Монгол Улсын Ерөнхийлөгч У.Хүрэлсүх өнөөдөр Монгол Улсын Ерөнхий сайд Л.Оюун-Эрдэнэ тэргүүтэй Засгийн газрын зарим гишүүдийг хүлээн авч уулзлаа.
Уулзалтын үеэр цар тахлын өнөөгийн нөхцөл байдал, түүний улс орны нийгэм, эдийн засагт үзүүлж буй сөрөг үр дагавар, ялангуяа инфляцаас үүдсэн үнийн өсөлттэй холбогдуулан яаралтай авч хэрэгжүүлэх арга хэмжээний талаар ярилцав.
Монгол Улсын Ерөнхийлөгч У.Хүрэлсүх инфляцын түвшин нэмэгдэж, 2021 онд улсын хэмжээнд 13.4 хувьд хүрсэн нь бага, дунд орлоготой иргэдийн амьжиргааг хамгаалах шаардлагыг зүй ёсоор бий болгож байгааг онцоллоо.
Иймд нийгмийн зорилтот бүлгүүд, тухайлбал ахмад настан, хөгжлийн бэрхшээлтэй иргэд, өрх толгойлсон эцэг, эхчүүд болон бусад халамж нэн шаардлагатай иргэдийн тэтгэвэр, тэтгэмжийг нэмэгдүүлэхэд чиглэсэн тодорхой шийдлийг яаралтай боловсруулж, хэрэгжүүлэн ажиллахыг Монгол Улсын Засгийн газарт чиглэл болголоо.
Мөн инфляцын дарамтыг бууруулахын тулд хилийн нэвтрэн өнгөрүүлэх чадавхыг сайжруулах, импортын барааны үнийн өсөлтөөс сэргийлэх, шатахууны үнийг тогтворжуулах, үнийн зохиомол хөөрөгдөлд хяналт тавих зэрэгт онцгой анхаарал хандуулж ажиллахыг Ерөнхий сайдад зөвлөлөө.
Монгол Улсын Ерөнхий сайд Л.Оюун-Эрдэнэ Монгол Улсын Ерөнхийлөгчөөс хуулийн хүрээнд өгсөн дээрх чиглэлийг яаралтай судлан үзэж, шийдвэрлэнэ гэдгээ хэлэв. Мөн Засгийн газраас дэвшүүлсэн “Шинэ сэргэлтийн бодлого”-ын хүрээнд эдийн засгийн эрчимтэй өсөлтийг дэмжихэд онцгой анхаарал хандуулан ажиллаж байгаа гэлээ.
Мөн Оюу толгой төслийн гүний уурхайн үйлдвэрлэлийн бүтээн байгуулалт өчигдөр эхэлсэн талаар танилцуулж, төслийн хэлэлцээр цаашид байгаль орчны нөхөн сэргээлтийг сайжруулах, зэсийн үйлдвэр байгуулах, говийн бүсэд усны нөөцийг нэмэгдүүлэх чиглэлээр үргэлжилнэ гэдгийг хэлэв.
Монгол Улсын Ерөнхийлөгч У.Хүрэлсүх Оюу толгой төслийн хэлэлцээрт гарсан үр дүн нь монгол хүн баялагтаа эзэн байх зорилтыг биелүүлэхэд чухал алхам болж буйг тэмдэглэж, Монгол Улсын Их Хурал, Монгол Улсын Засгийн газар, хэлэлцээрт хүчин чармайлт гарган оролцсон талуудад баяр хүргэв. Цаашид Оюу толгой төслийн Монгол Улсад өгөх үр өгөөжийг нэмэгдүүлэх, улам боловсронгуй болгох чиглэлд санаачилгатай ажиллахыг хүслээ.
Мөн Монгол, Орос, Хятадын эдийн засгийн коридорын чухал бүтээн байгуулалт болох Монгол Улсын нутаг дэвсгэрээр дамжуулан хийн хоолой барьж байгуулах төслийн техник, эдийн засгийн үндэслэлийг баталсныг сайшаав.
Уулзалтын төгсгөлд Монгол Улсын Ерөнхийлөгч У.Хүрэлсүх цар тахлаас үүдэн улс оронд үүссэн нөхцөл байдалд дүгнэлт хийж, бодлогын реформ хийх, ялангуяа, үндэсний аюулгүй байдлын чухал бүрэлдэхүүн хэсэг болох хүнсний аюулгүй байдлыг дотоодоосоо найдвартай хангах, үйлдвэрлэгч орон болох зорилтуудыг хэрэгжүүлэхэд онцгой анхаарал хандуулан ажиллах нь чухал болоод буйг тэмдэглэв.
