2022 оны 3-р сарын 22
18 цаг 38 минут

Ерөнхий сайд Л.Оюун-Эрдэнэ Наурызын баяр мэнд дэвшүүллээ

Баян-Өлгий аймагт ажиллаж буй Монгол Улсын Ерөнхий сайд Л.Оюун-Эрдэнэ Наурызын баярын хүндэтгэлийн арга хэмжээнд оролцож, казах түмэндээ хандан мэндчилгээ дэвшүүллээ. Ерөнхий сайдын мэндчилгээг бүрэн эхээр нь хүргэж байна. Тэрбээр,

Энд хуран цугласан Эрхэм хүндэт Баян-Өлгийчүүд ээ,
Эх орныхоо дөрвөн зүг, найман зовхист амьдран суугаа нийт казах түмэн Та бүхэндээ,

Өвлийг өнтэй давж, урин хавартай учран золгосны ерөөл болгож, өдөр шөнө тэнцсэн тэгш сайхан өдрийг бэлгэшээн, Наурызын баярын мэндийг Монгол Улсын Засгийн газрын нэрийн өмнөөс дэвшүүлье.

Наурызын баяр бол эх байгалиа эрхэмлэн дээдлэх, ахмад настнаа эрэмбэлэн хүндэтгэх, гурван цагийн мөчлөгт амьдрах хүн байгалийн хүйн холбоо, шүтэн барилдлагыг үе дамжуулан ухамсарлуулах эсгий туургат казах түмний шашин соёл, өв уламжлал, ёс суртахуун, зан заншлын хосгүй үнэтэй цогц юм.

Нэгдсэн Үндэстний Байгууллага 2010 онд Ерөнхий Ассамблейн чуулганаараа “Олон улсын наурызын өдөр”-ийг дэлхий даяар тэмдэглэн өнгөрүүлэх шийдвэр гаргасан билээ. Монгол Улсын казах түмэн шашин, үндэсний соёл, ёс уламжлалаа хадгалж, ирээдүй хойч үедээ өвлүүлэн уламжлуулж, хүн төрөлхтний соёлын нандин өвийг зуунаас зуунд тээн залгамжлуулахад чухал үүрэг гүйцэтгэсээр ирлээ.

Эрхэм казах ахан дүүс ээ,

Ээлт наран наашилж, энх цаг ирж байна.
Шинэ өдөр буюу хаврын эхний өдөр хэмээх утгатай Наурызын баяр бол хахир өвлийг хатуужин давж, урин хавартай учран золгосны баяр, ирж буй шинэ цагийн бэлгэдэл билээ.

Өнгөрсөн хоёр жил зөвхөн Та бидний хувьд төдийгүй, хүн төрөлхтөн цар тахалтай хамтын хүчээр тэмцсэн цаг хугацаа байлаа. Өдөр шөнийг үл ялган, өргөсөн тангарагтаа үнэнчээр зүтгэж, цар тахлын эсрэг тэмцэн ажилласан Баян-Өлгий аймгийн нийт төрийн албан хаагчид, вакцинжуулалтдаа идэвхтэй хамрагдсан нийт иргэд Та бүхэндээ гүн талархал илэрхийлье.

Манай улс вакцинжуулалтыг улс даяар шуурхай зохион байгуулсны үр дүнд өнөөдрийг хүртэл хатуу хөл хорио тогтоолгүйгээр эдийн засгаа алхам алхмаар сэргээж, энгийн амьдралдаа хэмнэл хэмнэлээр шилжиж, цар тахлын үеийн хязгаарлалтуудыг цуцалж чадлаа.

Миний бие Монгол Улсын Засгийн газраас дэвшүүлэн хэрэгжүүлж буй эдийн засгийн тусгаар тогтнол, бие даасан байдлыг хангах, цар тахлын эдийн засгийг эрчимтэй сэргээх “Шинэ сэргэлтийн бодлого”-ыг орон нутагт эрчимжүүлэх эхний томилолтоо Баян-Өлгий аймгаас эхлүүлж байна.

“Шинэ сэргэлтийн бодлого” нь “Алсын хараа-2050” урт хугацааны хөгжлийн бодлогын эхний 10 жилд боомилогдсон боомтуудаа авто зам, төмөр замаар холбох, эрчээ алдсан эрчим хүчний салбараа сэргээх, аж үйлдвэржилтийн үндэсний бодлогоо дахин сэргээх, суусан хотоо алхаатай хот болгох, цахим үндэстэн болж, авлига, хүнд суртлыг бууруулан, шударга ёсыг бэхжүүлж, төрийн бүтээмжийг дээшлүүлэхэд чиглэсэн зургаан багц зорилт билээ.
“Шинэ сэргэлтийн бодлого”-ын хүрээнд өчигдөр Баян-Өлгий аймгийн залуучууд, иргэдтэй хоёр удаагийн уулзалт хийж, Баян-Өлгий аймаг цаашид эдийн засгийн хувьд бие даан хөгжих, өрсөлдөх чадвараа дээшлүүлэхэд нэн чухал гэж үзсэн гурван төслийг сонгохоор шууд ардчиллын аргаар хамтдаа хэлэлцлээ.

