2022 оны 2-р сарын 10
18 цаг 14 минут

Хөгжлийн банк хуйвалдааны банк болсон гэдгийг жилийн өмнө сануулж байжээ

     Хөгжлийн банкнаас хэдэн тэрбумаар нь зээл аваад, эргүүлж төлөөгүй эрхмүүдийн шуугиан нийгмийг нөмөрч байна. Иргэд ч үүнд дургүйцэж байгаагаа ил далд илэрхийлж эхэллээ. Арга ч үгүй биз. “Банкнаас зээл авахын тулд хэзээ ч зээл авахааргүй хөрөнгөтэй гэдгээ батлах ёстой” гэх бас  дам яриа ч иргэдийн  дунд гарах болжээ.

Жирийн иргэний хувьд Банкнаас зээл авахын тулд байгаа бүх хөрөнгөө барьцаалан байж түүнийхээ талд ч хүрэхгүй зээлийг бараг “ломбард” буюу барьцаалан зээлдүүлэх төвийн ханшаар хүүг нь тооцуулан авч сар бүр эргүүлэн төлдөг.

Зээлдэгч иргэн сар бүр зээлийн эргэн төлөлтөө нэг хоног ч хоцроохгүй төлөх хүндхэн “даалгаврыг” биелүүлэх гэж цаг хугацаатай уралдан борив бохисхийлгүй ажиллана.  Учир нь банкны эргэн төлөлтөө нэг хоног, нэг сараар л хоцроовол байдаг бүх эд хөрөнгөө “тавиад туухдаа” тулна.

Өөрөөр хэлбэл, орон байраа барьцаалсан бол зээлээ төлж чадахгүйд хүрвэл эхнэр хүүхдээ дагуулаад гудамжинд, малаа барьцаалсан малчин нь хотоо харлуулан голоо зогоох зүйлгүй үлдэнэ гэсэн үг.

Түүгээр ч зогсохгүй банк найдваргүй зээлдэгчээр цоллуулан, монгол банкны мэдээлэлд нэрээ бичүүлж, дахин зээл авч чадахгүйд хүрч, гэмт хэрэг үйлдсэн шиг бусдад гадруурхагдахдаа тулна.

Гэтэл энэхүү чанга хатуу хууль зөвхөн энгийн иргэдэд, мөрөөрөө амьдарч яваа хүмүүст л хүчтэй үйлчилдэг болохоос эрх мэдэлтэн, улс төрчид, тэдний хүрээнийхэнд үйлчилдэггүй болохыг Хөгжлийн банкны дуулиан олон нийтэд ил болголоо.

Уг нь жилийн өмнө буюу 2021 оны нэгдүгээр сард УИХ-ын Хууль зүйн байнгын хорооны хуралдаан дээр УИХ-ын гишүүн, Монгол Улсын Шадар сайд С.Амарсайхан Хөгжлийн банкийг хуйвалдааны банк болсон талаар сануулж  хэлж байж.

Тодруулбал, тэрбээр 2021.01.28-ны өдрийн Хууль зүйн байнгын хорооны хуралдааны үеэр төрийн өмчийг үнэгүй авчихдаг, төрөөс барьцаагүй, хүүгүй зээл аваад төлдөггүй, хаа сайгүй төрийн өмчид гараа дүрдэг луйврыг цэгцлэх цаг болсныг анхааруулсан байдаг.

С.Амарсайхан хэлсэн үгэндээ  “Эрдэнэтийн 49 хувийн асуудал шүүхээр шийдэгдэж эцэслэгдсэн. Гэтэл Эрдэнэтийн охин компани болох Медипас компани 49 сая ам.доллараар  /өнөөдрийн ханшаар бол 140 орчим тэрбум төгрөг/ 300 ортой эмнэлэг барьсан. Францийн тоног төхөөрөмжөөр тоноглогдсон энэ эмнэлэгийг менежментийн хувьчлал нэрээр, 50 айлын орон сууцны хамтаар үнэгүй авчихсан. Мөн 2 тэрбум төгрөгийг Эрдэнэт үйлдвэрээс жил бүр авдаг. Буцаагаад 1.5 тэрбумыг нь Эрдэнэт үйлдвэрт төлбөр хэлбэрээр төлдөг.

