2022 оны 8-р сарын 1
18 цаг 38 минут

Монгол Улсын Ерөнхийлөгч танд эгэл жирийн сурагч захидал илгээж байна

Сайн байна уу? Эрхэм хүндэт Ерөнхийлөгч У.Хүрэлсүх танд энэ өдрийн мэнд хүргэе.

Намайг Энхбаатар гэдэг. Би 17 настай. Дархан-Уул аймгийн Эмпати сургуулийн 12-р ангийг энэ хавар төгссөн. Монгол Улсын Ерөнхийлөгч У.Хүрэлсүх танд би энэ захидлаа өөрийнхөө болон үеийн тэнгийнхнийхээ өмнөөс бичиж байгааг минь хүлээн авна уу.

Би багаасаа IT  технологид дуртай, том болоод эх орондоо хэрэгтэй мэргэжилтэй хүн болно гээд хичээж, шаргуу хичээллэснээр дэлхийд чансаагаараа 25-д бичигддэг “University of Wisconson-Madison”-д тэнцсэндээ баяртай байна. Би IELTS-ийн шалгалтандаа 8 оноо авсан. Бас дэлхийн 20 гаруй сургууль руу элсэлтийн захидал буюу эссэ бичиж 3 сургуулиас IT технологи, программ хангамжийн чиглэлээр суралцах урилга хүлээн авснаас “University of Wisconson-Madison” нь чансаагаараа дэлхийн 35-д бичигддэг тул мөрөөдлийнхөө дагуу сонгосон юм. Мөн “The University of Illionois Chigago” (56-д бичигдэж байгаа), “Tiffin University”-аас 16.000$ -ийн тэтгэлэгтэй урилга хүлээн авсан. Мөрөөдлийнхөө төлөө олон цагаар сууж хичээллэхэд аав, ээж 2 маань намайг үргэлж дэмжиж байсан. Тиймээс тэднийгээ баярлуулахын тулд би шантрахгүй байх ёстой гэж өөртөө дандаа хэлдэг байсан. Дэлхийн шилдэг сургуульд тэнцэхийн тулд топ сургуулиудын IT технологийн үнэгүй хичээлүүдийг англи, япон хэлээр олж үзсэн.

Сонирхлоороо www.monmanga.com сайтыг хийж ажиллуулсан. Энэ сайтаараа дамжуулан Япон болон Солонгосын манга анимэйшн номнуудыг орчуулж сонирхдог хүүхдүүдэд хүргэдэг. Дараа нь сайтынхаа гар утасны аппликэйшн хийсэн. Бас үе тэнгийн найзуудаа цалинжуулж энэхүү сайтаа ажиллуулсан. Эхлээд үеийн найзууддаа ”Шантрахгүй сайн хичээвэл мөрөөдөлдөө хүрдэг юм шүү” гэж хэлмээр байна.

Гэхдээ Ерөнхийлөгч танд захидал бичих болсны учир нь дэлхийн шилдэг их сургуульд тэнцэхийн тулд би ганцаараа хичээгээгүй юм шүү. Миний таньдаг, таньдаггүй үе тэнгийнхэн маань маш их хичээсэн бас сайн сургуулиуд авсан олон хүүхдүүд байгаа гэдэгт би итгэлтэй байна. Хэдий өөрийнхөө хичээл зүтгэлээр хичээн суралцаж мөрөөдлийн сургуульдаа тэнцсэн ч хүүхдүүд бидний өмнө сургалтын төлбөрийн асуудал тулгараад байна. Би найзуудтайгаа судалж үзэхэд “Монгол Улсын иргэний дэлхийд өрсөлдөх чадварыг нэмэгдүүлэх, хүүхэд залуучуудын суралцах тэгш боломжийг хангах, дэлхийн шилдэг их, дээд сургуульд суралцахад дэмжлэг үзүүлэх...” гэж заасан Ерөнхийлөгчийн тэтгэлэгт хувийн сургуулийн болон харьяаллын сургуульдаа суралцдаггүй хүүхдүүд хамрагдах ямар ч боломжгүй журам таны нэрэмжит тэтгэлэгт тусгагдсан байна.