Уулзалтад Монгол Улсын Ерөнхийлөгчийн Тамгын газрын дарга Я.Содбаатар, Монгол Улсын Их Хурлын гишүүн, Засгийн газрын гишүүн, Сангийн сайд Б.Жавхлан, Монгол Улсын Засгийн газрын гишүүн, Хөдөлмөр, нийгмийн хамгааллын сайд А.Ариунзаяа нар оролцлоо.
Халдвараа хумиж чадаагүй Эрүүл мэндийн сайд Т.Мөнхсайхан, ТНБД Я.Амаржаргал нар халаа сэлгээ хийж, цар тахлын үед олон хүнийг ажилгүй болгож байна
Ерөнхийлөгч Х.Баттулга, Ерөнхий сайд У.Хүрэлсүх нар өнөөдрөөс тусгаарлагдана
Өөрөөсөө урвасан Н.Энхбаярын "БУЯНААР" Ардчиллын ТАВАН ЗАСГИЙН ГАЗАР огцорч байв
Ерөнхийлөгч У.Хүрэлсүх зарлиг гаргажээ
Ерөнхийлөгч У.Хүрэлсүх: Архи эрчүүд биднийг ууж байна
“Илгээлт-2100” хөтөлбөрийн хүрээнд 428 хүүхдэд захиа, даалгавар гардуулжээ
Ерөнхийлөгч У.Хүрэлсүх өнөөдөр төрийн дээд цол, одон медаль гардуулна
Ерөнхийлөгч У.Хүрэлсүх: Хариуцлага алдсан сайд, дэд сайд, ТНБД-ыг чөлөөлөх нь Ерөнхий сайдын бүрэн эрх
35 сэтгэгдэлСэтгэгдэл бичих
НДШ нөхөж төлөөд тэтгэвэр авдагыг болимоор зүгээр сууж байгаад нөхөн төлбөр хийгээд насаараа ажилласан хүнээс илүү тэтгэвэр авдагыг зогсоомоор
2017 оноос өмнө тэтгэвэрт гарсан хүмүүсийхийг нэмэх хэрэгтэй. Үүнээс хойш тэтгэвэр тогтоолгосон хүмүүс 5 жилийнхээ хувиар хэт өндөр авч байгаа.
ахорг
20 000 нэмчээд нэмлээ гэж шоудав да
ок
ерөнхийлөгч ахмадуудын тэтгэвэрийг, мөн асаргааны тэтгэмж энэ тэрийг цагаан сараас өмнө нэмж өг гээд ес, нийгмийн хамгааллын сайд, сангийн сайдад үүрэг болгоод тв-ээр гарч байсан ш дэ
хүний тавьсан өрийг төр төлнө гэж юу байхав, тэгээд ч зээл аваагүй нь хохироод ганц сая аваад өнгөрөө биз дээ тэгж болохгүй байх, үүний оронд ижил тэгш сайн нэмээд өгчвөл шударга байх, асаргааны тэтгэвэрийг 150 болгоод өгчих хэрэгтэй дэ
АХМАДУУДЫН ТЭТГЭВЭРИЙГ НЬ ОВООХОН НЭМЭЭД ӨГЧИХ ХЭРЭГТЭЙ ШҮҮ ДЭ
Оюу толгойн ашигийн 50 хувиа авхад л асар их мөнгөтэй болноо . Эрдэнэт үйлдвэрээс жил бүр 500 тэрбум дутаадаг байсан нөхөдүүдээс мөнгөө авья . Ундармаагаас 340 тэрбум аа авья аа . 30 лицензтэй 30 гэр бүлээс 900 лиценз ээ хурааж авья аа . Боломж нь байгаа бүүр амар их байнаа.
Utgagui halmjaa zogsooh heregtei Zeel teglene gej demiirdegee bolio Orond ni tetgever nem Hun bur daatgal tulsun huviaraa l avdag Yalgavarlah hereggui
Тайван цагт энэ цэрэг цагдаа хуулийнханы орон тоог хасаачээ цөөлөөч улсын мөнгө зүгээр идсэн юмнууд тэгээд 45 тай хар залуугаараа маш өндөр тэтгэвэр тогтоолгодог ийм тэнэг улс Монголоос өөр хаана ч байхгүй.юу хийсэн бүтээсэн гэж дайнд яваад байгаа юмуу.яг жинэхэнэ хөлс хүчээ шавхсангууд нь хохь нь болоод бна
ТЭГВЭЛ ЦЭРЭГ ЦАГДААД ОРООД АЖИЛААЧ ЧАДАХГҮЙ БОЛ ДУУГАЙ БАЙ АЖЛЫН АЧААЛАЛ ДААХГҮЙ, ҮГ ДААХГҮЙ, ХООЛ ИДЭЭД ШИНГЭЭЖ ЧАДАХГҮЙ БАЙЖ
Наадахаас илүү хүнд хэцүү юм үзсээн
Тэтгэврийн зээлийг тэглээд өг өмнөх ерөнхийЛӨГЧИД ТЭГЛЭЖ Л БАЙСАН одоо энэ тэргүүн чадах боловуу харцгааж байхаас,мөн уэрэг цагдааг эрт тэтгэвэрт гарагадагийг болиулах хэрэгтэй эд юу хиймэн гэж ингэдэг юм барилга бүтээн байгуулалтад татан оролцуулж ажиллаа
Тэглээд өг ч гэх шиг. Тэтгэврийн зээл авсан нь хожоод ,зээл аваагүй нь хохироод байх нь шударга биш бна.
