Монгол Улсын Ерөнхийлөгч У.Хүрэлсүх Монголын ахмадын байгууллагын 90 жилийн ойг тохиолдуулан мэндчилгээ дэвшүүлэв.
Мэндчилгээнд:
“Олон улсын Ахмадын баярын өдөр эрхэм хүндэт ахмад буурлуудынхаа амар амгаланг айлтган мэндчилж байна.
Ахмадуудын эрх ашгийг хамгаалах, тэдний нийгэмд оруулсан хувь нэмрийг нийтэд таниулах зорилгоор Нэгдсэн Үндэстний Байгууллагын Ерөнхий ассамблейн 1990 оны 12 дугаар сарын 14-ний өдрийн шийдвэрээр жил бүрийн 10 дугаар сарын 01-ний өдрийг “Олон улсын Ахмадын өдөр” болгон дэлхий даяар тэмдэглэж байхаар тунхаглажээ. Энэ шийдвэрийн дагуу манай улс 1992 оноос эхлэн “Ахмадын баярын өдөр”-ийг уламжлал болгон тэмдэглэсээр даруй 30 дахь жилтэйгээ золгож байна.
Тэртээх 1931 онд эх орныхоо тусгаар тогтнол, ард түмнийхээ эрх чөлөөний төлөө тэмцсэн ардын хувьсгалын ахмад партизануудын амьдрал ахуйд дэмжлэг үзүүлэх зорилгоор анх Партизаны хэрэг эрхлэх комисс нэртэйгээр үндэс сууриа тавьсан Монголын ахмадын байгууллагын түүхт 90 жилийн ой энэ жил тохиож байна. 1968 онд Ардын Их Хурлын Тэргүүлэгчдийн дэргэдэх Хувьсгалт тэмцлийн ахмад зүтгэлтний хороо, 1988 онд Монголын ахмадын холбоо болон өргөжин тэлж, өнөөгийн нэршлээ авсан тус байгууллагын үе үеийн удирдлагууд, гишүүд дэмжигчдэд болон Монголынхоо нийт ахмадуудад их ойн баярын халуун мэндийг өргөн дэвшүүлье.
Одоо ажиллаж байгаа хийгээд гавьяаныхаа амралтад байгаа ахмад буурлууд маань өнгөрсөн XX зуунд эх орныхоо эрх чөлөө, тусгаар тогтнолыг тунхаглан баталгаажуулж, хоцрогдлыг арилган хүн ардаа соён гэгээрүүлж, нэгдэл хоршоолол, сангийн аж ахуй байгуулж, үйлдвэр завод, аж үйлдвэрийг цогцлоосон билээ. Зах зээлийн шилжилтийн үед хувийн аж ахуйг бий болгож, эдийн засгийг сэргээн сорилт бэрхшээл, хямралт үеийг даван туулж, үр хойчдоо шинжлэх ухаанжсан, орчин үеийн хөгжил дэвшилтэй эргэлт буцалтгүй хөл нийлүүлсэн улс орныг хүлээлгэн өгч, өнөөгийн бидний гарт боломж бүрийг атгуулжээ.
Өтгөс буурлаа өргөж, ахас ихсээ хүндэтгэж, идэр залуусаа дэмжиж, хүүхэд нялхсыг асардаг нь эртнээс улбаатай эрхэм ёсон мөн. Энэ ёс өнөө цагт “Монгол хүн – Монголын баялаг” хэмээх үзэл санаан дор төрийн бодлогын төвд зангидагдаж байна.
Монгол Улсын Ерөнхийлөгчийн хувьд ахмадуудын насны хишиг, нийгмийн хамгаалал, тэтгэврийн шинэчлэлийн бодлогыг дэмжиж, эрүүл, ая тухтай амьдрах нөхцөлийг бүрдүүлсэн “Ахмадын хотхон”-ууд байгуулах талаар Засгийн газарт чиглэл өгч ажиллана. Ахмад настныг өөрийнх нь хүсэлтээр ажиллуулж, тэдний туршлага, ур чадварыг залуу үед өвлүүлэх бодлогыг ямагт дэмжих болно.
Идэр залуу насныхаа эрч хүчийг эх орныхоо хөгжил дэвшлийн төлөө өргөж, өнөөдрийн орчин үеийн Монголыг бүтээхэд үнэтэй хувь нэмэр оруулсан ахмадууддаа Төрийн тэргүүний хувиар гүн талархал, хүндэтгэлээ илэрхийлье.