Орон нутагт суурилсан, иргэдийн оролцоонд тулгуурласан төсөл хөтөлбөр, үйл ажиллагаа, хамгийн тогтвортой, бас хамгийн бодит үр дүнтэй байдаг билээ. Баян-Өлгийчүүд Та бүхнийхээ саналд үндэслэж, “Шинэ сэргэлтийн бодлого”-ын хүрээнд Баян-Өлгий аймгийн Ногооннуур сумын нутагт орших Асгатын мөнгөний ордыг эдийн засгийн эргэлтэд оруулж, шаардагдах хөрөнгө оруулалтыг Эрдэнэс Монгол компаниас шийдвэрлэж, Боомтын сэргэлтийн хүрээнд Цагааннуурын боомтыг 24 цагаар ажиллуулж, Даянгийн боомтыг байнгын ажиллагаанд оруулж, олон улсын жишигт хүргэн чөлөөт бүс байгуулахаар тогтлоо.

Баян-Өлгий аймгийг төрөлжсөн аялал жуулчлалын бүс болгон хөгжүүлэх шийдвэрийг гаргаж, Алтай Таван Богд чиглэлд жуулчлалын авто зам барих чиглэлийг 2023 оны төсвийн жилд багтаан эхлүүлэхээр боллоо.
Мөн орон даяар тавдугаар сарын 1-ний өдрөөс эхлэх эрүүл мэндийн үзлэг оношилгоонд идэвхтэй хамрагдаж, Атрын IV аянд манлайлан оролцохыг аймаг, орон нутгийн удирдлагад үүрэг болголоо.

Наурызын баярын өдөр шийдвэрлэсэн эдгээр шийдвэрүүд Баян-Өлгий аймгийн хөгжлийн түүхэнд тодоор тэмдэглэгдэх болно гэдэгт бүрэн итгэлтэй байна.

Нутаг орноо хөгжлийн замд хөтлөх “Шинэ сэргэлтийн бодлого”-ыг хэрэгжүүлэх их үйлсэд Та бүхнийг идэвхтэй оролцохыг хүсье.

Хөх тэнгэрийг эрхшээж, хүчит жигүүртний далавчаар жигүүрлэсэн казах түмэн минь аялгуут домбороо эгшиглүүлж, айтыс дуугаараа түрлэг өргөн, айл саахалт, ахмад буурлуудаа хүндэтгэн золгож, элгээрээ энх амар, төрлөөрөө түвшин амгалан байхын сайхан ерөөлийг өргөн дэвшүүлье.
-Үндэс язгуур, төрт ёс, өв соёлоо дээдэлж,
-Үндэсний нэгдмэл үнэт зүйлээ эрхэмлэж,
-Хүн төрөлхтний дэвшилтэт ололтыг дэмжиж,
-Хөрст дэлхий, унаган байгалиа хайрлан хамгаалж,
-Амар тайван, хүмүүнлэг нийгмийг цогцлоож,
-Ардчилал, шударга ёсны засаглалыг бэхжүүлж,
-Өөрийгөө тэтгэсэн эдийн засаг нь өрх, иргэн бүрд тэгш, хүртээмжтэй хүрсэн,
-Эрүүл чийрэг, эрдэм боловсролтой, эх оронч, хөрвөх чадвартай, оюунлаг,бүтээлч иргэнтэй улс болж,
Нийгмийн хөгжил, эдийн засгийн өсөлт, иргэдийн амьдралын чанараар Азид тэргүүлэгч улс орнуудын нэг болохын төлөө хамтдаа цаг мөч бүхэнтэй уралдан ажиллацгаая.
Мөнх хөх тэнгэр биднийг ивээж,
Монгол Улс мандан бадрах болтугай гэлээ.

