Монгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүх Хөвсгөл аймагт ажиллах үеэрээ “Сүхбаатар” хөлөг онгоцыг татаж гаргасан багийн төлөөлөлтэй уулзлаа.
Тэрбээр 16 метрийн гүнд байсан 309 тн жинтэй хөлөг онгоцыг тогтоосон хугацаанд осол авааргүй татаж гаргасан нийт хамт олонд талархал илэрхийлэв. Энэ бол 2024 он гэхэд нуурын ёроолд байгаа 60 орчим машин, техникийг татаж гаргах ажлын эхлэл гэдгийг тодотголоо.
Монгол Улсын Засгийн газар Хөвсгөл нуурын эко системийг хамгаалах, нуурын ёроолын аюултай хог хаягдлыг цэвэрлэх, бохирдлыг бууруулах зорилгоор 2019, 2020 онд тогтоол гарган, шаардагдах санхүүжилтийг нь шийдвэрлэсэн юм.
1985 онд живсэн “Сүхбаатар” хөлөг онгоцыг ОБЕГ-ын Тэргүүн дэд дарга, хурандаа Ж.Чүлтэмсүрэнгээр ахлуулсан Батлан хамгаалах яам, Байгаль орчин, аялал жуулчлалын яам, Зэвсэгт хүчний Жанжин штаб, Онцгой байдлын ерөнхий газар, дээрх байгууллагуудын харьяа ангиуд, Зам, тээврийн хөгжлийн яамны Далайн захиргааны газар, Мэргэжлийн хяналтын ерөнхий газар, “Эрдэнэт үйлдвэр” ТӨҮГ, ШУТИС, Хөвсгөл аймгийн Засаг даргын Тамгын газар, Цагдаагийн газар, Алаг-Эрдэнэ сумын Хатгал тосгоны Захирагчийн ажлын алба, “Хөвсгөл усан зам” ХК-ийн нийт 120 гаруй хүн, 50 нэгж техник хэрэгслээр татан гаргажээ.
Онцгой байдлын байгууллагын 20 гаруй усчин аврагч гэхэд л хөлөг онгоцыг холбох, хөшүүрэг хийх, гүн хэмжих, битүүмжлэх зэргийг сар гаруй хугацаанд 100 удаагийн шумбалтаар гүйцэтгэсэн байна.
“Сүхбаатар” хөлөг онгоц 43.3 метр урт, 8.4 метр өргөн, 5.7 метр өндөртэй. Онгоцон доторх усны жин 1176.51 тн, 195.5 тн шавар хуримтлагдсан байжээ. Онгоцноос 400 литр техникийн тос алдагдах аюултай байсан бөгөөд 100 литр шатахуун алдахад 1.1 км3 ус бохирдоно гэсэн тооцоолол гаргасан байна.
1954 онд ЗХУ-ын “Красный Сормов” үйлдвэрт үйлдвэрлэсэн энэ хөлөг онгоцоор баруун аймгуудын хэрэгцээт шатахуун, бусад бараа бүтээгдэхүүн тээвэрлэдэг байжээ.
Халдвараа хумиж чадаагүй Эрүүл мэндийн сайд Т.Мөнхсайхан, ТНБД Я.Амаржаргал нар халаа сэлгээ хийж, цар тахлын үед олон хүнийг ажилгүй болгож байна
Ерөнхийлөгч Х.Баттулга, Ерөнхий сайд У.Хүрэлсүх нар өнөөдрөөс тусгаарлагдана
Өөрөөсөө урвасан Н.Энхбаярын "БУЯНААР" Ардчиллын ТАВАН ЗАСГИЙН ГАЗАР огцорч байв
Ерөнхийлөгч У.Хүрэлсүх зарлиг гаргажээ
Ерөнхийлөгч У.Хүрэлсүх: Архи эрчүүд биднийг ууж байна
“Илгээлт-2100” хөтөлбөрийн хүрээнд 428 хүүхдэд захиа, даалгавар гардуулжээ
Ерөнхийлөгч тэтгэвэр, тэтгэмж нэмэх чиглэлийг ЗГ-т өглөө
Ерөнхийлөгч У.Хүрэлсүх өнөөдөр төрийн дээд цол, одон медаль гардуулна
10 сэтгэгдэлСэтгэгдэл бичих
Гурван өндөрлөг өглөө ба орой цуг нэг машинд явах ёстой. Түгжрэл ч болохгүй, бензин ч үрэхгүй болно. Нэг хашааных юм байж. Ингэж төсвийг хэмнэдгийг харуулах хэрэгтэй.
Цэнгэг усны нөөцөө хамгаалах нь маш чухал ажил Хөвсгөл далайд голдуу нефть ачсан тээврийн хэрэгсэл живсэн байдаг гэдэг биз дээ Усаа бохирдуулчихаад хичнээн их мөнгөтэй байгаад ч яах юм Ирээдүйд ус хэнч бий болгохгүй мөнгийг бол бий болгож болно
Хайран мөнгөө дэмий зүйлд бүү зар, нефьтийн үйлдвэр, арьс шир боловсруулах үйлдвэрээ хурдан барих, ОТ гэрээгээ хурдан сайжруулмаар байна, ОТ-гоос захидал хүлээгээд битгий суугаад бай, тодорхой хугацаа өгөөд шахаж ажиллад өгөөч ээ , Гангийн үйлдвэр хурдан бариач ээ, өөрсдөө үйлдвэрлэгч болмоор байна.... Бүх зүйлээ Гаднаас авахаа зогсоох цаг болсныг цаг үе нэхээд байна...
Өөр хийх юм алга уу алиалагч аа
Нэг хүнд ногдох газар нутгийн хэмжээгээр дэлхийд 1т ордог. Маш их малтай баялагтай ийм орон 3сая хүнийг ядуу амьдруулж байдаг. Ерөнхийлөгч, сайд, УИХ гишүүд төрийн дарга нар эрх ямбаа боль том бандгар хар машинуудаа боль, олон туслахуудаа боль, Бид нарт энгийн тайван сайхан амьдрал хэрэгтэй. Хүн бүрийн амьдрал тэгш бидний ирээдүйн хүүхдүүд амар тайван сайхан амьдрах хэрэгтэй байна. Юм үзээгүй богино хугацаанд баяжих гэсэн хувиа хичээсэн авилгач Монголчууд болж байна. Энэ аймшигтай ирээдүйд хүүхдүүд минь яанадаа л гэж шаналж байна.
Монголынхоо ганц цэнгэг усны нөөцийг хамгаалж цэвэрлэхэд юу нь яагаад болохгүй гэж, бидний хойч үе үр хүүхдүүдэд ариун байгаль. цэвэр цэнгэг ус хэрэггүй гэжүү
60 aad mashin tehnik baihguiee battai shuu !!!!
Хэрэггүй юманд битгий хөрөнгө үрээд бай. Нэг бол газарт мод булна нэг бол уснаас төмөр гаргана гэж балайрах юм. Өөр хүний төлөө хийж чадах юм алга уу
Ганц чадаж магадгүй ажил нь тэр байхдаа
ЗА яахав өөр ажил хийж чадах биш