2021 оны 12-р сарын 10
17 цаг 01 минут

НАРНЫ СҮҮДЭР МУСК: Хүчирхийлэл хүн бүхэнд ХАМААТАЙ

     Нар хүн бүрийг ялгалгүй ээж, дулаацуулдаг. Харин хүний нийгэмд хууль хүн бүрт тэгш хүрч байж бүхнийг “дулаацуулна”. Тэгвэл манай улс хүчирхийллийн эсрэг дуу хоолойгоо нэгтгээд 27 жилийн үджээ. Энэ жилийн хувьд Монгол Улсад гэмт хэргээс урьдчилан сэргийлэх ажлыг зохицуулах зөвлөлийн санаачилгаар хүчирхийллийн хор уршгийн талаар иргэд олон нийтэд мэдлэг ойлголтыг нэмэгдүүлэх, соён гэгээрүүлэх зорилгоор “Нарны сүүдэр” уран сайхны киног бүтээлгэж та бүхэнд хүргэхэд бэлэн болжээ.

Тэгвэл өнөөдөр /2021.12.10/ “Нарны сүүдэр” уран сайхны киноны албан ёсны нээлтийн үйл ажиллагаа боллоо. Нээлтийн үеэр уран бүтээлч бүхэн хүчирхийлэл гэдгийг дан ганц бие махбодын гэж харахаасаа илүүтэй сэтгэл санаа, үзэл бодлын хараат байдал хүчирхийлэл болж хувирдаг болохыг ойлгож, үүний эсрэг дуу хоолойгоо нэгтгэж чаддаг байгаасай гэдгийг хэлж байсан юм. Мөн хүчирхийллийн эсрэг нийгэмд хүргэх дуу хоолойгоо ХҮЧТЭЙ байр сууринд аваачих нь хувь хүний хандлагаас эхэлнэ гэдгийг онцоллоо.

Уг уран бүтээл нь ашгийн бус гэдгээрээ онцлог бөгөөд өнөөдөр /2021.12.10/-наас эхлэн олон нийтийн мэдээллийг сувгуудаар үзэгчдийн хүртээл болох юм.

Нээлтийн үеэр албаныхан болон кино уран бүтээлчид “Нарны сүүдэр” уран сайхны киноны талаар сэтгэгдлээ илэрхийлсэн юм.

“Өсвөр насныхны амьдрал, тэдэнд тулгардаг бэрхшээлүүд, өөрсдөө ч анзаардаггүй хүчирхийллийн далд үйлдлүүдийг асуудал болгон хөндсөн”

“Нарны сүүдэр” уран сайхны киноны туслах найруулагч Э.Лувсандаш “Дэлхийн 180 гаруй оронд 30 жилийн өмнөөс жендерийн тэгш бус байдлын эсрэг аянд нэгдэж ирсэн. Энэхүү аянд манай улс 27 жилийн турш нэгдэж, оролцож иржээ. Манай уран бүтээлд хүчирхийллийн хэд хэдэн сэдвийг хөндсөн. Энэхүү кино нь ашгийн бус гэдгээрээ онцлог. Олон нийтийн мэдээллийн сувгуудаар үзэгч олон нийтэд хүрэх юм. Кино багт шинэ үеийн залуу уран бүтээлчид нэлээн их оролцон тоглосон. Ингэхдээ өсвөр насны хүүхдүүдийн амьдрал, тэдэнд тулгардаг бэрхшээлүүд, өөрсдөө ч анзаардаггүй хүчирхийллийн шинжтэй далд үйлдлүүдийг асуудал болгон хөндсөн.

Энэ жилийн аяны уриа бол “Хүчирхийлэл хүн бүхэнд хамаатай”. Хүчирхийллийн хажуугаар хэн ч дуугүй өнгөрч болохгүй. Нийгэмд хар сүүдэр дагуулсан үйлдлийн төлөө та ч ямар нэгэн зөв үйлдэл хийж, дуу хоолойгоо өргөөрэй гэх санааг хүргэхийг зорьсон.

Ажлын байр, найз нөхөд, гэр бүлийн хүрээлэлд аль эсвэл сошиал гадуурхалт гэх мэт бидний мэддэг мөртлөө тэр бүр анзаардаггүй үйлдлүүд далд хэлбэрт хүчирхийлэл болж байсаар байна.

