2020 оны 9-р сарын 7
8 цаг 50 минут

E-Mongolia цахим порталаар төрийн бүх төрлийн үйлчилгээг үзүүлэхэд Засгийн газар, Монголбанк хамтарна

“Төрийн үйлчилгээг цахимжуулах ажлын хүрээнд Монголбанк болон ХХМТГ хамран ажиллах талаар Монголбанкны Төлбөр тооцооны газрын захирал Э.Анартай ярилцлаа.

 -Төлбөрийн системийг хөгжүүлэх талаар Монголбанкнаас хэрэгжүүлж буй ажлын талаар товч танилцуулаач?

-Монголбанкны үндсэн үйл ажиллагааны нэг чухал хэсэг бол үндэсний төлбөрийн системийн найдвартай, тасралтгүй ажиллагааг хангах, үйл ажиллагааг удирдан зохион байгуулах, зохицуулах, хяналт тавих чиг үүрэг юм. Тиймээс шинэ тутамд хөгжиж буй технологийн хөгжлийг дэмжих үүднээс хууль эрх зүйн орчныг бүрдүүлэхээс өгсүүлэн орчин үеийн дэвшилтэд системийн шинэчлэлүүдэд зорьж байна. Энэ хүрээнд хууль эрх зүйн орчноо бүрдүүлж,  “Үндэсний төлбөрийн системийн тухай хууль”-ийг батлуулан, 2018 оноос мөрдөн ажиллаж байна.

Сүүлийн жилүүдэд төлбөрийн системийг хөгжүүлэх ажлын хүрээнд төлбөрийн системийн дэд бүтцийг бүрэн шинэчлэн бэхжүүлж, дансны нэгдсэн сан, багц гүйлгээ, хөрөнгийн нөөцийн удирдлага, байгууллагуудын гарц бүхий бага дүнтэй гүйлгээний ᠎ACH систем болон төлбөрийн системийн оролцогчдыг таних, нууцлал аюулгүй байдлыг хангах зориулалт бүхий тоон гарын үсгийн системийг нэвтрүүлээд байна.

Цаашилбал, Монголбанк нь олон улсад хүлээн зөвшөөрөгдсөн Төлбөрийн картын системийг энэ ондоо багтаан бүрэн нэвтрүүлэх, мөн үндэсний төлбөрийн “EMV chip” стандарт бүхий “₮” картыг ойрын хугацаанд нийлүүлэх зорилт тавин ажиллаж байна.

-Төрийн үйлчилгээний төлбөр тооцоог цахимжуулах ажлын хүрээнд Монголбанкнаас хийгдэж буй ажлын талаар танилцуулна уу.

-Саяхныг хүртэл иргэдэд үзүүлж буй төрийн үйлчилгээ, тухайлбал, лавлагаа, тодорхойлолт, хүсэлт, өргөдөл зэрэг бүхий л бичиг баримтын бүрдүүлэлтийн явц олон шат дамжлагаар дамждаг төдийгүй  тэр бүх үйлчилгээний төлбөр тооцоог хийхийн тулд банканд дугаарлах, мөн өндөр шимтгэл төлөх  зэрэг хүндрэлүүд байсаар ирсэн. Энэ нь иргэд болоод төрийн байгуулладаа цаг хугацааны хувьд ч хохиролтой, үргүй зардлууд үүсгэж ихээхэн гомдол, бухимдлыг дагуулдаг шүү дээ. Хэдийгээр төрийн зарим үйлчилгээ цахим хэлбэрт шилжсэн ч түүний төлбөр гүйцэтгэх ажиллагааг цахим хэлбэрт шилжүүлж чадахгүй байсан нь төрийн үйлчилгээний бүрэн цахимжих боломжийг хязгаарлаж байсан юм.  

Тухайн нөхцөл байдлыг өөрчилж, төрийн үйлчилгээний төлбөр тооцоог түргэн шуурхай хүргэх, зардал чирэгдлийг арилгах үүднээс Монголбанк нь Төрийн үйлчилгээний төлбөр тооцоог цахимжуулах ажлыг 2016 оноос эхлүүлж, хууль эрх зүйн орчныг нь бүрдүүлж,   тодорхой зохицуулалтыг бий болгон, өөрийн системд програм хангамжийн хөгжүүлэлтийг хийж, төрийн үйлчилгээний төлбөр тооцоог гүйцэтгэх дэд бүтцийг бий болгож чадсан. Ингэснээр Монголбанк нь Сангийн Яамны Төрийн сангийн газрын нэрийн өмнөөс иргэдийн төрийн үйлчилгээний төлбөрийг өөрийн картын системээр дамжуулан хүлээн авч, төрийн байгууллагын дансанд гүйлгээг нэг бүрчлэн, бодит цагийн горимоор тусгах ажлыг гүйцэтгэж байна. Өнгөрсөн оны мөн үеээс өнөөдрийг хүртэлх хугацаанд нийт 75 мянган ширхэг төрийн үйлчилгээний гүйлгээ дамжсан байна. 

