2022 оны 4-р сарын 13
14 цаг 35 минут

УИХ-ын Тамгын газрын тайлбар, мэдэгдэл

     “Улсын Их Хурлын Тамгын газар 99 саяар принтер худалдан авчээ” гэсэн мэдээлэлтэй холбогдуулан Улсын Их Хурлын Тамгын газраас дараах тайлбар, мэдэгдлийг гаргаж байна. 

ТАЙЛБАР, МЭДЭГДЭЛ 

“Улсын Их Хурлын Тамгын газар 99 саяар принтер худалдан авчээ” гэсэн мэдээлэл зарим хэвлэл мэдээллийн хэрэгсэл, нийгмийн сүлжээнд гарсан байна.

Улсын Их Хурлын Тамгын газрын дэргэдэх Хэвлэх, олшруулах цех нь чуулганы нэгдсэн болон Байнгын, дэд, түр хороо, ажлын хэсгийн хуралдаанаар хэлэлцэх асуудалтай холбоотой болон бусад шаардлагатай материалыг хэвлэн олшруулах, хэвлэлийн эх бэлтгэх чиг үүрэгтэй ажилладаг. Тус цехийн өөр нэг чухал үүрэг нь хууль, тогтоомжийн албан ёсны эмхэтгэл “Төрийн мэдээлэл”-ийг 7 хоног бүр хэвлэн гаргахад чиглэдэг.

Монгол Улсын Үндсэн хуулийн 26 дугаар зүйлийн 3-т “Монгол Улсын хуулийг Улсын Их Хурал албан ёсоор нийтлэх бөгөөд хэрэв хуульд өөрөөр заагаагүй бол ийнхүү нийтэлснээс хойш арав хоногийн дараа хүчин төгөлдөр болно” гэж заасан. Мөн Монгол Улсын Их Хурлын тухай хуулийн 5 дугаар зүйлийн 2-т “Улсын Их Хурал хууль, Улсын Их Хурлын бусад шийдвэрийг цахимаар болон "Төрийн мэдээлэл" эмхэтгэлд албан ёсоор бүрэн эхээр нь нийтэлнэ”, мөн зүйлийн 3-т “Улсын Их Хурлын тухайн шийдвэрт өөрөөр заагаагүй бол уг шийдвэр "Төрийн мэдээлэл" эмхэтгэлд албан ёсоор нийтлэгдсэнээс хойш 10 хоногийн дараа хүчин төгөлдөр болно” хэмээн заасан байдаг. Хуулиар хүлээсэн энэ үүргийнхээ хүрээнд Тамгын газар нь 7 хоног бүр “Төрийн мэдээлэл”-ийг 2000 орчим хувиар цаасаар хэвлэж, цахимд шилжүүлэн, захиалагч хэрэглэгчдэдээ түгээдэг.

Эмхэтгэлийг хэвлэдэг хэвлэх машины ашиглалтын хугацаа дуусаж, цаашид ашиглах боломжгүй болсонтой холбогдуулан Улсын Их Хурлын Тамгын газраас холбогдох хууль, журмын дагуу хар, цагаан дижитал машин худалдан авсан. Энэ нь мэдээлэлд дурдсан шиг “принтер” биш, хэвлэх, хувилах, скайнердах олон үйлдэлтэй хэвлэлийн машин юм.

Тамгын газраас “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай” хуулийн дагуу уг хэвлэлийн машиныг нийлүүлэгчийг нээлттэй сонгон шалгаруулах зарыг Төрийн худалдан авах ажиллагааны цахим систем tender.gov.mn сайтад 2021 оны 10-р сард албан ёсоор байршуулж, нийлүүлэгчийг шалгаруулан, 2021 оны 12-р сард гэрээ байгуулсан. Тендерт шалгарсан “Санко маркетинг Монголиа” ХХК нь гэрээний дагуу “Konica minolta” хэвлэлийн машиныг 2022 оны 1-р сард нийлүүлж, төлбөрийг 2022 оны 3-р сард шилжүүлсэн болно.

Энэхүү худалдан авалт хуулийн дагуу, зайлшгүй шаардлагын улмаас хийгдсэн бөгөөд уг хэвлэх машиныг худалдан авахгүй бол хууль, тогтоомжийн эмхэтгэл “Төрийн мэдээлэл”-ийг хэвлэх хуулиар хүлээсэн үүргээ Тамгын газар хэрэгжүүлж чадахгүйд хүрэх нөхцөл үүсэхээр байсан юм.

