Монгол даяарчлагдаж байна гэж хөл хөөрцөг болдог хүмүүс бий. Сайн ч юм уу, муу ч юм уу, бүү мэд. Дээхнэ Москва найтаахад Монгол ханиадаг гэсэн үг байлаа. Тийм л хамааралтай байсан хэрэг. Одоо тэгвэл тэр хамаарал хил хязгаараа хэдийнээ тэлсэн. Дэлхийн санхүүгийн хямралыг дагаад жижигхэн Монгол хормойн салхинд нь дэрвээд хөлд нь чирэгдэнэ.
Судлаачид даяаршил нь улс гүрнүүдийн бүрэн эрхт байдлыг хязгаарлахад хүргэдэг бөгөөд энэ үйл явцын дүнд сул дорой, бага буурай улсууд хамгийн их хохирогчид болдог гэж тэмдэглэжээ. Бас даяаршил буюу жижиг улсыг тээрэмдэн хаях их аян гэж нэрлэсэн байх юм. Их л том сэдэв, өргөн хүрээтэй онолын асуудал юм шиг байна.
Харин амьдрал дээр монголчууд даяаршлаас аль болж бүтэхгүй бүхнийг нь шингээж аваад байх шиг харагддаг.
Даяаршлаас Монголд нутагшиж буй хамгийн аймшиг бол хар тамхи, мансууруулах бодисын хэрэглээ. Энэ донтолт Монголын өсвөр залуу үеийнхний дунд өвсний түймэр лугаа тэлж байна. Цагдаагийн ерөнхий газар/ЦЕГ/-ын харьяа Хар тамхитай тэмцэх газрын мэдээллээр энэ оны эхний есөн сарын байдлаар 193 хэрэгт 330 хүн холбогдон шалгагдсаны 11 нь хүүхэд аж.
1990-ээд оноос өмнө хар тамхи, мансуурах донтох тухай ойлголт байдаггүй байлаа. Энэ талдээр монголчууд үнэхээр айдасгүй амар амгалан аж төрж байсан нь үгүйсгэшгүй үнэн билээ. Харин “Хүйтэн дайн”-ы дараагаас эхэлсэн даяаршлаас Монголд үлдэж хоцорч буй базаахгүй жишгүүдийн түрүүнд хар тамхины хэрэглээ цохьж явна. Хар тамхины хэрэглээ цаашид үндэстэн дамнасан сүлжээ болж, мафижвал Монголын төр хүчин мөхөстөж мэднэ.
Даяаршлалаас үлдэж буй өөр нэг нөлөөлөл гэвэл монголчууд, ялангуяа өндөр мэргэжил боловсролтой залуучууд гадаадад олноороо гарч, хөдөө орон нутгийнхан төв суурин газар бараадаж хэт төвлөрлийг үүсгээд байна. Үр дагавар нь эх орны хязгаар нутаг эзэнгүйрч, тэр орон зайд гадаадын явуулууд суугуул иргэдээс ч илүү эрх ямба эдэлж, дураараа дургиж байгааг шонхорын наймаа, зээрийн ан, зөвшөөрөлгүй алт олборлож буй гадаадын иргэдийн жишээнээс харж болно.
Хилийн цаана эх хэл, уламжлалт соёл ахуй, өв түүхээсээ холдсон шинэ залуу үеийнхэн чигээрээ харийн иргэд болж цөөхөн Монголоо цөөрүүлж байна.
Телевиз, интернет, мэдээ мэдээлэл даяаршиж, үүнээс үүдэн монголчуудын үнэт зүйл, уламжлалт соёл зан заншил улам бүр бүдгэрч, өнгө мөнгөний хорвоо өнөөгийн Монголын төрхийг илэрхийлж байна.
Даяаршлын “буян”-аар Монгол улс ДНБ-ийнхээ хэмжээнээс хоёр дахин их гадаад өртэй болоод байна. Тэр дундаа урд хөршөөс зээлсэн мөнгө уул овоо шиг болж байна. Энэ нь эргээд газар нутгийн бүрэн байдалд нөлөөлөх вий гэсэн болгоомжлол бий. Санхүү, өр зээлийн колоничлолын үнэр нэгэн цагт сэвэлзвэл яана.
Хаа тэртээ ертөнцийн нөгөө хязгаарт дуулддаг байсан ДОХ-ын халдвар Монголд хэдийнэ орон зайгаа эзэлж, залуу үеийнхэн маань баар цэнгээний газар, дэн буудлаар “туг” дэрвүүлж явдаг болжээ.
Бид нэг иймэрхүү янзаар л даяарчлагдаад байх шиг харагдах юм.