Хөтөлийн цемент шохойн үйлдвэр байна. 1.3 тэрбум төгрөгөөр хувьчилж авсан. Одоо тийм үнэтэй таун хаус ч орон нутаг, нийслэлд байхгүй. Улсын аж үйлдвэрийн ууган голомтуудын нэг тус үйлдвэрийг 1.3 тэрбум төгрөгөөр авчихаад 60 сая ам.долларын  /300 орчим тэрбум төгрөг/ зээлийг Хөгжлийн банкнаас авсан. Тэрийгээ төлдөггүй. Дээр нь татвар, нийгмийн даатгалын 20-аад тэрбум төгрөгийн өртэй. Мөн Дарханы төмөрлөгийн үйлдвэр байна..., Хөгжлийн банк Хувайлдааны банк болчихсон. Өгсөн зээлийнхээ араас явдаггүй, Үүнийг хууль хяналтын байгууллага, төрийн өмчийн хороо анхааралдаа авч ажиллах ёстой”  хэмээн нэлээд жинтэйхэн хэлж, сануулж анхааруулж байжээ. Гэвч хэн ч ойшоогоогүйн балгаас төрийн өмчид гар дүрэгсдийн хууль бус луйвар дахин бүтэн жил дарагдаж, улсад учирч буй хохирол тэр хэрээр  улам л нэмэгдсэн байна.

Түүний хэлсэн үгнээс хойш бүтэн жил гаруй хугацаа өнгөрсөн ч хууль хяналтын байгууллага, Хөгжлийн банк аль нь ч таг чимээгүй  байснаа  гэнэтхэн хэдхэн хоногийн өмнөөс хугацаа нь хэтэрсэн 26 зээлдэгчийг нийтэд зарлав.

2016, 2017 оноос хойш зээлээ төлөөгүй аж ахуйн нэгжийн толгойг илж 4-5 жил явсан нь “хэргийн эзэн хэнгэргийн дохиур” болох чанаргүй зээлдэгчдийн ард улстөрчдийн нөмөр нөөлөг байснаас л тэр. Эс бөгөөс жирийн иргэн байсан бол дээр хэлсэнчлэн аль  хэдийнэ хамаг эд хөрөнгөө хураалгаж, шоронгийн хаалга татахдаа тулсан байх нь дамжиггүй.

Монгол Улсын хөгжил цэцэглэлтийн уурхай, эх үндэс болох хөрөнгө оруулалтыг хэрэгжүүлэх зорилготой  Хөгжлийн банк ийнхүү хэлж ярьж сануулсаар байтал улстөрчдийн утсан хүүхэлдэй, мөнгө угаах хэрэгсэл болжээ.

Цаашдаа хууль эрх мэдэлтэн, энгийн иргэнд хэрхэн үйлчилдэгийг Хөгжлийн банкны үйл хэргээс харах л үлдлээ.

1
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1 сэтгэгдэлСэтгэгдэл бичих

103.57.95.132Зочин   • 2 сарын 10. 22 цаг 36 минут

Huuli shvvh tsagdaa nartaigaa bvgd vgsen huibaldsan bna daa bvgdiin ner ustain il bolgoh yumsan neg zeeldegchiin hen gegch shvvgch hen gegch porkor hen gegch murdugch bgaa bol bas neg neg hurungulug hutandaanuud hamgaalj bsan baih endees l bvh yum ehlej zerldegch baynii dvrd togloj ehelsen baih vgdiin il bolgooroi. Setggvlch naraa

