ТЕГ-ын дарга Б.Заяабал "Татварын удирдлагын нэгдсэн систем"-ийг танилцууллаа

Өнөөдөр Татварын ерөнхий газрын даргын албан үүргийг гүйцэтгэгч Б.Заяабал хэвлэлийнхэнд мэдээлэл хийлээ.

Татварын хуулийн шинэчлэгдэж 2020 сарын нэгнээс мөрдөгдөж эхлэх гэж байгаатай холбоотой Татварын удирдлагын нэгдсэн системийг нэвтрүүлж байгаагаа энэ үеэр танилцууллаа.

Энэхүү систем ашиглалтанд орсноор иргэн татварын бүх үйлчилгээг цахимаар авдаг болох ажээ. Одоогоор таван модуль ашиглалтанд ороод байгаа бөгөөд 2020 оны нэг сарын нэгэнд бүрэн ашиглалтанд орох ажээ.

Мөн Ebarimt 2.0 хувилбарыг Гааль, татвар, санхүүгийн мэдээллийн технологийн төвийн захирал Т.Батбилэг танилцууллаа. Та бидний ашиглаж дадсан Ebarimt аплейкшн шинэчлэгдэж гомдол мэдүүлэх, буцаан олголтыг автоматаар тооцох, мэдээлэл хүлээн авдаг болсон зэрэг олон давуу тал бий болжээ. 

Татварын алба 2000 оноос хойш жил бүрийн тавдугаар сарын хоёр дахь долоо хоногийг татвар төлөгчдийн өдрүүд болгон тэмдэглэж татвар төлөгчиддөө татварын хууль тогтоомжоо сурталчилах, хүүхэд залууст татварын боловсрол олгох, татвар төлөгчдөө сурталчилах ажил хийдэг. 

Татвар төлөгчдийн өдрүүд энэ долоо хоногийн турш үргэлжлэх бөгөөд татвар төлөгчдөд ажлын байранд сургалт хийх, томоохон зах худалдааны төвүүдэд сургалт хийх, ТЕГ-ын удирдлагууд татвар төлөгчидтэй чөлөөт уулзалт хийх, сурагчдын дунд зарласан зохион бичлэг, гар зургийн уралдааны дүн зарлах, оюутан залуусын АСТ-ий эцсийн шатны шалгаруулалт хийх зэрэг олон ажлууд хийгднэ. Та бүхэн өөрийн харьяа дүүрэг орон нутгийн татварын хэлтсээс зохион байгуулж буй сургалт, татвар төлөгчдөд үзүүлэх үйлчилгээ, татвар төлөгчдөө сурталчилан алдаршуулах үйл ажиллагаанд идэвхитэй оролцоорой.

Таны миний төлсөн татвар улс гэрийн төсвийг бүрдүүлж, нийтээрээ амар амгалан, тав тухтай, эрх чөлөөтэй амьдрах боломжийг бий болгодог учраас өөрсдөөрөө бахарахцгаая.