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

Хоол үйлдвэрлэлээс болж хуваарьт нислэгүүд хойшлогдсон асуудалд “МИАТ ТӨХК” гүйцэтгэх захирал Б.Мөнхтамир тайлбар өгнө үү2 сар 5. 9:27“МИАТ ХХК”-ийн удирдах албан тушаалтнууд шалгагдаад эхэлсэн сургаар МАН-ын цагаан байраар даргын суудалд горилогч нар гүйдэлтэй болжээ2 сар 4. 12:08Эргэн төлөгдөхгүйгээр цугласан хагас тэрбумын орлогынхоо талаар Мобиком корпорацийн Япон эзэд болон Гүйцэтгэх захирал Кожи Курушима хариулт өгнө үү1 сар 18. 15:39Б.Энхбаяр vs Д.Амарбаясгалан1 сар 18. 11:30Соёлын сайд Ч.Номин та ДБЭТ-ын ерөнхий балетмейстер Д.Дашлхагвыг хамгаалж ажлуулсаар байх уу?2023, 12 сар 22. 16:13Мисс Бямбасүрэн “Miss Asian Awards 2023” тэмцээнд дэд байр эзэллээ2023, 12 сар 8. 12:01Ардчилсан намын даргын Ажлын албаны даргаар намын даргын зөвлөх Энхтөрийн Галбадралыг томиллоо2023, 12 сар 4. 13:04ФИДИК-ийн загвар гэрээний үнэ тогтоох, ажил хүлээлцэх асуудал2023, 11 сар 26. 14:46ТОДРУУЛГА: Цагдаагийн байгууллагын гэр бүлийн хүчирхийллийн дуудлага, мэдээллийн бүртгэл шинэчлэгдсэн2023, 11 сар 19. 14:32Зүүсэн цол энгэрээс гялтагнана, Зурсан түүх тэнгэрээс ч гялалзана2023, 11 сар 4. 10:44БЗД: Үерт автсан хороодод ариутгал, халдваргүйжүүлэлт хийж байна2023, 10 сар 30. 10:35Н.Баярмөнх: Орон сууцны хороолол дунд хашаалсан шүүхийн маргаантай гэх газруудыг шийдвэр гартал чөлөөлөх хэрэгтэй2023, 10 сар 30. 10:32А.Баяр: БЗД-ийн VII хороонд үйл ажиллагаа эрхэлдэг бар, цэнгээний газруудыг цэгцэлнэ2023, 10 сар 30. 10:28БЗД-ийн Ерөнхий боловсролын сургуулиудад “Цахим” индрийг гардуулсаар байна2023, 10 сар 26. 11:03Зөвшөөрлөөр тогтохгүй зөрчлүүдээ нуух аа боль! Ондо2023, 10 сар 16. 13:58Төрийн өмчит “Мон-Атом” компанийн Гүйцэтгэх захирал асан Э.Галбадрал: Ураны салбар эдийн засгийн эргэлтэд орсноор эдийн засгийг солонгоруулах нэгэн тод шар өнгө болж байгаад баяртай байна2023, 10 сар 13. 19:37Л.Лувсандэмбэрэл: Багш, шавь, гэр бүл гэсэн гурвалсан холбоо сайн байж амжилтад хүрдэг2023, 10 сар 5. 14:37Л.Оюун-Эрдэнийн ээлжит том нүүдэл нь ТӨСӨВ байх нь!2023, 9 сар 27. 15:08ТАНИЛЦ: АН-ын дарга Л.Гантөмөрийн зөвлөхүүд2023, 9 сар 25. 14:06Н.Баярмөнх: Хоол захиалж идсэн гэх 54 сая төгрөгөөр гамшгийн үед ажилласан төрийн алба хаагчдын хоол хүнсийг шийдвэрлэсэн2023, 9 сар 19. 11:07“Гэр бүлийн хүчирхийлэл, хүүхдийн эсрэг гэмт хэрэгтэй тэмцэх, урьдчилан сэргийлэх арга зүй“ сэдэвт бүсчилсэн сургалт болж байна2023, 9 сар 18. 16:32“Нээлттэй –Хөвсгөл-2023” арга хэмжээ Улаанбаатарт болно2023, 9 сар 18. 11:17Цагдаагийн байгууллага, Нэгдсэн Үндэсний байгууллагын Хүүхдийн сан хамтран цахим орчинд үйлдэгдэж буй хүүхдийн эсрэг гэмт хэрэг, зөрчлөөс урьдчилан сэргийлэх, хамгаалах,иргэдийн эрх зүйн мэдлэгийг дээшлүүлэх, мэдээллийн технологийн зохистой хэрэглээг бий болгох, зорилготой “Нууцалъя- Private” нөлөөллийн аяныг эхлүүлжээ. Тус аян энэ сарын 15-ны өдрөөс 12 сарын 25-ны хугацаанд улсын хэмжээнд зохион байгуулагдана2023, 9 сар 17. 16:28Зул бөхөхийнхөө өмнө бадамладаг!2023, 9 сар 15. 12:57ХИЧЭЭЛ ЭХЭЛЛЭЭ НЭГДСЭН АРГА ХЭМЖЭЭНИЙ ХҮРЭЭНД #ЭРСДЭЛГҮЙ_ИРЭЭДҮЙ ӨДӨРЛӨГИЙГ ЗОХИОН БАЙГУУЛЛАА2023, 9 сар 5. 17:49ХҮҮХДИЙГ ЗОХИСГҮЙ АГУУЛГААС ХАМГААЛЦГААЯ2023, 9 сар 5. 16:28Хүүхэд хамгааллын хөтөлбөр2023, 8 сар 29. 17:05Хүн худалдаалах гэмт хэргээс урьдчилан сэргийлэх “Мэддэг, Мэдээлдэг байя” аян эхэллээ2023, 8 сар 29. 16:42АН-ын 16 Дэд дарга тойрогт нэр дэвшихээр Л.Гантөмөртэй тохирчээ2023, 8 сар 29. 11:23ХИЧЭЭЛ ЭХЭЛЛЭЭ АРГА ХЭМЖЭЭ ҮРГЭЛЖИЛЖ БАЙНА2023, 8 сар 26. 16:50
© 2008 - 2024 он. Зохиогчийн эрх хуулиар хамгаалагдсан.