Энэ сарын 22-25-ны өдрүүдэд Тээврийн цагдаагийн албаны Жижүүрийн шуурхай удирдлагын хэлтэс нийт 513 дуудлага мэдээлэл хүлээн авснаас зам тээврийн ослын шинжтэй 327 дуудлага мэдээлэл бүртгэгдсэн байна. Бүртгэгдсэн зам тээврийн ослын улмаас 12 хүн гэмтэж, ноцтой зам тээврийн ослын улмаас орон нутгийн замд 6 хүний амь нас хохирчээ. Тодруулбал,
- 2021.02.24-ны шөнийн 00:50 цагийн орчимд Говь-Алтай аймгийн Шарга сумын Хамтын хүч баг /аймгийн төвөөс хойш 109 км/ асфальтан замд Grand Bird маркийн автобус, LGMG маркийн механизм, Toyota Crown маркийн автомашинууд мөргөлдөж, зорчигч 2 хүний амь нас хохирч, 2 хүн гэмтсэн,
- 2021.02.24-ны шөнийн 03:45 цагийн орчимд Баян-Өлгий аймгийн Алтай сумын 4 дүгээр багийн нутаг дэвсгэрт зорчигч мотоциклоос унаж амь нас хохирсон,
- 2021.02.24-ны өдрийн 16:00 цагийн орчимд Хэнтий аймгийн Дархан сумын 2 дүгээр багийн нутаг дэвсгэрт шороон замд Lifan маркийн улсын дугааргүй мотоциклтой онхолдож, жолоочийн амь нас хохирсон,
- 2021.02.24-ны өдрийн 18:50 цагийн орчим Хөвсгөл аймгийн Эрдэнэбулган сумын 5-р багийн нутаг дэвсгэрт /аймгийн төвөөс зүүн хойш 135 км/ шороон замд Daihatsu Terios маркийн автомашин огцом өгсүүр газар хүч алдуулснаас ухарч, зогсоох арга хэмжээ авч чадаагүйгээс онхолдож, жолоочийн амь нас хохирсон,
- 2021.02.26-ны шөнийн 02:00 цагийн орчимд Хөвсгөл аймгийн Бүрэнтогтох сум 3-р багийн нутаг дэвсгэр /сумын төвөөс баруун урагш 12км/ шороон замд мустанг маркийн улсын дугааргүй мотоцикл онхолдож, жолоочийн амь нас хохирсон хэргүүдийг тус тус шалгаж байна.
Иргэд, жолооч та бүхэн согтууруулах ундааны зүйл хэрэглэсэн үедээ тээврийн хэрэгсэл жолоодохгүй байх, орон нутгийн замд шөнийн цагаар хөдөлгөөнд оролцохдоо тээврийн хэрэгслийн техникийн болон гэрэлтүүлэг хэрэгслийн бүрэн бүтэн байдлыг хангаж, хурдаа тохируулж хөдөлгөөнд оролцохыг Тээврийн цагдаагийн албанаас анхааруулж байна.
6 сэтгэгдэлСэтгэгдэл бичих
Ер нь хот хөдөөгүй замын цагдаагийн хяналт маш сул цаашлах юм бол зарим нутагт бүр таг шдээ.Өдөрт зам дагуу явж анзаарч байхад маш олон жолооч хотын хөдөлгөөний дүрэм зөрчсөн харагддаг.Ялангуяа УЛААН ГЭРЛИЙН зөрчил маш их байдаг.Хөдөө бол бүр ч амар шүүдээ.Улсын нийслэлд дүрэмгүй бас согтуу машин барьж болоод байхад хөдөө огт хяналт байхгүй газар яаж дүрэм баримтлах вэ дээ.Хөдөө хотгүй машин,мотоцикл барьж байгаа маш олон иргэнд жолооны үнэмлэх байх ч үгүй.
Хөдөөний цагдаа нар орон нутгийн жолооч нараа торгодоггүй өөр аймаг хотынхныг торгож орлогын төлөвлөгөөгөө биелүүлдэг. Орон нутгийн жолооч нар архичин алуурчин болж хувирсны харгай даа.Мотоцикл унах хугацаагаа баримтлахгүй бол үхээд байхаас яахав. Ерөнхийдөө хоцрогдсон цагдаа нар амьд ажил хийдэггүйгээс УБ хотод өдөрт 50-60 согтуу жолооч хөдөлгөөнд оролцож байна. Ерөөс тодорхолй ажил хийхгүй байна. Согтуу нөхдийн тээврийн хэрэглийг устгалд оруулсан цагт арай илүү соёлтой болно.
Энэ чанаргүй Хятад мотоцикл монголчуудын амь нас хохироож дууслаа Хилээр ямар ч хяналтгүй задалж оруулж ирээд л буруу угсраад л тохиргоо засвар бүртгэл энэ тэр байхгүй хэн дуртай нь унаж хурдан давхиад л амиа алдаад байдаг Орон нутгийн төр захиргаа бүртгэл тоолого үзлэг шалгалт ч хийдэггүй Хурдан түргэн амар хялбарыг нь бодоод морио мотоциклээр сольсны гай гарч байна Дээр үед Оросын мотоцикл бас л байсан ингэж хоногт олноороо амиа алдаж байгаагүй хүнд зориулагдсан байсан одоо бол ***** мотоцикль нь монгол хүнийг цөөлөхөд зориулагдсан
Архи, архи, архи өөр шалтгаан байхгүй, яг өвөрмонголын хойноос орж байна, монгол ялаагүй ээ жонхуурсан
ucheed ucheed bai, uragschgui tor zasagtai archaagui uls bolod udaj bna. boon zovlon
Ихэвчлэн хөдөө орон нутгийн шороо нь зам дээр зам тээврийн осол гарч хүний амь нас эрсдэх юм даа.