Олон олон өдрүүдийн хичээл зүтгэлээр хичээж дэлхийн шилдэг сургууль авсан хүүхдүүд хувийн сургуулийнх эсвэл харьяа сум, дүүргийнхээ сургуулиас оноогоо аваагүй гэж Ерөнхийлөгчийн тэтгэлэгт хамрагдахгүй боломжгүй байгааг та анзаарч үзнэ үү!  Зөвхөн хувийн сургууль төгссөн хүүхдүүд ийм асуудалтай байгаа биш бас улсын сургуулиудад ч гэсэн дэлхийн шилдэг 100 сургуулийн аль нэгэнд тэнцчихээд Засгийн газрын тэтгэлэг авах боломжгүй хүүхдүүд байгаа.

Хүндэт Ерөнхийлөгчөө!

-“Тухайн жилийн математик болон гадаад хэлний хичээлийн элсэлтийн ерөнхий шалгалтын дундаж оноогоор харьяалагдах сум, хороондоо хамгийн өндөр оноотой төгсөгч байх,

-ЭЕШ өгсөн хичээлүүдийн оноо тус бүр 480 болон түүнээс багагүй байх” гэдэг нөхцлөөр өөрсдөө хичээж бэлдэж тэнцсэн хүүхдүүд төлбөрийн асуудлаас болоод урилга нь ирчихсэн сургуульдаа суралцаж чадахгүйд хүрээд байгааг та судалж өгнө үү.

Зөвхөн ЭЕШ-ын оноогоор нь, төгссөн сургуулийн харьяаллаас нь хамаараад шалгаруулалт хийж байгаа нь  тухайн тэтгэлэгт бэлдэж байсан хүүхдүүдийн боломжийг  булаана бас хөдөө сумын хүүхдүүд 480 оноогоор тэтгэлэг авч тэнцлээ ч гэсэн дэлхийн шилдэг сургуулийн өөрийнх нь шалгуурт тэнцэхэд маш хэцүү, багагүй хугацаа шаардлагатай гэдгийг та мэдэж байгаа гэдэгт итгэж байна. Энэ бол тэгш боломж биш гэж би бодож байна. Хувийн, улсын сургуулийн гэж ялгахгүйгээр дэлхийн шилдэг сургуулиас урилга нь ирчихсэн хүүхдүүдэд хүссэн сургуульдаа явах тэтгэлгийг Ерөнхийлөгч Та өөрийнхөө тэтгэлгийн журамд оруулж өгнө үү.

Энэ ганцхан миний асуудал биш, өөрийнхөө хичээл зүтгэлээр бэлдсээр байгаад шилдэг сургуульд орох эрх авсан ч өөрийн эх орноосоо тэтгэлэг авч чадахгүй уйлж байгаа олон үе тэнгийнхнийгээ харсан учраас энэ захидлыг танд бичье гэж бодсон юм. Ерөнхийлөгчийн тэтгэлэгт 800 оноо аваад өрсөлдөөд үзье гэхээр харьяа дүүргийнхээ сургуульд сурдаггүй учраас энэ тэтгэлгийн шаардлагыг нь хангахгүй болчихсон. Хувийн, улсын гэж ялгаварлахгүйгээр хүч, хөдөлмөрөө зарцуулж өндөр оноогоо авсан бол хүссэн сургуульдаа хүүхэд бүр явдаг байгаасай гэж хүсэж байна. Би болоод миний үеийн бүх найзууд маань эх орондоо хэрэгтэй мэргэжлийг эзэмшээд эргэн ирж эх орондоо ихийг хийж бүтээхийг хүсэж байна.

Ерөнхийлөгч танд сайн сайхныг хүсье.

Таныг хүндэтгэсэн,

Дархан-Уул аймгийн Эмпати сургуулийн төгсөгч Энхбаатар

2022.07.30 Улаанбаатар хот

9
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

9 сэтгэгдэлСэтгэгдэл бичих

202.131.251.130багш   • 2023, 3 сарын 22. 11 цаг 21 минут

Ийм тэнэг журмыг Боловролын сайд эргүү Энхамгалан хийсэн шүү дээ.Дэлхийн шилдэг 100 сургуульд тэнцэнэ гэдэг амар асуудал биш шүү.Хэн ямар сургуульд сурах нь хүний эрхийн асуудал. Энд ялгаварлан гадуурхалт байж таарахгүй. Ийм ёс бус журам гаргасан яам. түүний сайд Энхамгаланд хатуу хариуцлага тооцох хэрэгтэй.Энэ хүүхдийн хүсэлтийг 100 дэмжиж бна.Юуны чинь сум, хороондоо хамгийн өндөр оноо авсан байх гэж тэнэгтээд байгаа юм вэ?Өөр шигээ тойргоос сонгогдсон улстөрч юм уу? Энэ эргүү сайдыг нэн яаралтай халж зайлуулах хэрэгтэй.Хүний эрхийг зөрчжээ.