Шинэ мэдээ

"Этүгэн" их сургууль 2022 оны шилдэг элсэгчдэд 100% тэтгэлэг олгоно7 сар 2. 16:20Дарханы замын шалгалт эцэстээ Б.Энх-Амгалан руу чиглэнэ7 сар 1. 15:04Шатахууны үнэ наадмын өмнө 300-600 төгрөгөөр нэмэгдэхээр болжээ6 сар 30. 10:47Л.Оюун-Эрдэнэ: Сонгууль тойрсон чөтгөрийн тойргоосоо гарцгаая6 сар 30. 10:20Ерөнхий сайдаа, танай намын залуус төрийн албаныхантай хамт дээрэм хийж байна6 сар 29. 10:05Замын түгжрэлийг бууруулах ажлын бүтээн байгуулалтын ажлыг 20 жилийн хугацаатайгаар улсын нууцад оруулсан гэв үү?6 сар 27. 12:44ЦУВРАЛ: Амар амгалан, үнэ цэн, нүд булаам бүхнийг мэдрүүлэх Жонжү хотын аялал6 сар 27. 11:24Д.Ганбат: “Мөнхийн үсэг” групп Монгол хүний үнэт зүйлийг түгээн дэлгэрүүлж, сурталчлан таниулахыг зорьдог6 сар 26. 15:39Улсын дээд шүүхийн шүүгчид нэр дэвшигчтэй хийх нэр дэвшигчийн сонсгол зохион байгуулагдана6 сар 21. 13:10Хүний эрх, эрх чөлөөг хангахтай холбоотой хяналтын сонсгол 06 дугаар сарын 27-нд болно6 сар 21. 13:09ЦУВРАЛ: BTS хамтлагтай “цуг” үлгэрийн мэт байгальд зорчсон нь6 сар 20. 11:31“Хайр“-ын МАРШРУТТАЙ Сөүл дэх аялал6 сар 15. 17:04УЕПГ-аас БНСУ-д амиа алдсан залуугийн хэрэгт хамтран ажиллах хүсэлтийг БНСУ-ын Дээд прокурорын газарт хүргүүлжээ6 сар 14. 13:22“Кино урлагийн салбарынхан дэлхийн хэмжээний наадамд Соёлын яамны дэмжлэгтэйгээр оролцоно“6 сар 13. 11:08Монголын тал “Нэг Хятад”-ын бодлогыг дэмжинэ6 сар 13. 10:49Дарханчууд 0,7 га газраа авах уу? "Газрын наймаачин" С.Насанбатад алдах уу?6 сар 13. 8:32ГЕГ-ын эрх бүхий албан тушаалтнуудын орон байранд НЭГЖЛЭГ ХИЙЖ, их хэмжээний бэлэн мөнгө, ГАДААД ВАЛЮТЫГ хураан авчээ6 сар 10. 11:50Д.Мөнхбаатар: СБД-ийн Засаг Дарга Х.Болормаа үнэнийг ил болгосон багш нарыг хавчиж, шахаж эхэлсэн6 сар 10. 11:49Ж.Мөнхбат, Д.Тогтохсүрэн, Д.Амарбаясгалан нарын боловсруулсан ҮХНӨ-ийг хийх ТӨЛӨВЛӨГӨӨГ Ардын намынхан гишүүддээ ч үзүүлэхгүй НУУЦАЛЖ байна6 сар 10. 11:47Төрийн өмчит компанийг 2 жил дараалан алдагдалтай ажиллуулсан ТУЗ, захирлыг чөлөөлж, дахин төрийн өмчит ААН-үүдэд удирдлагаар томилохгүй6 сар 10. 11:45Х.Баттулга У.Хүрэлсүхийг дэмжиж байна6 сар 7. 12:15Дефолт - Аюул6 сар 6. 23:30Ноён бондгор, хөтлөгч М.Батбилэг нар сайхан амьдрахыг хичээн зүтгэж байгаа 7 хүүхэдтэй өнөр өтгөн гэр бүлд тус болжээ6 сар 3. 18:04Ж.Норовсамбуу агсныг сүүлчин замд нь үдлээ5 сар 23. 15:39Төрийн өмчит компаниуд Төрийн хэмнэлтийн хуулийг ХЭРЭГЖҮҮЛ5 сар 20. 12:05Х.Баттулга АН-ыг авах гэж УЛАЙРЧ 100 мянган төгрөгийн төлбөртэй жагсаал зохион байгуулсан уу5 сар 19. 13:03Тордайн Ганболдын эхнэр Х.Янжингаажид: Би хулгайч болжээ. Чимээгүй байя гэхээр өөрөө өдөөд байх юм5 сар 17. 19:39Төрийн ордон руу "ПҮҮЗ"-тэй нэвтэрч хойд цэцэрлэг, Чингисийн хөшөөний өмнөх талбайг нээлттэй болгох чиглэл өглөө5 сар 17. 17:39“Хотулун гүнж“ Латин Америкт гарна5 сар 17. 13:14Багачууд хүүхдийн баяраа эгдүүтэй Жерри, үзэсгэлэнт Немо, “Эмоци“, “Мөрөөдлийн театр“-ынхантай өнгөрүүлэх боломжтой5 сар 17. 9:40
© 2008 - 2022 он. Зохиогчийн эрх хуулиар хамгаалагдсан.