Нийслэлийн газрын алба, НМХГ хамтран өнөөдөр Сүхбаатар дүүргийн 11 дүгээр хороонд ажиллаж, орон сууцны барилгатай тулгаж барьсан 12а, 12б байруудыг хаах буюу үйл ажиллагааг нь цуцлахаар болжээ.
НЗДТГ-ын Хууль, эрх зүйн хэлтсийн дарга А.Даваажаргал "Энэхүү барилгын газрыг 2004 онд дүүргээс олгосон. Ингээд шат шатныхаа сунгалтуудыг хийлгээд өнөөдрийг хүрсэн. Нийслэлээс барилгын ажлын зөвшөөрлийг цаг тухай бүрт нь авсан. Гэсэн хэдий ч нэг ноцтой зөрчил илэрсэн. Энэ нь Ерөнхий төлөвлөгөөний газраас баталж өгсөн зургийн дагуу барилга баригдаагүй байна. Тодруулбал, барилга нэг талруугаа 10 метр гүйсэн хэлбэртэй баригдсан. Энэ нь өөрөө оршин суугчдын эсэргүүцэлтэй тулгарсан, тодорхой норм стандартыг зөрчсөн байна гэдгийг тогтоосон. Ингээд барилгын үйл ажиллагааг өнөөдрөөс зогсоож байна. Барилгын норм, дүрэм журмаа хангаж ажилласангүй. Тиймээс газрын зөвшөөрлийг ингээд цуцалж байна. Газрыг зориулалтын бусаар барьсан байна" гэлээ.
Харин тус "Сант хаан" компанийн Гүйцэтгэх захирал Д.Зоригт "Барилгыг 10 метр гүйлгэж барьсан гэж байна. Ингэх болсон шалтгаан нь Сүхбаатар дүүргийн барилга баригдахдаа бохирын шугамаа манай газар дээгүүр зөвшөөрөлгүйгээр татчихсан байна. Тиймээс бид барилгаа барихдаа Ерөнхий төлөвлөгөөний газар ийм учиртай зүйл боллоо гэж хэлж танилцуулаад, зөвшилцөөд барилгын ажлаа эхлүүлсэн.
Манайх энэ газрыг 2004 онд Сүхбаатар дүүргээс авсан. Газрын гэрчилгээтэй. 2010 онд Нийслэлийн Засаг даргын захирамжаар гэрчилгээ авсан. Үүнээс хойш цаг хугацаанд нь татвараа төлөөд явж байна. Бид 2015 онд энэ газар дээрээ 16 давхар хоёр байшин барихаар ерөнхий төлөвлөгөөгөө батлуулаад тэгээд газар шорооны ажлаа эхлүүлсэн. Ингээд 2017 онд манай захирлын тархины хавдраар өвчилж, үйл ажиллагаа нь түр зогссон. Улмаар энэ оны хоёрдугаар сараас хөрөнгө оруулагч олоод үйл ажиллагаагаа үргэлжлүүлж байна. Ажил эхлүүлэх, үргэлжлүүлэх зөвшөөрөлтэй.
Өнгөрсөн хоёрдугаар сард гэнэт энд байсан бохирын шугам задраад НМХГ, УОК-оос анхаарал хандуулж, энэ хэсэгт ажилласан. Ингээд манайх газар эзэмшиж байгаагийн хувьд бохирын бүх зүйлийг цэвэрлэж, зайлуулсан. Хөрс нь бохирдсон, мөстэй, устай байсныг дайрга авчирч тавин шинэчлээд, ариутгал хийсэн. Үүний дараа бид барилгын ажлаа эхлүүлсэн.
Барилгын ажил одоо тавдугаар давхартаа явж байна. 16 давхар хоёр орцтой 128 айлын орон сууц. Харин цаад барилга нь таван давхар хүртэл баригдаад зогсоно. Бүх зөвшөөрөл нь бий. Асуудалгүй.
Урдах хоёр байрны гэрлийг хаах юм байна гэсэн гомдол ирж байгаа гэсэн. Тийм зүйл огт байхгүй. Манай байрууд урдах байрны гэрэл гэгээг хаах ямарч боломжгүй. Ерөнхий сайдад манай байрны эсрэг гомдол өгсөн хүн бол тухайн хоёр байранд огт амьдардаггүй хүн. Харин урдах хоёр байрны газрыг эзэмшдэг "Макс" компанийн хүн байгаа. Тэр хүн л манай барилгыг бариулахгүй гээд хэл ам хийгээд яваад байна. Ерөнхий сайдад асуудлыг маш буруугаар ойлгуулж, асуудлыг хүндрүүлсэн байна. Үүнээс болж бид ч гэсэн хүнд байдалд орж байна" гэлээ.
11 сэтгэгдэлСэтгэгдэл бичих
ЕрөнхиЙ сайд ингэж ажил хийхгүйээ
ЗӨШӨӨРӨЛ ОЛГОСОН АЛБАН ТУШААЛТНЫГ НЬ ДАВХАР ШИЙТГЭХ ХЭРЭГТЭЙ. ТЭГЭЭД Ч НААД КОМПАНИ ЧИНЬ ЗУНЫ ӨГЛӨӨ 5 ЦАГААС ЭХЛЭЭД НҮДЭЭД ЭХЭЛДЭГ БСАН. ОДОО Ч ГЭСЭН ХАЖУУГААР НЬ ГАРАХАД ЖОРЛОН ҮНЭРТЭЭД, БАРИЛГЫН ХАГААНЫ ГАДНА ТАЛ ЗАМ ДАГУУХАА ОГТ ЦЭВЭРЛЭДЭГГҮЙ. ХАБАЭ ГЭЭ ЯМАР ОЙЛГОЛТГҮЙ ҮЙЛ АЖИЛЛАГАА ЯВУУЛЖ БАЙГАА
2004 оноос хойш юу ч хийгээгуй л байсан байна. Тиймээс Уул барилгыг буулгаж газараа челеелж авах нь зев байна.
Зөвшөөрөл өгөөд хяналт тавиагүй авилгач хэн бна.
Avilgachidaa ehlee sain shiitgee Gazriin zovshoorliig ogson ter Manuuhaig barij hori ene karkasiig BUULGA
ерөнхий сайд очоогүй бол энэ барилга зүгээр л баригдаад дуусах байсан. зөрчилтэй байсан юм бол яах гэж нийслэл өөрөө зөвршөөлийг нь өгч өчнөөн зардал гаргах эрхийг өг гэсэн юм. нэгэнт зөвшөөрлийг өгсөн юм бол ажлыг нь зүгээр л хийлгэ.
Ene barilgiig odoo buulgaa arai l dendej b na shuu !!!! Hun , Mashin ch ywah zaigui Tor Zasag gej baigaa bol buulgaa !!!
hetsuu hot shuu
анхнаасаа тэнэг шуналууд газрын зөвшөөрөл өгснөөс болж ийм байдалд орж байгаа юм биш үү
Хангай дэлхий хавчсан биш гэдэг шиг заавал тэнд шавааралдах ямар албатайв дээ. Баячуудын мөнгө барагдана гэх биш буулгахад ямар асуудал байхав
Угаасаа бүтэн сайн өдрийн өглөө 5 цагаас эхлээд л нүддэг. ХАБЭА дүрэм мөрддөггүй. Инжинерүүд нь гадаа машиндаа тамхи татаад д сууж байдг, орчны бохирдуулсан хэсгээ цэвэрлэдэггүй