Эцэг, эхчүүд үр хүүхэдтэйгээ цуг суугаад үзэх боломжтой уран бүтээл. Хүчирхийллийн сэдэвтэй маш олон уран бүтээлүүд хийгддэг. Гэхдээ хүчирхийллийн хэлбэрийг хэтэрхий их тодотгосон байх нь бий. Энэ нь эргээд хүчирхийлэл үйлдэх сэдлийг өгч байж болзошгүй. Тиймээс “Нарны сүүдэр” уран бүтээлд хэн ч хохирох ёсгүй, харах өнцөг, хандлагаа өөрчилж чадвал хүчирхийллээс ангижирч болох юм гэх санааг үзэгчдэдээ өгөхийг хичээсэн. Үзэгчид маан мэргэн оюундаа тунгаана биз ээ” гэв.

“Үр хүүхэдтэйгээ ярилцдаг эцэг, эхчүүд олон байгаасай”

“Нарны сүүдэр” уран сайхны киноны гол дүрд тоглосон СТА, жүжигчин Н.Нарансолонго “Энэхүү уран бүтээлд тоглосон нь уран бүтээлч хүний хувьд хүчирхийллийн эсрэг дуугарч байна гэж үзэж байна. Өсвөр насны хоёр хүүхдийн ээжийн дүрийг бүтээсэн. Эцэг, эхчүүд хүүхдээ хайрлаж, хамгаалах нэрийдлээр хүчирхийллийн шинжтэй үйлдэл гаргаж байгаагаа мэддэггүй. Хүүхдээ хайрлаж аз жаргалтай байлгах гэж байна гээд хүсэл мөрөөдлийг нь хааж боох, үзэл бодлоо тулгах, өөрийнхөөрөө байлгах нь эргээд хүчирхийлэл болж хувирч байгаа юм.

Жендерт суурилсан хүчирхийлэл манай улсад ил, далд хэлбэрээр байсаар байна. Эр хүн, эмэгтэй гэх байдлаар багаас нь хүүхэддээ хандах гээд байдаг тал ажиглагддаг шүү дээ. Эр хүн учраас уйлж болохгүй ч гэдэг юм уу. Энэ мэт асуудалд эцэг, эхчүүд нэгийг бодож хоёрыг тунгаагаасай гэж бодож байна. Үр хүүхэдтэйгээ ярилцдаг эцэг, эхчүүд олон байгаасай. Хүүхдээ хайрлаж байна гэх нэрийдлээр хүчирхийлж болохгүй шүү гэдгийг хэлмээр байна” гэлээ.

“Ээжийнхээ үгнээс гардаггүй охин өөрийнхөө хүсэл мөрөөдлийн төлөө тэмүүлж буй дүрийг бүтээсэн”

         “Нарны сүүдэр” уран сайхны киноны гол дүрийн жүжигчин Ц.Цэлмэг “СУИС-д орсноос хойш анхны дүр бүтээсэн уран бүтээл маань. Өөрөө киногоо үзээгүй байгаа болохоор маш их догдолж байна. Зураг авалтын явцад хүндрэлтэй сценүүд их байсан. Гэхдээ даваад гарсандаа баяртай байна. Ээжийнхээ үгнээс гардаггүй, нууцаар өөрийнхөө хүсэл мөрөөдлийн төлөө зорьж буй охины дүрийг бүтээсэн” гэв.

“НҮБ-ын Хүн амын сан, Швейцарын хөгжлийн агентлаг “Нарны сүүдэр” УСК-г дэмжиж 100 хувь санхүүжүүлсэн”

 

Гэмт хэргээс урьдчилан сэргийлэх ажлыг зохицуулах ажлын албаны дарга Л.Нямгэрэл “Хүчирхийллийн асуудлыг сүүлийн үед ихээр хөндөх болсон. Гэхдээ энэ асуудал бол урьд хожид байгаагүй, өнөөдөр нийгэмд гэнэт гарч ирсэн асуудал биш. Хамгийн гол нь, мэддэг байсан ч тоодоггүй аль эсвэл түүний хажуугаар дуугүй өнгөрдөг байсан. Гэр бүлийн хүчирхийлэлтэй тэмцэх тухай хууль батлагдаж хэрэгжиж эхэлснээс хойшхи хугацаанд олон нийтийн мэдлэг ойлголтыг нэмэгдүүлэх, хүчирхийлэлд хандах хандлага, ойлголтыг өөрчлөх ажлуудыг төрийн болон ТББ-ууд хамтран шат дараатай хийсээр байна. Тийм ч учраас өнөөдрийн нөхцөлд иргэн бүр хүчирхийллийн талаар тодорхой мэдлэг, багахан ч гэсэн мэдээлэлтэй болсон харагддаг.

