Азийн цомын тэмцээний урьдчилсан шатны тоглолтууд монгол улсад зохиогдоно

Азийн хөл бөмбөгийн холбооны 23 хүртэлх насны Азийн цомын тэмцээний урьдчилсан шатны “J” хэсгийн тоглолтууд энэ сарын 25-31-нд Монгол Улсад явагдана.

Тус тэмцээнд оролцох Монголын шигшээ багийн нэрс тодроод байгаа. Шигшээ багт Дэрэн клубээс 12 тамирчин, Улаанбаатар клубээс 4, Хангарьд, Хаан Хүнс-Эрчим клубээс 3, СП Фалконс клубээс 2, Улаанбаатар Сити болон УБ-ын Мазаалайнууд клубээс тус тус нэг тоглогч дуудагдсан бол Словакийн Комарно клубээс Г.Ганбаяр гэсэн нийт 27 тамирчин дуудагджээ.

Манай шигшээ багийн хувьд хэсгийн эхний тоглолтоо 25-нд Тайланд улсын багтай хийх бол 28-нд Малайз улсын багтай, 31-нд Лаос улсын шигшээ багтай тус тус тоглох хуваарьтай байна.