Монголбанкнаас өнөөдөр мэдээлэл хийж, мөнгөний бодлогын хорооны шийдвэрийг танилцууллаа. Энэ үеэр Монголбанкны Ерөнхийлөгч Б.Лхагвасүрэн "Төв банкны тухай хуулиараа Мөнгөний бодлогын хороо улиралдаа нэг хуралддаг. Энэ удаагийнх хуваарийн дагуу хийсэн хурал байгаа. Та бүхэндээ Мөнгөний бодлогын хорооноос гаргасан шийдвэрийг танилцуулъя. Мөнгөний бодлогын хороо ээлжит хурлаараа эдийн засаг, санхүүгийн зах зээлийн өнөөгийн байдал, ирээдүйн төлөв болон гадаад, дотоод орчны тодорхой бус байдлыг харгалзан үзэж бодлогын хүүг хэвээр хадгалахаар боллоо. Мөн Банкны системийн тогтвортой байдлыг хадгалах үүднээс банкны эх үүсвэрийн долларжилтыг бууруулах, төгрөгийн харьцангуй өгөөжийг хадгалах зорилгоор өндөр хүүтэй гадаад валютын хадгаламж болон хүү төлж буй гадаад валютын харилцахын эзлэх хувиар банкинд олгох төгрөгийн заавал байлгах нөөцийн урамшууллыг бууруулан тооцох шийдвэрийг гаргалаа.
Жилийн инфляци 2020 оны тавдугаар сард улсын хэмжээнд 3.3, Улаанбаатар хотын хэмжээнд 3.5 хувьтай гарсан. Дэлхийн зах зээл дээрх газрын тосны үнийн бууралтыг даган дотоодын шатахууны үнэ буурсны зэрэгцээ эдийн засгийн өсөлт саарч, эрэлтийн шалтгаантай инфляц, нийлүүлэлтийн шалтгаантай үнийн хэлбэлзэл өсөхөөргүй тохиолдолд инфляц зорилтод түвшнээс бага байхаар хүлээгдэж байна. Ковид-19-төй холбоотой гамшгаас хамгаалах өндөржүүлсэн бэлэн байдалд шилжсэнээс хойш авч хэрэгжүүлсэн төсөв, санхүү, мөнгөний бодлогын цогц арга хэмжээ нь эдийн засгийн идэвхжилд эерэг нөлөө үзүүлж байна.
Гэхдээ гадаад эрэлт болон эрдэс бүтээгдэхүүний үнэ буурч, ковид-19 тахлаас сэргийлсэн хязгаарлалтын арга хэмжээ үргэлжилж, дотоод эрэлт эхний хагас жилд агшлаа. Энэ онд эдийн засгийн өсөлт саарч, инфляц нам түвшинд хадгалагдах хүлээлттэй байгаа боловч эдийн засгийн дотоод, гадаад тэнцвэртэй байдлыг хадгалах шаардлага нь мөнгөний бодлогын төлвийг цаашид зөөлрүүлэх боломжийг хязгаарлаж байна. Өмнөх бодлогын хорооны шийдвэрийн үр дүнг хүлээх шаардлагатай. 11 хувь байсан бодлогын хүүг 10, дараа нь 9 хувь болгон бууруулсан. Эдгээр шийдвэрийн эдийн засагт үзүүлэх нөлөөг харзнах хэрэгтэй" хэмээлээ.
3 сэтгэгдэлСэтгэгдэл бичих
чихэн дээр цэцэг ургуулана гэж энэ дээ
za ehellee songuulid zartsuulsan möngöö huu,torguuli,tatvaraarai nöhöör shiidlee....tahal duusah boloogui baidag naadam,nair urgeljileh geed baidag hoid Solongos boloh nee...
hudalch umnuud songuuli duusanguut byh um hudlaa