Монгол Улсын Шадар сайд, УОК-ын дарга С.Амарсайхан өнөөдөр Баянзүрх дүүргийн 133, 142 дугаар сургуулийн байранд ковидын шинжилгээ авч буй цэгүүдийн ажлын явцыг шалгав.
Бүх нийтийн хөл хориог хязгаарлах хугацаанд цар тархалтын голомтыг хумих нэгдсэн арга хэмжээг эхлүүлэхэд ковидын шинжилгээ авах цэгүүдийн бэлэн байдал, ажилтан албан хаагчдын ажлын уялдаа холбоо, сорьц авах багаж хэрэгслийн нөөц, ариутгал халдваргүйжүүлэлт зэргийг газар дээр нь шалгаж, эмнэлгийн ажилчдад тулгамдаж буй асуудлаар санал солилцлоо.
“Иргэдэд шинжилгээ өгөх цагийг цахимаар олгож эхэлснээр олон хүний бөөгнөрөл үүсэхгүй байх давуу талтай боловч цагтаа ирэхгүй иргэдээс хамаарч нийт сорьц өгөх иргэдийн тоо буурсан. Энэ нь шинжилгээнд яаралтай хамрагдах хүсэлтэй иргэдийг хүлээн авах боломжгүй нөхцөлийг үүсгэж байгаа” гэдгийг шинжилгээ авч буй эмч ажилчдын зүгээс хэлж байв.
Шинжилгээ авах цэгүүдийн үйл ажиллагааг Шадар сайд газар дээр очиж нь шалгаж дуусаад, Эрүүл мэндийн сайдтай уулзаж анхан шатны нэгжид тулгамдаж буй зарим асуудлыг яаралтай шийдвэрлэх чиглэлийг өглөө.
Ковидын шинжилгээ авах цэгүүдийг нарийн зохион байгуулалтад оруулах нарийн төлөвлөгөөг боловсруулж танилцуулахыг Эрүүл мэндийн сайдад чиглэл болгов. Түүнчлэн иргэдээс сорьц авах цагийн хуваарийг уртасгах, шинжилгээний хариуг иргэдэд чирэгдэл учруулахгүйгээр өдөрт нь гаргах, ажилтан албан хаагчдын халдвар хамгааллын нөхцлийг сайжруулах ажлыг эрчимжүүлэхийг Шадар сайд С.Амарсайхан үүрэг болгов.
Улаанбаатарын хөшөөнүүд чихэвч зүүх болжээ
Харааны бэрхшээлтэй хүүхэд төрүүлснээсээ болж хямарч, цонхоороо үсэрч амиа алджээ
Халдвараа хумиж чадаагүй Эрүүл мэндийн сайд Т.Мөнхсайхан, ТНБД Я.Амаржаргал нар халаа сэлгээ хийж, цар тахлын үед олон хүнийг ажилгүй болгож байна
Эрүүгийн хууль хэрэгжихэд 10 хоногийн хугацаа үлдсэн нь Шүүх дээр дараалал үүсгэжээ
Нийслэлийн 2023 оны төсвийн төслөөс Сэлбэ голын төслийн санхүүжилтийг эргүүлэн татахаар боллоо
Нийслэлийн нутгийн захиргааны байгууллагууд төсвийн мөнгөөр шинэ жил тэмдэглэхгүй
“Алтан үзэг” улсын наадмын шилдгүүд шалгарлаа
Хүний нөөцийн ажилтнуудад тулгамдаж буй асуудлыг хэлэлцлээ
3 сэтгэгдэлСэтгэгдэл бичих
Сорьц авахад зарцуулах цаг хугацаа , сорьц шинжлэх цаг хугацаа , сорьц зөөвөрлөх цаг хугацаа зэргийг нарийн тогтоож сайтар уялдуулах хэрэгтэй байна даа.
Удахгүй хичээл эхлэнэ ингэхэд сургуулиудад шинжилгээ авдаг нь халдвар тархах нөхцөлийг бүрдүүлж байна учир иймд сургууль ашиглахаа болиоч дээ орон сууцныханыг явуулын шинжилгээг хийх хэрэгтэй гэр хороололыг хорооны иргэний танхимыг ашиглах хэрэгтэй байна ямарч байсан сургуулиудад шинжилгээ авдгаа зогсоогооч
Энэ өдөр бүр "ойрын хавьтал" гэж худал ярьдаг ёрын авгай амсилмаагаа солиоч ээ