Энэ дашрамд төсвийн хэмнэлтийн бодлогыг тус байгууллага тууштай хэрэгжүүлж байгааг мэдэгдье. Тухайлбал, 2022 оны төсвийн тодотголоор Улсын Их Хурлын зардлыг 5.6 тэрбумаар, түүний дотор Тамгын газрын зардлыг 1.3 тэрбумаар танасан. Хэмнэлтийн бодлогыг төрийн бүх шатны байгууллагуудад дахин хэрэгжүүлэх талаар сүүлийн үед дэвшүүлж буй зорилт, бодлогын хүрээнд тээвэр, шатахуун, унааны зардлыг тэвчих, сургалт, семинарыг цахимаар хийх, судалгаа, сургалт, сурталчилгааны чиглэлээр гаргадаг ном, товхимлыг цахимд шилжүүлэх, цаасны хэрэглээг багасгах, цалинтай чөлөө олгохыг зогсоох зэрэг арга хэмжээ авч байна.

Сүүлийн өдрүүдэд хууль тогтоох эрх мэдэл хэрэгжүүлдэг, төлөөллийн дээд байгууллага Монгол Улсын Их Хурал, түүний удирдлага, гишүүд, Тамгын газар луу чиглэсэн, холбогдох эх сурвалжаас бодит байдлыг тодруулаагүй, зориудаар харлуулах гэсэн зохион байгуулалттай үйлдлийн хүрээнд энэ мэт худал, ташаа мэдээлэл гарах болсонд харамсал илэрхийлж, парламентын ил тод, нээлттэй байдлыг хангах талаар нэгэнт хэрэгжүүлж эхэлсэн үйл ажиллагаагаа улам сайжруулахын төлөө илүү хүчин чармайлт гаргаж ажиллахаа мэдэгдье.

 

1
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1 сэтгэгдэлСэтгэгдэл бичих

43.242.243.140Гишүүн асан   • 2022, 4 сарын 17. 10 цаг 21 минут

Маш их материал хэвлэж олшруулдаг. Бүх материал доод тал нь 76 хувь гээд л бодчих. Бас эмхэтгэл, сэтгүүл хүртэл хэвлэнэ. Ер нь нэг хэвлэх цех дээр үеэс ажиллаж ирсэн. Төрийн мэдээлэл хөөрхөн орлого оруулдаг байсан. Харин ПРИНТЕР гэж нэрлэсэн нь алдаа болсон байна. Хэвлэлийн машин л ажлыг нугалдаг шүү дээ.