Тэтгэврйин зээлийг төрөөс тэглэх нь маш шуурхай шүү
БИТГИЙ ХУЦ ТА НАРЫН ХУВЬДАА АВЧ ХЭРЭГЛЭСЭН МӨНГИЙГ ТӨР ТЭГЛЭХ АЛБАТАЙ ЮМУУ ХАРИН НЭМЭХ ЮМ БОЛ ЗҮЙ ЗОХИСТОЙ ХЭРЭГЛЭ МЭДҮҮ
Тэтгэвэр тэтгэмжийг нэмнэ гэсний оронд олон жил улс орныхоо төлөө хүч чадлаа зориулсан ахмадуудынхаа 1970 -1990 онд авч бйасан цалингаас тэтгэвэрийг доошлуулж бодсон итгэлцүүр коэфициентоо өргөн хэрэглээний барааны үнийн өсөлт Монгол төгрөгийн худалдан авах чадварын бууралт, гадаад валютын ханштай харьцуулсан байдал инфляцийн түвшин зэрэгтэй уялдуулан өөрчилж тэтгэврийн зөрүүгээ арилгахад анхаарах хэрэгтэй байна. Тэтгэврийг хавтгайруулан нэмэх нь маш буруу шүү. Насаараа хөдөлмөрлөж нйигмийн даатгалаа төлсөн ахмадуудын зүтгэлийг үнэгүйдүүлэх нь
Цар тахал омикроны энэ хүнд үед өргөн хэрэглээний барааны үнэ маш их нэмэгдсэнээр ахмаадууд бид чинь тэтгэврийн зээл авахаас өөр аргагүй болсныг ойлгоод Тэтгэврийн зээлийг чөлөөлжөх эсвэл хтөрөөс тэглэх арга хэмжээ авах хэргтэй байна шүү Ерөнхийлөгчөө
Цэрэг цагдаагийхний орон тоо ч замаа алдсан юм билэ
Энэ цэрэг цагдааг 45 хан насанд нь өндөр тэтгэвэр тогтоодог буруу ш тэй.Тайван цагт эд нар юу хийж гийгүүлсэн.Арай дэндүү юмаа татвар төлөгчдийн мөнгөөр хувцаслана хооллоно
ТЭР МУУЛААД БАЙГАА ЦЭРЭГ ЦАГДАА НАР ЧИНЬ ТА НАРААС ИХ ТАТВАР ТӨЛДӨГ ТЭР ТАТВАР ТӨЛСӨН МӨНГӨӨР НЬ ТА Ч БАС ЦАЛИН ХӨЛСӨӨ БУСАД ЗҮЙЛЭЭ АВЧ БАЙНА
ЦАГААН САРЫН ӨМНӨ АХМАДУУДЫНХАА ТЭТГЭВРЙИГ НЭМНЭ ГЭДЭГ ХУДЛАА БОЛНО ДОО. ТҮҮНИЙ ОРОНД БАТТУЛГА ЕРӨНХИЙЛӨГЧИЙН САНААЧИЛСАН ШИГ АХМАДУУДЫНХАА ТЭТГЭВРИЙН ЗЭЭЛИЙГ ЧӨЛӨӨЛНӨ ГЭВЭЛ БОГИНО ХУГАЦААНД ШИЙДЭГДЭХ ЮМ ШИГ САНАГДААД БАЙНА. ХАВРЫН ЧУУЛГАН ЭХЛЭНГҮҮТ ТӨСВИЙН ТОДОТГОЛОО ХИЙГЭЭД САЙН СУДЛАЖ ҮЗСЭНИЙ ҮНДСЭН ДЭЭР ТЭТГЭВЭР ТЭТГЭМЖЭЭ НЭМЭХ АСУУДЛАА НУХАЦТАЙ ШИЙДЭХ НЬ ЗӨВ БАЙХ ШҮҮ
ОХУ-ын Ерөнхийлөгч сарын 34 сая төгрөгний цалинтай байхад монголын эдийн засагчид ба инженерүүдийн тэтгэвэр хэт багаар тогтоогдсон. Сүүлд тэтгэвэрт гарсан цэрэг 10 жилийн өмнө тэтгэвэрт гарсан генералаас илүү авч байна.
