Монгол Улс 2019 онд 6.1 тэрбум америк долларын импорт хийжээ. Ингэснээр импорт 2018 оноос 252.6 сая ам.доллараар буюу 8 хувиар өссөн байна. Импортын гол түнш улсуудын дүнг авч үзвэл, 2019 оны урьдчилсан гүйцэтгэлээр БНХАУ 33.6, ОХУ 28.2, Япон Улс 9.6, АНУ 4.7, БНСУ 4.4 хувийг эзэлж, нийт импортын 80.5 хувийг бүрдүүлж байна.
ОХУ-аас импортолсон барааны 55.8 хувийг нефтийн бүтээгдэхүүн, Япон Улсаас импортолсон барааны 60.9 хувийг суудлын автомашин, БНХАУ-аас импортолсон барааны 13.8 хувь нь ачааны тэрэг, үлдсэн хувийг олон нэр төрлийн бага жинтэй, бараа бүтээгдэхүүнүүд эзэлж байна.
Тэгвэл Монгол Улс 2019 онд нийт 94065 ширхэг тээврийн хэрэгсэл импортолсноос 69472 нь суудлын авто машин байна. Суудлын автомашины импорт өмнөх оноос 5433 ширхгээр буюу 8.5 хувиар өсжээ.
Сэтгэгдэл бичих