Эрүүл мэндийн сайдын тавдугаар сарын 7-ны тушаалаар коронавируст халдварын эсрэг вакцины дархлаажуулалтад нэмэлт зохицуулалт хийж, вакцинд хамрагдаагүй иргэдийг хамруулахаар тусгажээ. Уг тушаалд
- Коронавируст халдварын эсрэг вакцинд хамрагдаагүй, уг халдвараар өвчилсөн иргэдийг I, II тунгийн вакцинаар дархлаажуулалт хийнэ.
- Коронавируст халдварын эсрэг вакцины I тун хийлгээд уг халдвараар өвчилсөн хүнд батлагдсан өдрөөс хойш 21 хоногийн дараагаас II тунгийн вакцинаар дархлаажуулна.
- Коронавируст халдварын эсрэг вакцины I, II тунд хийлгээд өвчилсөн иргэдэд нэмэлт тунгаар дархлаажуулалт хийхгүй.
- Коронавируст халдварын эсрэг вакцинд туйлын эсрэг заалтаас бусад шалтгаанаар хамрагдаагүй иргэдэд дахин эрүүл мэндийн үзлэг хийж, дархлаажуулалтад хамруулна гэж зохицуулалт хийсэн байна.
УОК-ын дэргэдэх эрдэмтдийн зөвлөл, Эрүүл мэндийн яамны дэргэдэх Харшил, дархлаа судлалын мэргэжлийн салбар зөвлөлөөс гаргасан зөвлөмж, Халдварт өвчин судлалын Үндэсний төвийн саналыг үндэслэн “Ковид-19”-ийн эсрэг вакцинаар дархлаажуулах ажлыг зохион байгуулж байна.
3 сэтгэгдэлСэтгэгдэл бичих
Яагаад гэдгээ үйлдвэрлэгчийн зөвлөмж, ДЭМБ-ын эх сурвалжтай нь мэдээлж байх хэрэгтэй байна.
Virusiin haldvar avaad edgesen humuust 6 sariin daraa 1 udaa l vaktsin hiij bga yum bn Evropiin ulsuud
Иргэд вакциндаа идэвхтэй хамрагдана уу? Би вакцинд хамрагдсан юм чинь одоо халдвар авахгүй гэсэн гэнэн тэнэг бодлоо хаяж, вакциндаа хамрагдсан ч маскаа тогтмол зүүж аль болох олон хүн цугласан газар очихгүй байвал халдварын тархалт буурсаар байх болно. Дотоодын халдварыг бууруулах эсэх нь иргэдээс бүрэн хамаарна.