2020 оны 12-р сарын 21
17 цаг 43 минут

ХААН Банк “Жижиг дунд үйлдвэрлэлийн хөгжлийн хөтөлбөр”-ийг амжилттай хэрэгжүүллээ

Бизнесийн салбарын хүндхэн ачааллыг нуруун дээрээ үүрэлцэж явдаг жижиг дунд үйлдвэрлэгчдийг дэмжих, өсөж дэвжих боломжийг нь нэмэгдүүлэх зорилгын хүрээнд ХААН Банк  сургалт, цогц хөтөлбөрүүдийг санаачлан үе шаттайгаар хэрэгжүүлж ирсэн.

Энэ удаад үйлдвэрлэлийн салбарт жижиг дунд бизнес эрхлэгчдийг дэмжих, ажлын байрыг нэмэгдүүлэх зорилгоор ХААН Банк Швейцарь улсад төвтэй “Business Professional Network” (BPN) Монгол сантай хамтран “Жижиг дунд үйлдвэрлэлийн хөгжлийн хөтөлбөр”-ийг санаачлан хоёр сарын хугацаанд амжилттай хэрэгжүүллээ. Хөтөлбөрийн нийт оролцогчдод ХААН Банкны Жижиг дунд бизнесийг дэмжих төв (ЖДБДТ)-ийн бизнес зөвлөхүүд болон BPN Монгол сангийн мэргэжлийн экспертүүд, сургагч багш нар хамтран менежментийн арга барилыг сайжруулах сургалт явуулж, ганцаарчилсан зөвлөгөө өгсөн юм. Найман долоо хоногийн турш макро эдийн засгийн мэдээлэл, бизнесийн дижитал шилжилт, бүтээгдэхүүний үнэ цэнэ, бизнес загварчлал, ажлын нарийвчлал, дотоод болон гадаад орчны шинжилгээ зэрэг олон сонирхолтой сэдвээр сургалтад хамрагдсан 9 компанийн 17 оролцогч 2020 оны 11-р сарын 20-ны өдөр хөтөлбөрийн хаалтаа онлайнаар зохион байгуулж үр дүнгээ дүгнэсэн. Хаалтын арга хэмжээний үеэр ХААН Банкны ЖДБДТ-ийн захирал Т.Хулан, BPN Монгол сангийн захирал С.Өнөрцэцэг нар жижиг дунд үйлдвэрлэлд төлөвлөлт, стратегийн бодлогоо зөв тодорхойлох нь чухал болохыг хэлж, бизнесийн цаашдын замналд нь амжилт хүсэн оролцогч компаниудад бизнесийн зөвлөхүүдийн зөвлөмж тайланг хүргүүллээ.

Өөрийн компанидаа менежментийн иж бүрэн шинжилгээ хийж, бизнесийн загвараа зуран, дунд хугацааны хөгжлийн стратегиа тодорхойлж, төлөвлөсөн нь бизнесээ дараагийн шатанд гаргах маш том боломж болсныг, мөн зочин багш нар үргэлж хүлээлт үүсгэсэн, шинэлэг содон байж чадсаныг оролцогчдын зүгээс онцолж байв. Мөн дан ганц танхимын сургалтаар зогсохгүй багийн ажиллагаа, хөгжөөнт тоглоом, асуулт, хариулт хэлбэрээр  бодит жишээнд суурилсан сургалтын арга барил нь хөтөлбөрийг илүү чанартай болгож, орчин үеийн технологийн шийдлийг ашиглан суралцах нь сонирхолтой байлаа хэмээсэн юм.

Хөтөлбөрт оролцсон “Аригун” брэндийн үүсгэн байгуулагч, “Их өсөлт” ХХК-ийн захирал Х.Ихбаяр хэлэхдээ “Хөтөлбөрт хамрагдах боломж гарсанд маш их баяртай байна. Толгой дотроо бодож байсан ч цэгцэлж чадахгүй олон төлөвлөгөө байсныг нэгтгэж, бодит болгож авсан. Мөн компанийнхаа стратеги төлөвлөгөө, гадаад дотоод орчны шинжилгээг хийсэн. Бизнесийн зөвлөхүүд манай оффис, үйлдвэр дээр ирж уулзаж, зөвлөгөө өгсөн нь хөтөлбөрийг илүү хөрсөн дээр буулган бодитой болгосон юм шиг санагдсан. Мөн бидний санал сэтгэгдлийг үргэлж сонсож, зочин багш урьж авчирч байсан нь хүлээлтээс давсан өндөр үр дүнтэй байлаа. Цар тахлын энэ үед стратеги төлөвлөлтөө хараад, өдөр тутмынхаа ажилд жанжин шугамаа болгоод ажиллаж байна” гэв.