ЭРГҮҮ МИНЬ ЦЭРЭГ ТЭТГЭВЭРТ ГАРДАГГҮЙ ЮМ
Цэргийн байгууллагад ажилласан хүнийг хэлж байна.
УХНА дуракаа, Засгийн газрын ажилд битгий оролц.
Халамжийн орон болж дууслаа. Хэдэн төгрөгийн шимтгэл төлнө тэрэндээ таарсан ТЭТГЭВЭР авах хэрэгтэй. Одоо НДШ төлөх сонирхолтой залуус бүх байхгүй болж байна. Төлөхгүй байж байгаад хувь тэнцүүлсэн тэтгэвэр авна тэр нь ашигтай гээд байгаа нь аргагүй юм. Монгол ажил хийсэн нь хохирч ажилгүй байгаа нь бие амар зүгээр суугаад ХАЛАМЖ ТЭТГЭВЭРТэй болдог болж. Өндөр цалинтай хүмүүс ямар их хүч хөдөлмөр золиос хариуцлага үүрч байдгийг ХАР МАСС ойлгох ч үгүй. Аргагүй ТӨР барьж байгаа хүмүүс нь хулгай хийж баяжсан болохоор тэрэн шигээ боддог байх.
ТЭТГЭВЭР БОДСОН ИТГЭЛЦҮҮРЭЭ ӨӨРЧЛӨН ТЭТГЭВРИЙН ЗӨРҮҮГ АРИЛГАХ НЬ ХАМГИЙН ЗӨВ БАЙХ ШҮҮ.1986 ОНД АВЧ БЙАСАН 700 ТӨГРӨГЙИГ ОДООНЫ 800000 ТӨГРӨТЭЙ ТЭНЦҮҮЛЭХЭЭР БОДОХ ХЭРЭГТЭЙ БАЙНА
500000-ААС ДООШ ТЭТГЭВЭРТЭЙ АХМАДУУДЫНХАА ТЭТГЭВРИЙГ ДООД ТАЛ НЬ 240000 ТӨГРӨГӨӨР НЭМХ ХЭРЭГТЭЙ. ДЭЭШ ТЭТГЭВЭРТЭЙ АХМАДУУДАА БАГААР НЭМЖ БОЛОХ ЮМ
Хар толгойгоо л бодсон жинхэнэ монгол хүн байна даа гэхээс өөр юу гэхэв. Улсхд илүү олон жил, өндөр цалинтай,хэцүү ажил,жишээлбэл уурхайчин гэдэг юмуу эсвэл сайн мэс засалч байсан хүн одоо тэгээд хялбар эсвэл бага цалинтай ажилхийж байсан хүнтэй адилхан тэтгэвэр авах болж байна уу? Шударга ёс гэдэг юм чинь ажил хийсэн, хийгээгүй хүмүүс адил тэтвэр авахыг хэлж байгаа биш байхаа. Хүн чадлаараа хийснээрээ цалин авдгийн адил нийгмийн даатгал төлсөн хэмжээгээрээ тэтгэвэр авахыг хэлж байгаа байхаа.
хэдэн төгрөгийн нийгмийн даатгал төлсөн түүндээ тохирсон тэтгэвэр авч байгаа, харин имфляцийн зөрүү бол бүх тэтгэвэр тэтгэмжид ижил үйлчлэх учиртай. зөрүү гэдэг ойлголт харьцангуй цөөхөн хэсэгт хамаарах асуудал тухайлбал зах зээлийн нийгэмд шилжих үе шатанд хамаарна. үүнийг ялгаж салгаж ойлгох нь чухал. бага шимтгэл төлөөд их тэтгэвэр тэтгэмж авна гэж байхгүй юм. төлсөн шимтгэлдээ тохирсон тэтгэвэр тэтгэмж авч байгаа шүү.
Гол нь төр ахмадын хуулиа хэрэгжүүлээд тэтгэвэрээ жил бүр индексжүүлээд явсан бол ингэж их зөрүү гарахгүй байсан. Мөнгөгүй гэсээр байгаад өдий хүрлээ. Луйварчдад идүүлэх болохоор их мөнгө гаргах юм.Шудрага бус ажилласнаас ийм байдалд хүрлээ. 30 жил хонгилын үзүүрт гэрэл гарна гэж ахмадууд хүлээсээр хорвоогийн мөнх бусыг үзүүлсээр байна. Тэдэнд хүлээх хугацаа байхгүй. Тэтгэвэрийн зөрүүг тооцоод өгчих хэрэгтэй. Нэмнэ барина гэсэн хуурамч арга өөрсдийг нь зовооно. Хуулиа дагачих.
20,о мянган төгрөг ч бас мөнгө шүү дээ. Чамлахаар чанга барь гэсэн үг бий.
ХОРИН МЯНГАН ЦААС НЭМЧЭЭД БӨӨН ШОУ ХИЙХ НЬ ДЭЭ.