Үндэсний тэргүүлэгч сайт www.zaluu.com үндэсний үйлдвэрлэгчид, тэр дундаа жижиг, дунд үйлдвэрлэгчдийг байнга дэмжиж, хамтарч ажиллаж байгаа билээ. Тэгвэл энэ удаагийн "Жинхэнэ ЖДҮ" буландаа монгол түмний өргөн хэрэглэдэг аарцыг шар тостойгоор савалж, "Дархлаа" нэрийн бүтээгдэхүүн үйлдвэрлэж буй "Итгэлт-цагаан хад" ХХК-ийг онцолж, менежер Г.Алтангэрэлтэй хуучиллаа.
Тэрбээр "Иргэд өдөр тутмынхаа амьдралд сүү, цагаан идээг хэрэглэдэг. Гэвч ямар бүтээгдэхүүнүүд хоорондоо хоршиж, хамтад нь хэрэглэвэл илүү давуу талтай гэдгийг тэр бүр мэддэггүй. Бид энэ чиглэлээр судалж үзээд, шар тостой аарцийг гаргасан" хэмээн онцолж байсан юм.
-Өнгөрсөн оны арваннэгдүгээр сараас эхлэн бүтээгдэхүүнээс үйлдвэрлэж эхэлсэн юм байна. Одоогоор өөрийн гэсэн байртай болсон уу. Хэдэн хүнийг ажлын байраар хангаж байгаа вэ?
-Манай компани байгууллагдаад удаж байна. Харин "Дархлаа" бүтээгдэхүүнийг өнгөрсөн оны арваннэгдүгээр сараас эхэлж үйллвэрлэсэн. Өөрийн гэсэн үйлдвэрийн байртай. Одоогийн байдлаар 7 хүнийг ажлын байраар хангаж ажиллаж байна.
-Хэдэн нэр төрлийн бүтээгдэхүүн үйлдвэрлэж байгаа вэ?
-Анх "Дархлаа" шар тостой аарцыг үйлдвэрлэж эхэлсэн. Тэгвэл энэхүү бүтээгдэхүүнээ улам баяжуулаад аньстай, чацарганатай хоёр төрлийг нэмсэн. Сүү, цагаан идээнд тулгуурласан. Хүний эрүүл мэндэд тустай дараа дараачийн бүтээгдэхүүнүүдийг үйлдэрлэх гээд одоо технологийн шатандаа яваж байна.
-Түүхий эдээ хэрхэн бэлтгэдэг вэ?
-Түүхий эдээ хаанаас, яаж авч байгаа талаар харилцагч дэлгүүр, худалдааны төвийнхөн байнга асуудаг. Хэрэглэгчид ч гэсэн энэ талаар тодорхой ойлголттой байх хэрэгтэй болов уу. Зарим хүмүүс аарц л бол аарц гэж боддог. Гэтэл малын идэж байгаа ургамлынх нь төрлөөс хамаараад аарц янз янзын амттай байдаг. Бид судалж үзээд, хүний биед хамгийн тохиромжтой, бүх насныхан хэрэглэх боломжтой түүхий эдийг авдаг. Хамгийн тохиромжтой түүхий эд зурвас бүс хэсэгт байсан. Тодорхой хэлбэл, Булган, Орхон аймаг, Төв аймгийн өмнөд, Дундговийн хойд хэсэг байгаа. Энэ бүс нутгаас малчидтай гэрээ байгуулж, түүхий эд буюу аарцаа авдаг.
-Танай бүтээгдэхүүнийг давуу тал нь юу вэ?
-Шүүсэн аарц, шүүгээгүй аарц гэж хоёр янз бий. Шүүсэн аарц, шүүгээгүй аарцны хамгийн том ялгаа нь шар сүү. Шар сүү хүний биед хуримтлагдсан бохирыг шүүж, цэвэрлэж, гадагшлуулдаг. Уур бухимдлыг намдааж, тайвшруулах үйлчилгээтэй. Хорт хавдрыг дарангуйлах чадвартай. Шүүсэн аарцанд шар сүүний агууламж байдаг ч маш бага. Харин шүүгээгүй аарц шар сүү ихтэй учраас амин дэм ихтэй. Шар сүүтэй аарцаа шар тосоор баяжуулчихаар зөвхөн загаснаас авах боломжтой ОмегоВ6 гэдэг витаминыг агуулж эхэлдэг. Гэх мэт маш олон давуу талтай.
4 сэтгэгдэлСэтгэгдэл бичих
Үйлдвэр, аж ахуй, автобааз эрхлэхэд нэн тохирможтой, ТЭЦ4-ийн урд зам дагуу байрлалтай, агуулах офиссийн барилгуудтай 1га газар зарна. Утас 88145555
Нэр хаягаа томоор бичээчээ сайн бүтээгдхүүн хийчээд хаяг лого г монгол бүтээгдэхүүн хаяг реклам үнэхээр муу юмаа .зураг текст ийн харьцаа алдагдсанн
Ариун эрүүл ахуй цэвэрүүү
Маш зөв. Бэлчээрийн малын сүү, цагаан идээ бол ямар ч гадаадын үнэтэй бүтээгдэхүүнээс 100 хувь илүү. Өөртөө байгаа эдгээр экологийн цэвэр бүтээгдэхүүнүүдийг судалгаа шинжилгээнд үндэслэн баяжуулан үйлдвэрийн аргаар боловсоруулсан бүтээгдэхүүн болгон ашиглах нь дэвшил юм. Амжилт хүсье