66.181.182.81Эрдэнэ   • 2022, 8 сарын 15. 15 цаг 18 минут

Дэлхийн топ эхний 20 сургуулийн урилга авсан хүүхдүүдээ тэтгэлэгт хамруулаачээ бүхэл бүтэн биеэ даасан улс байж ноён ёрөнхийлөгч та ийм зүйлийг маш хурдан шийдээд ирээдүйн улс орныхоо чадварлаг залуучуудыг дэмжээд өгөөчээ

192.82.89.73Зочин   • 2022, 8 сарын 12. 7 цаг 43 минут

Элбэг ерөнхийлөгчийн үед бол Дэлхийн ТОП-100 д багтсан хүүхдүүдийн төлбөрийг Монголын төр даадаг байсан шүү ! Та нар жаахан азгүй жаалууд юмуу даа !

192.82.89.73Зочин   • 2022, 8 сарын 12. 7 цаг 45 минут

Гэхдээ Хүүк Еөк өгчих байлгүй дээ !

103.229.122.165Зочин   • 2022, 8 сарын 9. 9 цаг 47 минут

Ухаалаг захидал байна.

192.82.82.221Зочин   • 2022, 8 сарын 8. 15 цаг 21 минут

h

202.126.90.25Зочин   • 2022, 8 сарын 4. 1 цаг 46 минут

Топ 100-ийн эхний 10 доторхи сургуульд мөртлөө улсын тэтгэлэг байхгүй чардайж бгаа😭😭😭

64.119.19.65Зочин   • 2022, 8 сарын 2. 18 цаг 15 минут

Эзэн хичээвэл заяа хичээнэ гэдэг. Болж л байна. Ийм хүүхэд олон болоосой доо.

202.131.229.122зочин   • 2022, 8 сарын 2. 8 цаг 05 минут

Сайн хүү байна. Зөв санал байна. Дэмжих хэрэгтэй.