Жил бүр “Жендерт суурилсан хүчирхийлэлтэй тэмцэх” 16 хоногийн аяныг зохион байгуулдаг. Тэр дундаа ХЗДХЯ-ны гэмт хэргээс урьдчилан сэргийлэх ажлыг зохицуулах зөвлөл, НҮБ-ын хүн амын сантай хамтран хэрэгжүүлж байгаа төслийн хүрээнд олон нийтэд эрх зүйн мэдлэг ойлголт өгөх, хүчирхийллийн хор уршгийг таниулах зорилгоор нэг удаагийн шинжтэй аян арга хэмжээг олон удаа зохион байгуулсан. Энэ жилийн аяны хүрээнд байнгын шинжтэй контент хийх санаачилгыг гаргасан. Манай ажлын албанаас төсөл бичиж НҮБ-ын Хүн амын санд хүргүүлсэн. Энэ нь бүрэн хэмжээний уран сайхны кино хийх төсөл байсан юм. Төслөө амжилттай хамгаалсны дүнд НҮБ-ын Хүн амын сан, Швейцарын хөгжлийн агентлаг бидний саналыг дэмжиж энэхүү төслийг 100 хувь санхүүжүүлсэн. Төсөл маань амжилттай хэрэгжиж “Нарны сүүдэр” кино маань нээлтээ хийж байгаад баяртай байна” гэсэн юм.

“10 эмэгтэй тутмын 1 нь хүүхэд байхдаа бэлгийн хүчирхийлэлд өртсөн гэх судалгаа бий”

Хүчирхийллийн эсрэг үндэсний төвийн хамгаалах байр, сүлжээ төвийн зохицуулагч З.Ундрах “Статистик судалгаанаас үзэхэд гурван эмэгтэй тутмын нэг нь хүчирхийлэл дунд байдаг. Арван эмэгтэй тутмын нэг нь хүүхэд байхдаа бэлгийн хүчирхийлэлд өртсөн гэх судалгаа бий. Энэ бол гуравхан сая хүн амтай манай улсын хувьд хүчирхийлэл маш өндөр түвшинд байгааг харуулж байгаа юм. Хэн ч хүчирхийлэлд өртөх эрсдэлтэй. Хүчирхийлэл хүн бүхэнд хамаатай учраас үүнийг бага дээр нь зогсоох үүднээс “Нарны сүүдэр” уран бүтээлийг хийсэн. Хүчирхийллийг таслан зогсоох, түүнээс урьдчилан сэргийлэхэд хамгийн чухал зүйл нь хувь хүний хандлага. Жендерт суурилсан хүчирхийлэл гэдэг нь нийгэмд эрэгтэй, эмэгтэй хүний байр суурь, оноох хариуцлага, үйлдэлд харилцан адилгүй хандаж байгааг хэлж буй юм. Ямар ч хүнийг ХҮН гэдэг өнцгөөс л хандах ёстой. Хүнийг ялгаварлан гадуурхалтад өртөхгүй байх талаас нь хүн бүр хандлагаа өөрчлөх хэрэгтэй.

Хүүхдийг бага гээд юм мэдэхгүй, ойлгохгүй гэх хандлагаар хардаг. Гэтэл хүүхэд эхийн хэвлийд байх цагаасаа аливааг ойлгож, мэдэж, мэдэрч байдаг. Иймээс хүүхэдтэйгээ үргэлж ярилцаж, нээлттэй харилцдаг байх чухал. Мөн аливаа асуудлыг томрохоос нь хүүхэдтэйгээ ярилцаж, эерэг аргаар хэрхэн шийдвэрлэх вэ гэдэгт ойлголцох ёстой” хэмээв.

11
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

11 сэтгэгдэлСэтгэгдэл бичих

139.5.216.177Зочин   • 2 сарын 21. 16 цаг 51 минут

Suuliin ueiin kino uneheer uzeh umgui bolson Dan huchirhiilel, sadar samuun

202.126.93.206Зочин   • 2021, 12 сарын 20. 13 цаг 30 минут

Бас л Ларьдма шиг хогийн хошин шог байгаа биз

202.9.46.67Зочин   • 2021, 12 сарын 18. 15 цаг 49 минут

Эмэгтэйчүүд гэж үргэлж савны халуун нь хөдөлж байдаг галзуу авгай нар байх юм даа. Хүчирхийлүүлж байхдаа таарсан авгай нар.

