МАН-ын бүлэг мэдээлэл хийлээ. МАН-ын бүлгийн дарга Д.Тогтохсүрэн "МАН-ын бүлэг хуралдаж, Ерөнхийлөгчөөс өргөн барьсан шүүхийн тухай гурван хуулийг буцаах нь зүйтэй гэж үзлээ. Мөн Үндэсний аюулгүй байдлын зөвлөмж гараад шүүх хуулийн байгууллагуудын удирдлагуудыг өөрчилдөг хуулийг өнгөрсөн 2019 онд УИХ баталсан. Энэ зөвлөмжүүдийг хүчингүй болгохоор УИХ-ын 13 гишүүн хуулийн төсөл өргөн барьсан. Үүнийг Шүүхийн тухай хуультай хамтатгаад хэлэлцэх нь зүйтэй юм байна гэж МАН-ын бүлэг үзсэн" гэв.
Ингээд сэтгүүлчдийн сонирхсон асуултад хариуллаа.
-Хоёр гишүүнийг эргүүлэн татах асуудал яригдаад байна. Үүнд тайлбар өгөөч?
-Хаалттай хуралдаанаар улс төрийн нөхцөл байдалтай холбоотой асуудал ярьсан. Орон нутгийн сонгууль боллоо. Сонгуулийн дараа МАН олонх болсон нэлээн хэд хэдэн аймагт ИТХ-ын төлөөлөгчдөд хэрэг үүсгэж, шүүхийн шийдвэрээр түдгэлзүүлэн сонгогчдын өгсөн саналын шүүхийн шийдвэрээр засаж байна.
Тухайлбал, Баянхонгор, Архангай, Хөвсгөл зэрэг хэд хэдэн аймагт. Тэр байтугай Баянхонгор аймагт ИТХ-ыг 11:00 цагт зарласан байхад 09:00 цагт төлөөлөгчдийн бүрэн эрхийг түдгэлүүлэх асуудлыг шүүхэд ярьж байна. Шүүх улс төрийн үйл ажиллагаанд хэт хутгалдаж байна гэдэг асуудлыг гишүүд тавьж байгаа учраас энэ асуудлыг хэлэлцсэн. Хоёр гишүүнийг татах ямар нэгэн мэдээлэл УИХ-д ирээгүй. УИХ-д ирээгүй зүйлийг бид ярина гэж байхгүй ээ.
-Хэрвээ хууль зөрчсөн байвал эргүүлэн татах асуудалд хуулийн байгууллага оролцохоос өөр аргагүй биздээ?
-Хууль шүүхийн байгууллага шалгаагүй байхад бүрэн эрхийг нь шүүх шууд түдгэлзүүлж байна. Жишээ нь, Баянхонгорын асуудал.
-Хуульчид 2021 оны төсвийн тухай хуулийг тэгш бус гэдэг үндэслэлээр Үндсэн хуулийн цэцэд өгнө гэдэг асуудал яригдаж байна?
-Намын бүлэг есдүгээр сарын сүүлээр 2021 оны улсын төсвийг хэлэлцсэн. Төсвийн хөрөнгө оруулалтын тэгж бус байдал бол зөвхөн ирэх оны асуудал биш. 2018, 2019 оны төсвүүд дээр ийм асуудал гарсан. Үүнээс болоод үргэлжлээд байгаа юм. Зарим аймагт 2018, 2019 оны төсвүүд өндөр тавигдсан. Үнийн дүн нь өндөр байгаа ч санхүүжиж байгаа дүн нь 2020, 2021 онуудад үргэлжилнэ.
2021 оны тухайд хөрөнгө оруулалтын үндсэндээ асуудал маш бага. Улсын хэмжээнд 170 орчим тэрбум төгрөгийн хөрөнгө оруулалт л байгаа.
"
5 сэтгэгдэлСэтгэгдэл бичих
ЗГазар аймаг сум нийслэл дүүрэг агентлагуудын төсвийн мөнгөний орлого зарлагыг төрийн өмчит а/а нэгжүүдийн орлогуудыг сайн шалгаж цэвэрлэгээг хийх хэрэгтэй бна төрийн мөнгийг хуйвалдаанаар ил далд их багаар мөнч их идэж ууж бна
Заль мэх байх аа.Энэ онд их мөнгө гэж харагдах ч хойтон хийх ажлын мөнгө гэх нь худлаа. Хойтон ахиад л мөнгө суулгана мэдээж. Энэ жил зарцуулахгүй санхүүжилтийг төсөвт суулгаад яах юм бэ?!!!
н төсөв мөнгө суухгүй гэсэн үг биз дээ.
Томоохон хэмжээний бүтээн байгуулалтын ажил 1жилд багтахгүй нь тодорхой ,Ингэлээ гээд хойтон магадгүй дараа жилийх нь төсөв гээд 1-2 жилийн дараа хийх ажлын төсвийг хамтадгаад 2020-д улсын төсөвт суулгасан гэх нь но-той будлийн дагуулсан хариулт. Тухайн жилд хийж бүтээх ажлын хөрөнгийг суулгаж өгч байх нь зүйтэй
Жишээлвэл 2020 онд бүх санхүүжилт нь төсөв суучихсан юм чинь хойтон 2021 оны төсөв мөнгө суулгахгүй гэсэн үг биздээ