УИХ-ын өнөөдрийн чуулганаар “Импортын барааны гаалийн албан татварын хувь, хэмжээ батлах тухай тогтоолын хавсралтад өөрчлөлт оруулах тухай” УИХ-ын тогтоолын төслийг хэлэлцэхийг дэмжсэн билээ. Үүнтэй холбогдуулан ХХААХҮ-ийн сайд Ч.Улаан өөрийн цахим хуудсаар дамжуулж, ногоочид, жимсчдэд 150 тэрбум төгрөгийн зээл олгохыг мэдэгдлээ.
Тэрбээр "Засгийн газраас хүнсний ногоо тариалалтыг нэмэгдүүлэх зорилго тавьж, энэ жил тариалалтыг 1000 га-гаар нэмэгдүүлэхээр аймаг, орон нутагтай хамтран ажиллаж байна. Хүнсний ногоо тариалах иргэдэд газар олгох, дэмжихээс гадна сургалт зохион байгуулах ажлыг хийхээр төлөвлөж байгаа аж. Айл өрх, албан байгууллага бүр боломжоо ашиглан хүнсээ бэлтгэхэд санаачилгатай ажиллахыг уриалж байна. Дотоодод үйлдвэрлэсэн үрийг худалдан авч, ногоочдод өгөх ажлыг зохион байгуулж эхэлж байна. Ингэсэн ч үр дутагдах учир үрийн гаалийн албан татварын хувь хэмжээг тэглэх асуудлыг хэлэлцүүлж байна. Хүнсний ногооны тариалалтыг бололцоотой хэмжээнд хүргэхийн тулд нөөцөө дайчилж Улаанбаатар хотыг тойрсон механикжсан агуулахууд баригдаж эхэлсэн. Агуулахын аж ахуйг хөгжүүлэх чиглэлээр Унгар Улстай хамтран ажиллаж, агуулахыг бүсчлэн байгуулахаар ярилцаж байна.
Усалгааг бий болгох, бордоогоор хангахад дэмжлэг үзүүлж, тариаланчид, ногоочид, жимсчдээ аль алийг нь дэмжинэ. Жимсний хэрэгцээний 10 хувийг дотоодоос хангахаар тооцоолж байгаа, үүний тулд жимсний үр, суулгацаар хангах асуудлыг шийдвэрлэнэ. Ногоочид, жимсчдэд 150 тэрбум төгрөгийн гурван хувийн хүүтэй хөнгөлөлттэй зээлийг олгоно" хэмээлээ.
1 сэтгэгдэлСэтгэгдэл бичих
nögöö nooluurand zoriulah möngöö gazar tarialan,hunsnii nogoo,mah suunii fermeruud,hulemjiin nariin nogoond zoriulaa..heden jil delhii dayar nooluur ömsöj tansaglah ediin zasagtai uls hovordoh baih....