Төр түмнийхээ түшиг болсон азай буурлууд, ахмад настнууддаа энх тунх, эрүүл энхийг хүсэж, эртний сайхан ерөөлөөр урт насалж, удаан жаргахын ерөөл өргөе” гэжээ.
10 сэтгэгдэлСэтгэгдэл бичих
gbntlm
Ахмад настныг өөрийнх нь хүсэлтээр ажиллуулна гэнэ үү, ажиллаж байсан газраа тэтгэвэртээ гарчаад ажиллая гэсэн ахмадын хүсэлтийг хүлээж авч ажиллуулахуу, хаалгатай нэг нь л сайдын зөвлөх энэ тэр намын даргын зөвлөх гэж л ажилладаг байх, харин ахмадууддаа коронагийн энэ хүнд үед хэдэн цаасны дэмжлэг өгч болдоггүй юм уу
Уг нь гадаадын орнуудад бол ахмадууд нь гадны орнуудад юм үзэж, аялж их сайхан амардаг юм билээ, Харин манайд бол эсрэгээрээ цайны сүүний мөнгө хүүхдээсээ харж сард ганцхан удаа буух 300-350 мянган төгрөгөө аваад ардаа нахуу урдаа наахуу өрөвдөлтай байдаг. Ядаж тэтгэвэрийнх нь доод хэмжээг төр зөсөг нь 500 мянган төгрөг болгоод өгчмөөр байгаа юм. ЖДҮ гишүүд нь аваад болоод байдаг тэтгэвэрээ нэмэхээр болохгүй болчоод байдаг, амласнаал биелүүлчдэг худлаа ярьдаггүй болчмоор байгаа юм
ЕРӨНХИЙЛӨГЧӨӨ АХМАДУУД ЧИНЬ ТЭР ХОТХОНЫГ ЧИНЬ ХҮЛЭЭХГҮЙ КОРОНАГААР БАС БУС ӨВЧНӨӨР, БАС ТЭТГЭВЭР НЬ БАГА УЧРААС СЭТГЭЛ ЗҮЙГЭЭР ГЭЭД ӨЧНӨӨН НАС БАРЖ БАЙНА АА, ХОТХОН ЭНЭ ТЭР ГЭЖ БАЙХААР ӨНӨӨДТӨӨ ТЭТГЭВЭРИЙГ НЬ ХЭДЭН ТӨГРӨГӨӨР НЭМЭЭД ӨГЧӨӨЧ ЭЭ, АХМАДУУД ӨВДӨНӨ СУВИЛУУЛНА ЭМ ЭМЧИЛГЭЭ ГЭЭД ТЭТГЭВЭРИЙН ХЭД НЬ ХААНАА Ч ХҮРЭХГҮЙ БАЙНА ШҮҮ ДЭЭ, ЯДАЖ КОРОНА ГЭЭД СҮҮЛИЙН 2 ЖИЛ АМРАЛТ СУВИЛАЛД Ч ЯВЖ ЯАДААГҮЙ, АХМАДУУДАА ГЭЖ БОДОЖ БАЙГАА БОЛ ТЭТГЭВЭРИЙГ НЬ Л НЭМЭЭД ӨГЧИХ, ИХЭНХ АХМАД САРД 300-350 МЯНГАН ТӨГРӨГ Л АВДАГ. ТЭТГЭВЭРИЙН ДООД ХЭМЖЭЭГ НЬ 500 МЯНГА
асрамжийн газар дээр. мөнгө угаах арга
би ч гэсэн нэг чиглэл өгчихэе
Ahmaduudiig ih nud uzuurlej ajlaas huuj tuuh yum daa
ЕС байхдаа андлалын хөшөө босгож байхын оронд ганц орон сууц бариад хэдэн хөгшнийг оруулаагүй байж ,одоо худлаа попрохоод баярынх нь өдөр ядхаж хуурахын оронд хоосон баярын мэндчилгээгээ дэвшүүлээч
Ahmadiin hothon mash ih heregtei shuu tulgamdsan asuudliin neg !!! MONoosoo MON
Юу хийсэн болоод орон сууц авах гээд байгаан? Ахмадуудад зориулж асрамжийн газар л барьдаг болохоос төлбөрөө төлөх чадваргүй хүмүүст хэзээ орон сууц барьж баярхаж байсийн. Эсвэл барих гэж байна гэж дундаас нь мөнгө хулгайлах гэж байгаамуу