Харин “Хүүгийн гутал” ХХК-ийн захирал Г.Алтанхуяг маш их шинэ зүйл мэдэж сурч авсан гэдгээ онцгойлон дурдаж, “Өмнө нь янз бүрийн төлөвлөлтийн хичээлд бараг зуун удаа суусан байх. Гэхдээ яг гол зүйлээ мэдэж авч чадаагүй байж. Бизнесийн зөвлөхүүд манай ажилтнуудын нэгэн адил хамтарч ажиллаж, зааварчилгаа өгсөн нь бахархууштай байлаа. Бүхэлдээ нэгээс тав хүртэлх оноо өг гэвэл би таван оноо өгнө. Өмнө нь бид бизнес төлөвлөгөөгөө ямар нэг төлөвлөлтгүй гаргачихдаг. Нэг жилд хэчнээн бүтээгдэхүүн зарахаа тооцоолоод л орхидог байсан. Харин хөтөлбөрт хамрагдаад ажлуудаа хоногтоо хуваарилж, илүү нарийвчилж задалсан” гэв. Энэ нь бизнестээ илүү бодитой хандахыг сургаж, одоо тэрээр хөл хорионы үед хэрэгжүүлэх “Б” төлөвлөгөө боловсруулан ажиллаж байгаа аж.

Ийнхүү менежментийн арга барилд хамтдаа суралцаж, нэг анги болж чадсан жижиг дунд үйлдвэрлэл эрхлэгчид бизнесээ нэг шат ахиулж, шинэ түвшинд ажиллах боломжтой боллоо. Банкны зүгээс хөтөлбөрт амжилттай хамрагдсан оролцогчдод хөнгөлөлттэй нөхцөл бүхий зээл олгож, сонгогдсон гурван компанид стратеги хэрэгжүүлэлтийн төлөвлөгөөний дагуу үйл ажиллагааг нь зургаан сар тутам хянаж, зөвлөн ажиллах юм.

ХААН Банкны ЖДБДТ 2019 оноос эхлэн “Хөгжлийн хөтөлбөр”-үүд санаачлан зохион байгуулж буй бөгөөд өнөөдрийг хүртэлх хугацанд 50 орчим компанийн төлөөллийг сургалтад хамруулан, зөвлөгөө, мэдээлэл хүргэн ажиллажээ. Тус төв нь анх 2006 онд “Бизнес инкубатор төв” нэртэйгээр анх байгуулагдаж байсан бол 2018 оноос Жижиг дунд бизнесийг дэмжих төв болон өргөжиж, харилцагчдаа чадавхижуулах, бизнесээ илүү амжилттай удирдахад нь дэмжлэг үзүүлж, тогтвортой үйл ажиллагаа явуулж байгаа билээ.

