УИХ-ын чуулганы хуралдаан үргэлжилж байна. Хуралдаанаар Монгол Улсын 2022 оны төсвийн тухай, Нийгмийн даатгалын сангийн 2022 оны төсвийн тухай, Эрүүл мэндийн даатгалын сангийн 2022 оны төсвийн тухай, Ирээдүйн өв сангийн 2022 оны төсвийн тухай хуулийн төслийг хэлэлцэж эхэллээ.
Монгол Улсын Ерөнхий сайд Л.Оюун-Эрдэнэ төслийн танилцуулгыг хийсэн. Үүнтэй холбогдуулан гишүүд асуулт асууж, хариулт авч байна.
УИХ-ын гишүүн Х.Баделхан "Ирэх оноос эхлэн бид халамжаас хөдөлмөр эрхлэлт рүү шилжинэ гэсэн зорилт тавьж байгаа юм байна. Энэ зорилтоо яаж хэрэгжүүлэх вэ" гэж асуулаа.
Хөдөлмөр нийгмийн хамгааллын сайд А.Ариунзаяа "Энэ жил 3 их наяд төгрөг халамжийн санд тавигдсан. 2022 онд 482,9 тэрбум төгрөг тавигдаж байгаа. Энэ нь хүүхдийн мөнгө Сангийн яамны төсөв рүү шилжиж байгаатай холбоотой. Хоёрдугаарт халамжаас хөдөлмөрт шилжих гэдэг агуулгад тусгайлсан бодлогуудыг хэрэгжүүлж байна. Хүнс тэжээлийн дэмжлэгийг онцлох нь зүйтэй. Хүнс тэжээлийн дэмжлэг авч байгаа иргэдийн хувьд 2 жилийн хугацаатай болгосон. Хөдөлмөр эрхлэх боломжтой хөдөлмөрийн насны 110,000 орчим иргэн хүнсний дэмжлэг авч байгаатай холбогдуулан хөдөлмөрт зуучлах ажлыг эхлүүлсэн. Долдугаар сард эхэлсэн энэ ажлын хүрээнд 20,000 орчим иргэн 6,000 орчим өрхийг ажилд зуулчилсан" гэлээ.
2 сэтгэгдэлСэтгэгдэл бичих
350,0 төгрөгөөр амьдрах гэж ядаж яваа ахмад настангуудынхаа тэтгэвэрийг нэг удаа нэмж ядахнаа550,0 болгоочээ,залуу насандаа энэ улсынхаа төлөө үнэнчээр хөдөлмөрлөж ирсэн хүмүүс шүү
хууль бусаар хүнсний дэмжлэг олгосон халамжийн байцаагчаар төлүүлээч . ийм тогтолцоо байхгүй бол 12,0 мянган долларийн цалинтай Эрдэнэт, Оюутолгойн ажилтнууд халамж авсаар л байх болно.