Шинэ мэдээ

Сонгон шалгаруулалтын зарыг сунгаж байна5 сар 29. 12:44Б.Бямбадорж: Хот тохижилтын 700 гаруй ажилчид, хоёр сар гаруй хугацаанд ажлаа хийж дуусгалаа5 сар 28. 12:33Хүрээ амаржих газрын удирдлага М.Мөнхсайхан, Д.Цэцгээ, жижүүр эмч, төрөх тасгийн эмч нартай хариуцлага тооцоё4 сар 18. 20:23Эргэн төлөгдөхгүйгээр цугласан хагас тэрбумын орлогынхоо талаар Мобиком корпорацийн Япон эзэд болон Гүйцэтгэх захирал Кожи Курушима хариулт өгнө үү1 сар 18. 15:39Б.Энхбаяр vs Д.Амарбаясгалан1 сар 18. 11:30Соёлын сайд Ч.Номин та ДБЭТ-ын ерөнхий балетмейстер Д.Дашлхагвыг хамгаалж ажлуулсаар байх уу?2023, 12 сар 22. 16:13Мисс Бямбасүрэн “Miss Asian Awards 2023” тэмцээнд дэд байр эзэллээ2023, 12 сар 8. 12:01Ардчилсан намын даргын Ажлын албаны даргаар намын даргын зөвлөх Энхтөрийн Галбадралыг томиллоо2023, 12 сар 4. 13:04ФИДИК-ийн загвар гэрээний үнэ тогтоох, ажил хүлээлцэх асуудал2023, 11 сар 26. 14:46ТОДРУУЛГА: Цагдаагийн байгууллагын гэр бүлийн хүчирхийллийн дуудлага, мэдээллийн бүртгэл шинэчлэгдсэн2023, 11 сар 19. 14:32Зүүсэн цол энгэрээс гялтагнана, Зурсан түүх тэнгэрээс ч гялалзана2023, 11 сар 4. 10:44БЗД: Үерт автсан хороодод ариутгал, халдваргүйжүүлэлт хийж байна2023, 10 сар 30. 10:35Н.Баярмөнх: Орон сууцны хороолол дунд хашаалсан шүүхийн маргаантай гэх газруудыг шийдвэр гартал чөлөөлөх хэрэгтэй2023, 10 сар 30. 10:32А.Баяр: БЗД-ийн VII хороонд үйл ажиллагаа эрхэлдэг бар, цэнгээний газруудыг цэгцэлнэ2023, 10 сар 30. 10:28БЗД-ийн Ерөнхий боловсролын сургуулиудад “Цахим” индрийг гардуулсаар байна2023, 10 сар 26. 11:03Зөвшөөрлөөр тогтохгүй зөрчлүүдээ нуух аа боль! Ондо2023, 10 сар 16. 13:58Төрийн өмчит “Мон-Атом” компанийн Гүйцэтгэх захирал асан Э.Галбадрал: Ураны салбар эдийн засгийн эргэлтэд орсноор эдийн засгийг солонгоруулах нэгэн тод шар өнгө болж байгаад баяртай байна2023, 10 сар 13. 19:37Л.Лувсандэмбэрэл: Багш, шавь, гэр бүл гэсэн гурвалсан холбоо сайн байж амжилтад хүрдэг2023, 10 сар 5. 14:37Л.Оюун-Эрдэнийн ээлжит том нүүдэл нь ТӨСӨВ байх нь!2023, 9 сар 27. 15:08ТАНИЛЦ: АН-ын дарга Л.Гантөмөрийн зөвлөхүүд2023, 9 сар 25. 14:06Н.Баярмөнх: Хоол захиалж идсэн гэх 54 сая төгрөгөөр гамшгийн үед ажилласан төрийн алба хаагчдын хоол хүнсийг шийдвэрлэсэн2023, 9 сар 19. 11:07“Гэр бүлийн хүчирхийлэл, хүүхдийн эсрэг гэмт хэрэгтэй тэмцэх, урьдчилан сэргийлэх арга зүй“ сэдэвт бүсчилсэн сургалт болж байна2023, 9 сар 18. 16:32“Нээлттэй –Хөвсгөл-2023” арга хэмжээ Улаанбаатарт болно2023, 9 сар 18. 11:17Цагдаагийн байгууллага, Нэгдсэн Үндэсний байгууллагын Хүүхдийн сан хамтран цахим орчинд үйлдэгдэж буй хүүхдийн эсрэг гэмт хэрэг, зөрчлөөс урьдчилан сэргийлэх, хамгаалах,иргэдийн эрх зүйн мэдлэгийг дээшлүүлэх, мэдээллийн технологийн зохистой хэрэглээг бий болгох, зорилготой “Нууцалъя- Private” нөлөөллийн аяныг эхлүүлжээ. Тус аян энэ сарын 15-ны өдрөөс 12 сарын 25-ны хугацаанд улсын хэмжээнд зохион байгуулагдана2023, 9 сар 17. 16:28Зул бөхөхийнхөө өмнө бадамладаг!2023, 9 сар 15. 12:57ХИЧЭЭЛ ЭХЭЛЛЭЭ НЭГДСЭН АРГА ХЭМЖЭЭНИЙ ХҮРЭЭНД #ЭРСДЭЛГҮЙ_ИРЭЭДҮЙ ӨДӨРЛӨГИЙГ ЗОХИОН БАЙГУУЛЛАА2023, 9 сар 5. 17:49ХҮҮХДИЙГ ЗОХИСГҮЙ АГУУЛГААС ХАМГААЛЦГААЯ2023, 9 сар 5. 16:28Хүүхэд хамгааллын хөтөлбөр2023, 8 сар 29. 17:05Хүн худалдаалах гэмт хэргээс урьдчилан сэргийлэх “Мэддэг, Мэдээлдэг байя” аян эхэллээ2023, 8 сар 29. 16:42АН-ын 16 Дэд дарга тойрогт нэр дэвшихээр Л.Гантөмөртэй тохирчээ2023, 8 сар 29. 11:23
© 2008 - 2024 он. Зохиогчийн эрх хуулиар хамгаалагдсан.