Г.Тулга
16 сэтгэгдэлСэтгэгдэл бичих
Бид ч гадаадад хулгай хар тамхи яаж зөөхийг зааж өгч буй
gadaadiin humuus oruulj irj bgaa sh dee tor zasag anhaarmaar yum gadaadiinh bol sain humuus bish sh dee saihan ineesen muu humuus zondoo sh dee
Гар утас шагайж байгаагаа орчин үетэй хөл нийлж байна гэж сэтгэж ,гайгүй архи ууж байгаагаа Найзтай болж байна гэж хөөрч, машин унаж гэртээ орох гэж гудамжинд дугаарлаж өвчилж байгаагаа хэрэглээгээ тэлж байна гэж эндүүрч Хөөрхийс орчин цагийн хуучих хүүхдүүд
монголд даяршил үнэхээр зохицохгүй ни өнгөрсөн 30 жилээс мэдэгдлээ. даяршилаар далимдуулаад эрх чөлөө хүний эрх гэж хашгираад хамаг эд баялагаа алдаж байна одоо эх орноо өрөнд оруулаад хэцүү байдалд оруулаад байна.монгол хүний зан харахтерт даяршил ердөө зохихгүй юм байна.
Yag uneniig bichjee huduuniihniig hotod orj irehiig hyazgaarlamaar bh yum
гэр хорооллуудад аймаар дүр зураг их байдаг юм биш үү ядуу амьдарч байгаа хүмүүс ядуу сэтгэлгээтэй байгаа. амьдралын чанар муутай хүмүүс ямар их хүүхэд гаргадаг юм бэ. чанартай хүн амын тоогбагасгаж буй нэг хүчин зүйл энэ мөн шүү. хүүхэд хүмүүжүүлэх нь битгий хэл өөрийгөө хэн гэдгээ мэдэхгүй архичин заваан хүмүүс л олон хүүхэдтэй байгаа
Бидний үр хүүхэд ямар нийгэмд амьдрах бол гэдэгт санаа зовж байна. Уг нь одоо амьдарч байгаа бид бүхэн л суурийг нь зөв тавьмаар байдаг, биднээс хамаарахгүй зүйл их олон байна. Хүн бүр хичээвэл болж бүтэхгүй зүйлээс аяндаа ангижрана гэж бодож байна. Боловсрол, сэтгэлгээг нь өөрчлөх хэрэгтэй байх гэж бодож байна.
өнөөгийн монголын нийгмийн үнэнийг бичжээ. хуучин цагт янхан хулигаанууд нь ялгарч мэдэгддэг цөөн тоотой байсан бол одоо цагт бүр хэн нь яшка хэн нь бүтэхгүй хулгайч гэдэгнь мэдэгдэхэ байсан. үнэхээр аймаар. 20 гаруйхан жилийн дотор ямар замбарагүй эх захгүй толгойгүй болж болдгийн жишээг монголын нийгмээс харна. тусгай судалгаа хийвэл их эвгүй дүр төрх харагдана. цаашдаа төрийн бүтцээ сууриар нь өөрчилдөг юмуу яадаг юм. нөгөө хүүхдүүд нь тв-ээр өдөр бүр юу яриад байгаа нь мэдэгдэхгүй хүмүүсийн яриа, хэрүүл, төрөөр дүүрэн хулгай байгаа мэт бна
хар тамхитай холбоотой аливаа хэрэгт оролцогч хамтрагч уруу татагч болгонтой хатуу тэмцэх хэрэгтэй байна, хуульчилсан хуульчдын ард эрх мэдэлтэн энэ хэрэгт хамааралтай байж болох этгээдүүд байхыг үгүйсгэхгүй ,,,учир нь хууль яагаад ийм зөөлөн хандлагтай байна вэ???
УБ хот хөдөөнийхнөөр дүүрч, хөдөөний мөнгөтэй нэг нь байр худалдан авч, мөнгөгүй нэг нь гэр хорооллыг тэлж, зарим нь хог түүж, зарим нь архичины сүрэг үүсгэсэн. Нэг хэсэг нь үерийн аманд, оршуулгатай залган амьдарч байна. Үүнийг дагаад цахилгааны шугам тавих, худаг гаргах, автобус явуулах, улмаар засмал зам тавьж, цэцэрлэг сургууль байгуулах гэж төр зовох хэрэг байгаа юм уу? Нутаг руу нь хөөж нийслэл хотын төрхтэй, соёлтой болвол яасан юм. Нөгөө даяаршил, ардчилал, хүний эрх нь нийтийн эрх ашгийг үл тоосоор яваад байх уу?
үнэн шүү. мөн фэйсбүүк гэгч хар тамхинаас дутахгүй тахал байна
үнэн
hamgiin muuhai n har tamhi belgiin zambaraagui baidal eldev belgiin zamiin ovchin surye
Үнэн2. Даяаршил гэдэг бол том гүрнүүдийн жижиг улс орнуудыг залгих зорилготой бодлого мөн
еренхийлегч нь хар тамхи гаднаас оруулдаг сулжээний толгойлогч байхаар бух зуйл ойлгомжтой биз дээ энэ талаар ган хийхгуй л байгаа биз дээ дуугарвал факт нь илрэх гээд бна шуу дээ
Баримт нотолгоогүй юм бичихээ боль доо