192.82.64.216Зочин   • 2021, 12 сарын 17. 9 цаг 47 минут

хүчирхийллийн эсрэг гэхээр заавал хүчирхийллийн хэлбэрийг ихээр үзүүлэх албагүй, харин ч хүмүүст хандлагаа эерэг болговол энгийн амьдралд бидний энгийн гэж боддог асуудлаас хүүхдээ эрсдэлтэй зам руу түлхэж магадгүйг, эцэг эхчүүд хүүхдээ байгаагаар нь хүлээн зөвшөөрч дэмжих нь хайр болохоос "хайрлаж байгаа, өөрийнх нь төлөө амьдарч байгаа" нэрээр хүүхэддээ өөрийнхөө амьдралыг, үзэл бодлыг тулгадаг нь хайр бишээ гэдгийг бодогдуулах хөнгөн гэгээлэг гоё кино болсон байна, хүүхдүүдтэйгээ суугаад ТВ ээр үзсэн баярлалаа.

109.12.90.208Зочин   • 2021, 12 сарын 15. 2 цаг 29 минут

dandaa l nuguu hoshin shogiinhon yadargaatai yamarch uzeh sonirhol alga

109.12.90.208Зочин   • 2021, 12 сарын 15. 2 цаг 28 минут

shine engiin jujigdiig oruulay aa

192.82.72.191Киночин СТА   • 2021, 12 сарын 14. 18 цаг 00 минут

Хууль зүйн яамныхан кино продюсер хийдэг болсныг мэдлээ. Цаашдаа Соёлын яамыг татан буулгаад, ХЗДХЯ-ны авьяаслаг киночин залуусаар цагдаа, прокурор, шүүх, шоронгийн холбогдолтой олон сонирхолтой кино хийлгэх цаг айсуй. Гамлет, Отелло зэрэг криминал сонгодог жүжгүүдийг ч найруулах эрхийг тус яамны дарга нарт үүрэг болгосугай... гэжүү кк

59.153.84.139Шудрага.   • 2021, 12 сарын 13. 15 цаг 16 минут

Сайн кино нэг ч гарахгүй байна даа. Аллага , зодоон хүчирхийлэл ,хулгай, дээрэм,луйвар, шалиглал, янхандалтаас өөрөөөр сэтгэж кино хийж чадахгүй нь дэндүү эмгэнэлтэй. Киноны зохиолоо ч сайжруулмаар байна. Нэг хэвийн үйл явдлуудтай, тодорхой тод томруун тайлал өрнөл байхгүй. Бодит амьдралаас хэт хөндий хуурамч, зохиомол үйл явдалуудтай Ийм л кино нэртэй зүйлс байсаар урссаар. Жүжигчидээ ч сайжруулмаар. Нөгөө хэдэн жүжигчин бүх хүний танил, уйдаж залхахаар болчихсон болохоор тоглосон кино ч сонирхолгүй. Жүжиглэх ур чадвар нь ахихаа байсан.

139.5.219.201Зочин   • 2021, 12 сарын 12. 23 цаг 44 минут

миний сүнсний язгуур мөнхнаран ээжээ

202.9.46.67Зочин   • 2021, 12 сарын 12. 22 цаг 06 минут

Киноны нэр ч тэнэг киноны үйл явдал нь ч тэнэг. Ичмээр юм.

