Улсын Их Хурлын 2022 оны 12 дугаар сарын 22-ны өдрийн “Зөвлөлдөх санал асуулга явуулах тухай” 80 дугаар тогтоолоор улс орны нийгэм, эдийн засгийн тулгамдсан асуудлыг иргэдийн туслалцаатайгаар тодорхойлох, асуудлын эрэмбэ, шийдвэрлэх арга зам, гаргах шийдвэрийн талаар иргэдтэй зөвлөлдөх, үндэсний зөвшилцлийг хангах зорилгоор “Зөвлөлдөж шийдье” улсын хэмжээний зөвлөлдөх санал асуулгыг явуулахаар шийдвэрлэж, Зөвлөлдөх зөвлөлийн бүрэлдэхүүнд нэр дэвшүүлэх хугацааг 2022 оны 12 дугаар сарын 23-наас 12 дугаар сарын 30-ны өдрөөр товлон тогтоосон.
Зөвлөлдөх санал асуулгын тухай хуулийн 8 дугаар зүйлийн 8.1-д “Энэ хуулийн 6 дугаар зүйлд заасан зөвлөлдөх санал асуулгыг олон нийтийн ашиг сонирхлыг төлөөлөх бүрэлдэхүүн бүхий Зөвлөлдөх зөвлөл удирдан зохион байгуулна”, мөн зүйлийн 8.2-т “Шийдвэр гаргах эрх бүхий этгээд зөвлөлдөх санал асуулгыг зохион байгуулах тухай бүрд уг санал асуулгыг зохион байгуулах Зөвлөлдөх зөвлөлийг 5-11 хүний бүрэлдэхүүнтэйгээр байгуулна” гэж тус тус заасны дагуу Зөвлөлдөх зөвлөлийн бүрэлдэхүүнд нэрээ дэвшүүлэхийг урьж байна.
Нэр дэвшигчдэд тавигдах шаардлага: Тухайн асуудлаар мэргэшсэн, хараат бус, мэдлэг, туршлага бүхий хорин нэгэн насанд хүрсэн Монгол Улсын иргэн, эрдэмтэн, судлаач, хувийн хэвшлийн болон тухайн чиглэлийн төрийн бус байгууллагын төлөөлөл байх.
Дээрх шаардлагыг хангасан эрдэмтэн, судлаачийг их сургууль, эрдэм шинжилгээний байгууллагаас, хувийн хэвшлийн төлөөллийг мэргэжлийн холбооноос, иргэнийг нийгэмд үйлчилдэг төрийн бус байгууллагаас, эсхүл өөрөө нэр дэвшүүлэн санал болгож болно.
Бүрдүүлэх материал:
- Төрийн албаны хаагчийн анкет;
- Иргэний үнэмлэхийн хуулбар;
- Нэр дэвшүүлж байгаа тухай тодорхойлолт.
Бүртгэл: Зөвлөлдөх зөвлөлийн бүрэлдэхүүнд нэр дэвшигчийн материалыг 2022 оны 12 дугаар сарын 30-ны өдрийн 17:30 цаг хүртэл хүлээн авах ба Улсын Их Хурлын Төрийн байгуулалтын байнгын хороонд ирүүлнэ үү.
Жич: Зөвлөлдөх санал асуулгын тухай хуулийн 8 дугаар зүйлийн 8.4 дэх хэсэгт “Зөвлөлдөх зөвлөлийн бүрэлдэхүүнд төрийн улс төрийн болон төрийн жинхэнэ албан хаагч, улс төрийн намын удирдах болон гүйцэтгэх албан тушаалтныг томилохгүй.” гэж заасныг анхаарна уу.
ХАЯГ: 14201 УЛААНБААТАР ХОТ, СҮХБААТАР ДҮҮРЭГ,
ЖАНЖИН Д.СҮХБААТАРЫН ТАЛБАЙ 1, ТӨРИЙН ОРДОН-401
(ЛАВЛАХ УТАС: 51- 260280, 88013929)
ТӨРИЙН БАЙГУУЛАЛТЫН БАЙНГЫН ХОРОО
Халдвараа хумиж чадаагүй Эрүүл мэндийн сайд Т.Мөнхсайхан, ТНБД Я.Амаржаргал нар халаа сэлгээ хийж, цар тахлын үед олон хүнийг ажилгүй болгож байна
Ногоон эдийн засгийн хамтын ажиллагааг эрчимжүүлэх, Эдийн засгийн түншлэлийн хэлэлцээр байгуулах зэрэг асуудлыг хөндөж ярилцлаа
БАЙНГЫН ХОРОО: Хянан шалгах түр хорооны төсвийн асуудлыг хэлэлцэнэ
УИХ-ын дарга Г.Занданшатар Дархан-Уул, Сэлэнгэ аймгийн тариалангийн бүс нутагт ажиллана
Өөрөөсөө урвасан Н.Энхбаярын "БУЯНААР" Ардчиллын ТАВАН ЗАСГИЙН ГАЗАР огцорч байв
Ж.Мөнхбат, Д.Тогтохсүрэн, Д.Амарбаясгалан нарын боловсруулсан ҮХНӨ-ийг хийх ТӨЛӨВЛӨГӨӨГ Ардын намынхан гишүүддээ ч үзүүлэхгүй НУУЦАЛЖ байна
ЧУУЛГАН: Банкны тухай хуульд өөрчлөлт оруулах хуулийн төслийг анхны хэлэлцүүлэгт бэлтгүүлэхээр шилжүүлэв
Эх, нярайд тусламж үзүүлэх үйлчилгээний чанарыг сайжруулах ажлын хэсгийг П.Анужин АХАЛНА
4 сэтгэгдэлСэтгэгдэл бичих
Зөвлөлдөх санал асуулгад сонгогдсон хорооны 5 иргэнээс би явахгүй, тэр Үндсэн хуулийг чинь мэдэхгүй гэсэн хүн ч байж л буй сурагтай. Хууль гадарладаг жаахан юм уншдаг хүнээ оролцуулахгүй, УИХ-ын дээд, доод танхим байгуулахад нэмэр болох юм мэдэхгүй эсхүл шууд дэмжих хүнээ л сонгож буй бололтой юм.
Ядуу хүн улстөрждөг юм. Мангар монголчууд улс төрд орж, хурдан аргаар баяжих хүсэлтэй байдаг.
Энэ зөвлөлдөх уулзалтад "хуц", "хулгайч" зэрэг үгс амны уншлага болсон хүмүүсийг оруулахгүй байх хэрэгтэй. Тэнд хамгийн оюунлаг. амьдрал, ажил үйлсээ эх орныхоон хөгжилд зориулсан хүмүүс оролцож, үгээ хэлэх хэрэгтэй. Ганц нэг онолын ном уншсан хүн ч бас хэрэггүй шүү. Сая нүүрсний экспортын хэлэлцүүлэг юу болов. Бөөн улс төржилт.
цахим монгол болсон биз дээ, тийм бол иргэний үнэмлэхийн хуулбараар ияах юм бэ?