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

Хоол үйлдвэрлэлээс болж хуваарьт нислэгүүд хойшлогдсон асуудалд “МИАТ ТӨХК” гүйцэтгэх захирал Б.Мөнхтамир тайлбар өгнө үү2 сар 5. 9:27“МИАТ ХХК”-ийн удирдах албан тушаалтнууд шалгагдаад эхэлсэн сургаар МАН-ын цагаан байраар даргын суудалд горилогч нар гүйдэлтэй болжээ2 сар 4. 12:08Эргэн төлөгдөхгүйгээр цугласан хагас тэрбумын орлогынхоо талаар Мобиком корпорацийн Япон эзэд болон Гүйцэтгэх захирал Кожи Курушима хариулт өгнө үү1 сар 18. 15:39Б.Энхбаяр vs Д.Амарбаясгалан1 сар 18. 11:30Соёлын сайд Ч.Номин та ДБЭТ-ын ерөнхий балетмейстер Д.Дашлхагвыг хамгаалж ажлуулсаар байх уу?2023, 12 сар 22. 16:13Мисс Бямбасүрэн “Miss Asian Awards 2023” тэмцээнд дэд байр эзэллээ2023, 12 сар 8. 12:01Ардчилсан намын даргын Ажлын албаны даргаар намын даргын зөвлөх Энхтөрийн Галбадралыг томиллоо2023, 12 сар 4. 13:04ФИДИК-ийн загвар гэрээний үнэ тогтоох, ажил хүлээлцэх асуудал2023, 11 сар 26. 14:46ТОДРУУЛГА: Цагдаагийн байгууллагын гэр бүлийн хүчирхийллийн дуудлага, мэдээллийн бүртгэл шинэчлэгдсэн2023, 11 сар 19. 14:32Зүүсэн цол энгэрээс гялтагнана, Зурсан түүх тэнгэрээс ч гялалзана2023, 11 сар 4. 10:44БЗД: Үерт автсан хороодод ариутгал, халдваргүйжүүлэлт хийж байна2023, 10 сар 30. 10:35Н.Баярмөнх: Орон сууцны хороолол дунд хашаалсан шүүхийн маргаантай гэх газруудыг шийдвэр гартал чөлөөлөх хэрэгтэй2023, 10 сар 30. 10:32А.Баяр: БЗД-ийн VII хороонд үйл ажиллагаа эрхэлдэг бар, цэнгээний газруудыг цэгцэлнэ2023, 10 сар 30. 10:28БЗД-ийн Ерөнхий боловсролын сургуулиудад “Цахим” индрийг гардуулсаар байна2023, 10 сар 26. 11:03Зөвшөөрлөөр тогтохгүй зөрчлүүдээ нуух аа боль! Ондо2023, 10 сар 16. 13:58Төрийн өмчит “Мон-Атом” компанийн Гүйцэтгэх захирал асан Э.Галбадрал: Ураны салбар эдийн засгийн эргэлтэд орсноор эдийн засгийг солонгоруулах нэгэн тод шар өнгө болж байгаад баяртай байна2023, 10 сар 13. 19:37Л.Лувсандэмбэрэл: Багш, шавь, гэр бүл гэсэн гурвалсан холбоо сайн байж амжилтад хүрдэг2023, 10 сар 5. 14:37Л.Оюун-Эрдэнийн ээлжит том нүүдэл нь ТӨСӨВ байх нь!2023, 9 сар 27. 15:08ТАНИЛЦ: АН-ын дарга Л.Гантөмөрийн зөвлөхүүд2023, 9 сар 25. 14:06Н.Баярмөнх: Хоол захиалж идсэн гэх 54 сая төгрөгөөр гамшгийн үед ажилласан төрийн алба хаагчдын хоол хүнсийг шийдвэрлэсэн2023, 9 сар 19. 11:07“Гэр бүлийн хүчирхийлэл, хүүхдийн эсрэг гэмт хэрэгтэй тэмцэх, урьдчилан сэргийлэх арга зүй“ сэдэвт бүсчилсэн сургалт болж байна2023, 9 сар 18. 16:32“Нээлттэй –Хөвсгөл-2023” арга хэмжээ Улаанбаатарт болно2023, 9 сар 18. 11:17Цагдаагийн байгууллага, Нэгдсэн Үндэсний байгууллагын Хүүхдийн сан хамтран цахим орчинд үйлдэгдэж буй хүүхдийн эсрэг гэмт хэрэг, зөрчлөөс урьдчилан сэргийлэх, хамгаалах,иргэдийн эрх зүйн мэдлэгийг дээшлүүлэх, мэдээллийн технологийн зохистой хэрэглээг бий болгох, зорилготой “Нууцалъя- Private” нөлөөллийн аяныг эхлүүлжээ. Тус аян энэ сарын 15-ны өдрөөс 12 сарын 25-ны хугацаанд улсын хэмжээнд зохион байгуулагдана2023, 9 сар 17. 16:28Зул бөхөхийнхөө өмнө бадамладаг!2023, 9 сар 15. 12:57ХИЧЭЭЛ ЭХЭЛЛЭЭ НЭГДСЭН АРГА ХЭМЖЭЭНИЙ ХҮРЭЭНД #ЭРСДЭЛГҮЙ_ИРЭЭДҮЙ ӨДӨРЛӨГИЙГ ЗОХИОН БАЙГУУЛЛАА2023, 9 сар 5. 17:49ХҮҮХДИЙГ ЗОХИСГҮЙ АГУУЛГААС ХАМГААЛЦГААЯ2023, 9 сар 5. 16:28Хүүхэд хамгааллын хөтөлбөр2023, 8 сар 29. 17:05Хүн худалдаалах гэмт хэргээс урьдчилан сэргийлэх “Мэддэг, Мэдээлдэг байя” аян эхэллээ2023, 8 сар 29. 16:42АН-ын 16 Дэд дарга тойрогт нэр дэвшихээр Л.Гантөмөртэй тохирчээ2023, 8 сар 29. 11:23ХИЧЭЭЛ ЭХЭЛЛЭЭ АРГА ХЭМЖЭЭ ҮРГЭЛЖИЛЖ БАЙНА2023, 8 сар 26. 16:50
© 2008 - 2024 он. Зохиогчийн эрх хуулиар хамгаалагдсан.