Шинэ мэдээ

Мисс Бямбасүрэн “Miss Asian Awards 2023” тэмцээнд дэд байр эзэллээ12 сар 8. 12:01Ардчилсан намын даргын Ажлын албаны даргаар намын даргын зөвлөх Энхтөрийн Галбадралыг томиллоо12 сар 4. 13:04ФИДИК-ийн загвар гэрээний үнэ тогтоох, ажил хүлээлцэх асуудал11 сар 26. 14:46ТОДРУУЛГА: Цагдаагийн байгууллагын гэр бүлийн хүчирхийллийн дуудлага, мэдээллийн бүртгэл шинэчлэгдсэн11 сар 19. 14:32Зүүсэн цол энгэрээс гялтагнана, Зурсан түүх тэнгэрээс ч гялалзана11 сар 4. 10:44БЗД: Үерт автсан хороодод ариутгал, халдваргүйжүүлэлт хийж байна10 сар 30. 10:35Н.Баярмөнх: Орон сууцны хороолол дунд хашаалсан шүүхийн маргаантай гэх газруудыг шийдвэр гартал чөлөөлөх хэрэгтэй10 сар 30. 10:32А.Баяр: БЗД-ийн VII хороонд үйл ажиллагаа эрхэлдэг бар, цэнгээний газруудыг цэгцэлнэ10 сар 30. 10:28БЗД-ийн Ерөнхий боловсролын сургуулиудад “Цахим” индрийг гардуулсаар байна10 сар 26. 11:03Зөвшөөрлөөр тогтохгүй зөрчлүүдээ нуух аа боль! Ондо10 сар 16. 13:58Төрийн өмчит “Мон-Атом” компанийн Гүйцэтгэх захирал асан Э.Галбадрал: Ураны салбар эдийн засгийн эргэлтэд орсноор эдийн засгийг солонгоруулах нэгэн тод шар өнгө болж байгаад баяртай байна10 сар 13. 19:37Л.Лувсандэмбэрэл: Багш, шавь, гэр бүл гэсэн гурвалсан холбоо сайн байж амжилтад хүрдэг10 сар 5. 14:37Л.Оюун-Эрдэнийн ээлжит том нүүдэл нь ТӨСӨВ байх нь!9 сар 27. 15:08ТАНИЛЦ: АН-ын дарга Л.Гантөмөрийн зөвлөхүүд9 сар 25. 14:06Н.Баярмөнх: Хоол захиалж идсэн гэх 54 сая төгрөгөөр гамшгийн үед ажилласан төрийн алба хаагчдын хоол хүнсийг шийдвэрлэсэн9 сар 19. 11:07“Гэр бүлийн хүчирхийлэл, хүүхдийн эсрэг гэмт хэрэгтэй тэмцэх, урьдчилан сэргийлэх арга зүй“ сэдэвт бүсчилсэн сургалт болж байна9 сар 18. 16:32“Нээлттэй –Хөвсгөл-2023” арга хэмжээ Улаанбаатарт болно9 сар 18. 11:17Цагдаагийн байгууллага, Нэгдсэн Үндэсний байгууллагын Хүүхдийн сан хамтран цахим орчинд үйлдэгдэж буй хүүхдийн эсрэг гэмт хэрэг, зөрчлөөс урьдчилан сэргийлэх, хамгаалах,иргэдийн эрх зүйн мэдлэгийг дээшлүүлэх, мэдээллийн технологийн зохистой хэрэглээг бий болгох, зорилготой “Нууцалъя- Private” нөлөөллийн аяныг эхлүүлжээ. Тус аян энэ сарын 15-ны өдрөөс 12 сарын 25-ны хугацаанд улсын хэмжээнд зохион байгуулагдана9 сар 17. 16:28Зул бөхөхийнхөө өмнө бадамладаг!9 сар 15. 12:57ХИЧЭЭЛ ЭХЭЛЛЭЭ НЭГДСЭН АРГА ХЭМЖЭЭНИЙ ХҮРЭЭНД #ЭРСДЭЛГҮЙ_ИРЭЭДҮЙ ӨДӨРЛӨГИЙГ ЗОХИОН БАЙГУУЛЛАА9 сар 5. 17:49ХҮҮХДИЙГ ЗОХИСГҮЙ АГУУЛГААС ХАМГААЛЦГААЯ9 сар 5. 16:28Хүүхэд хамгааллын хөтөлбөр8 сар 29. 17:05Хүн худалдаалах гэмт хэргээс урьдчилан сэргийлэх “Мэддэг, Мэдээлдэг байя” аян эхэллээ8 сар 29. 16:42АН-ын 16 Дэд дарга тойрогт нэр дэвшихээр Л.Гантөмөртэй тохирчээ8 сар 29. 11:23ХИЧЭЭЛ ЭХЭЛЛЭЭ АРГА ХЭМЖЭЭ ҮРГЭЛЖИЛЖ БАЙНА8 сар 26. 16:50Зүүн дөрвөн замын автобусны буудлын ТҮЦ-үүдийг нүүлгэжээ8 сар 25. 11:00С.Эрдэнийн “Фортуна” Н.Батбаяртай хамтарч хахуульд авсан 2 тэрбум төгрөгөө “Молор трейд” компаниараа дамжуулж МӨНГӨ УГААСАН хэргийг нь прокурорт шилжүүлжээ8 сар 23. 11:04Баянмонголын нүхэн гарц үерийн усаар дүүрч байгаа асуудлыг шийдвэрлэх үүднээс цахилгааны тэжээлийн хүчин чадлыг нэмэгдүүлэхээр боллоо8 сар 23. 10:57Хүүхдийн оролцооны үндэсний чуулган-2023 ирэх долоо хоногт эхэлнэ.8 сар 22. 17:25Х.Булгантуяа: Хүүхдийн мөнгийг хүүхэд бүрт олгох, эхний 6 сард авч чадаагүй хүүхдүүдэд нөхөн олгох төсөв шийдэгдлээ8 сар 18. 16:22
© 2008 - 2023 он. Зохиогчийн эрх хуулиар хамгаалагдсан.