49.0.178.233шинэ   • 2021, 12 сарын 12. 10 цаг 14 минут

одоо ийм сайн сурталчигаатай олон олон кино хийж залуучуудаа гэгээрүүлье

Шинэ мэдээ

Төрийн өмчит компаниуд Төрийн хэмнэлтийн хуулийг ХЭРЭГЖҮҮЛ2 цаг 58 минутын өмнөХ.Баттулга АН-ыг авах гэж УЛАЙРЧ 100 мянган төгрөгийн төлбөртэй жагсаал зохион байгуулсан уу5 сар 19. 13:03Тордайн Ганболдын эхнэр Х.Янжингаажид: Би хулгайч болжээ. Чимээгүй байя гэхээр өөрөө өдөөд байх юм5 сар 17. 19:39Төрийн ордон руу "ПҮҮЗ"-тэй нэвтэрч хойд цэцэрлэг, Чингисийн хөшөөний өмнөх талбайг нээлттэй болгох чиглэл өглөө5 сар 17. 17:39“Хотулун гүнж“ Латин Америкт гарна5 сар 17. 13:14Багачууд хүүхдийн баяраа эгдүүтэй Жерри, үзэсгэлэнт Немо, “Эмоци“, “Мөрөөдлийн театр“-ынхантай өнгөрүүлэх боломжтой5 сар 17. 9:40Хүний аминд хүрсэн Эйч Кэ Би интернэшнл холдинг, Жан овогтыхонд хууль дүрэм үйлчилдэггүй5 сар 16. 16:26“Дом, шившлэгтэй” хэвлэлийн хурлууд үргэлжилсээр…5 сар 16. 16:16УИХ-ын дарга Г.Занданшатар МУБИС-ийн оюутнуудад d-parliament цахим системийг танилцууллаа5 сар 16. 14:30Ц.Содномдорж: Д.Баярмагнай прокурортой Сингапурт саатуулагдсан гэдэг ор үндэслэлгүй мэдээлэл5 сар 16. 11:02Прокурор асан Д.Баярмагнай: Сингапурт казино орсон нь ҮНЭН. Хулгай хийсэн нь үнэн юм бол тэд намайг хилээрээ гаргах уу5 сар 14. 10:58Газрын түрээсийн төлбөрийг Чойжин ламын сүм музей төлж, хувийн хэвшил орлогыг нь авдаг байсныг зогсоолоо5 сар 13. 21:08ЧУУЛГАН: Банкны тухай хуульд өөрчлөлт оруулах хуулийн төслийг анхны хэлэлцүүлэгт бэлтгүүлэхээр шилжүүлэв5 сар 12. 16:29Токиод “дархлагдсан” Элчин сайд Д.Батжаргалын бүрэн эрхийн хугацаа дуусчээ5 сар 12. 12:46БНСУ-ын Ерөнхийлөгч монгол иргэдийг визгүй зорчиход анхаарч ажиллахаа илэрхийлжээ5 сар 11. 19:08Эх, нярайд тусламж үзүүлэх үйлчилгээний чанарыг сайжруулах ажлын хэсгийг П.Анужин АХАЛНА5 сар 11. 13:26М.Батбаяр: Наадмын найруулагчид 19 хүний нэр яригдаж байгаа, баасан гарагт тодруулна5 сар 11. 13:25“Автомашингүй өдөр“ зам хаагуур хаах вэ5 сар 11. 13:24Лам “Сэржим өргүүлэх“ нэрийдлээр 15 настай охиныг дуудаж, хүчирхийлсэн байж болзошгүй хэрэг гарчээ5 сар 11. 12:40Ипотекийн зээлийн хүүг буруулах боломжийн талаар Засгийн газрын хуралдаанд танилцуулж байна5 сар 11. 12:37Ослын улмаас дөрвөн бяцхан үрс эцэг, эхээ алдаж, ТӨР оршуулгын зардал өгөхөөс ТАТГАЛЗЖЭЭ5 сар 11. 12:32Гар утас, машины дугаарт АЧ ХОЛБОГДОЛ өгдөг буруу хандлагаа “Үсэг булаацалдаж“ хүүхдүүддээ ӨВЛҮҮЛЖ болохгүй5 сар 11. 12:31Д.Амгалан: Төрийн банк эрх мэдэлтэй албан тушаалтай хүмүүсийн мөнгө угаах хэрэгсэл болсон байна5 сар 11. 12:31Ц.Элбэгдорж: Надад алдаж явсан үе бий, Гэхдээ “Пулемёт, онгоц, шалдан“ бол ХЭТРҮҮЛЭГ5 сар 11. 12:30ТЦА: ОХУ-ын Элчин сайд цагдаагаас зам асууж буй 4 жилийн өмнөх зургийг гаргаж буруу ташаа мэдээлэл түгээж байна5 сар 11. 12:29Ноён Бондгор хямд үнээр дүнзэн байшинтай болох боломжийг бүрдүүллээ5 сар 10. 18:04Ерөнхий сайд Л.Оюун-Эрдэнэ бэр эгч Ч.Ундралаа дарга болгожээ5 сар 10. 13:52В.Путин 10 гаруй улсад мэндчилгээ дэвшүүлэхдээ Монгол улсад мэндчилгээ дэвшүүлсэнгүй5 сар 9. 13:39Эрт илрүүлэг, үзлэг шинжилгээнд хамрагдсан 0-17 насны хүүхдүүдээс хавдрын сэжигтэй тохиолдол гурав илэрчээ5 сар 9. 11:54Х.Нямбаатар: Цахим мөрийтэй тоглоомд жилд ойролцоогоор 100 гаруй тэрбум төгрөгийг гадагшаа алдаж байна5 сар 5. 13:41
© 2008 - 2022 он. Зохиогчийн эрх хуулиар хамгаалагдсан.