийг ашиглана гэж заасан. Мөн санал хураалтын цагийг богиносгож 07:00-20:00 цагийн хооронд зохион байгуулагдахаар болсон.
Нэр дэвшүүлэх үйл ажиллагаа наймдугаар сарын 31-нээс есдүгээр сарын 06-ны хооронд явагдаж дууссан. Нөхөн нэр дэвшүүлэх үйл ажиллагаа энэ сарын 21-ныг дуустал үргэлжилсэн. Нэр дэвшигчдийн үнэмлэхийг есдүгээр сарын 30-нд гардуулснаар сонгуулийн сурталчилгаа эхэлнэ.
Улсын хэмжээнд аймаг, нийслэл, сум, дүүргийн ИТХ-ын мандатын тоо 8169 байна. Нийт 17161 нэр дэвшигч өрсөлдөнө. Аймаг, нийслэлийн 816 мандатын төлөө 1901 хүн өрсөлдөхөөр бүртгүүлсэн байна. Харин сумын ИТХ-ын 7062 мандатын төлөө 8 намын 14388 нэр дэвшигч өрсөлдөнө. Дүүргийн ИТХ-ын 291 суудлын төлөө 6 нам эвслээс 693 нэр дэвшигч өрсөлдөнө. Аймаг, нийслэлийн сонгуульд нийт 125 бие даан нэр дэвшигч өрсөлдөнө.
Өмнөх сонгуулиудад хэсэг болгон 50 хувийн ирцтэй болж байж сонгууль хүчин төгөлдөрт тооцогддог байсан. Харин энэ удаагийн сонгуульд ирцийн хувь тооцогдохгүй.
УИХ-ын сонгуульд 20.5 тэрбум төгрөг төсөвлөгдсөн бол энэ удаагийн сонгуульд 16.6 тэрбум төгрөгийг зарцуулна. Энэ зардалд халдвар, хамгааллын зардал ороогүй. Шаардлагатай зардлыг Засгийн газрын хуралдаанаар хэлэлцэн шийдэх байх" гэлээ.
4 сэтгэгдэлСэтгэгдэл бичих
СЕХ оос салдаггуй Монголын тер ,засгийг бурдуулдэг ,дархлагдсан нэг товарищ байх юмаа !!
Улсын байгууллагад олон жил ажилласан хүмүүсийг сонгоцгооё!
БАС НЭГ ДАРААГИЙН ШАТНЫ ХООЛНЫ САВНУУД ...БАЙГАА БАЙХГҮЙ НЬ Ч МЭДЭГДЭХГҮЙ ХҮН СҮГНҮҮД
Харин тиймээ? Бас16.6тэрбум ,энэ бага мөнгө үү, энэ мөнгөнөөс идэж цуслах хархнууд алгаа үрчээд сууж байгаа байхдаа