Дашрамд дурьдахад гамшгаас хамгаалах өндөржүүлсэн бэлэн байдлын зэрэгт /хэсэгчлэн/ шилжүүлсэнтэй холбогдуулан бид 2020 оны 6 дугаар сарын сүүлээс эхлэн төрийн үйлчилгээний төлбөр хүлээн авах, төрийн үйлчилгээний шимтгэлийг тэглэсэн.   Одоогийн байдлаар Монголбанк нь Нийслэлийн засаг даргын тамгын газар, Татварын ерөнхий газар, Мэргэжлийн хяналтын ерөнхий газар, Газар зохион байгуулалт, геодези, зураг зүйн газар, Улсын бүртгэлийн ерөнхий газар зэрэг байгууллагатай хамтран ажиллах гэрээ байгуулан ажиллаж байна.

-Харилцаа холбоо, мэдээлэл технологийн газартай хамтран ажилласнаар ямар давуу талтай вэ?

-Монголбанк, ХХМТГ хооронд хамтран ажиллах гэрээ байгуулсан. Хамтран  ажилласнаар ᠎E-Mongolia цахим порталаар дамжих бүхий л төрийн үйлчилгээний гүйлгээ Монголбанкаар дамжин төлөгдөх боломж бүрдэнэ. Өөрөөр хэлбэл, 181 орчим төрлийн төрийн үйлчилгээний төлбөрийг Монголбанкны Үндэсний цахим гүйлгээний төвийн системд боловсруулж, тухайн агшин бүрт харилцагчийн гүйлгээ баталгаажиж, бодит цагийн горимоор Төрийн сангийн газрын дансанд тусна гэсэн үг.         

Үүнээс гадна, Монголбанк нь Төрийн банктай хамтран Нийслэлийн үйлчилгээний нэгдсэн төвүүдэд төлбөрийн карт унших ПОС төхөөрөмжийг суурилуулсан байгаа. Ингэснээр иргэд үйлчилгээ авч буй цэгтээ төрийн үйлчилгээний төлбөрийг аль ч банкны картаар төлөх боломжтой төдийгүй төрийн үйлчилгээг нэг цэгээс авах боломж бүрэн утгаараа хэрэгжиж эхэлсэн.

Цаашид Монголбанк нь төрийн үйлчилгээний хүртээмжтэй байдал, үйлчилгээний таатай орчныг бүрдүүлэхэд Засгийн газар, түүний харъяа агентлагууд, Нийслэлийн төр захиргааны байгууллагууд, банкууд болон төлбөрийн үйлчилгээ үзүүлэгч бүхий л байгууллагуудтай хамтран ажиллаж, төлбөрийн системийн хөгжилд үнэтэй хувь нэмэр оруулахаар зорьж байна.

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

"Этүгэн" их сургууль 2022 оны шилдэг элсэгчдэд 100% тэтгэлэг олгоно7 сар 2. 16:20Дарханы замын шалгалт эцэстээ Б.Энх-Амгалан руу чиглэнэ7 сар 1. 15:04Шатахууны үнэ наадмын өмнө 300-600 төгрөгөөр нэмэгдэхээр болжээ6 сар 30. 10:47Л.Оюун-Эрдэнэ: Сонгууль тойрсон чөтгөрийн тойргоосоо гарцгаая6 сар 30. 10:20Ерөнхий сайдаа, танай намын залуус төрийн албаныхантай хамт дээрэм хийж байна6 сар 29. 10:05Замын түгжрэлийг бууруулах ажлын бүтээн байгуулалтын ажлыг 20 жилийн хугацаатайгаар улсын нууцад оруулсан гэв үү?6 сар 27. 12:44ЦУВРАЛ: Амар амгалан, үнэ цэн, нүд булаам бүхнийг мэдрүүлэх Жонжү хотын аялал6 сар 27. 11:24Д.Ганбат: “Мөнхийн үсэг” групп Монгол хүний үнэт зүйлийг түгээн дэлгэрүүлж, сурталчлан таниулахыг зорьдог6 сар 26. 15:39Улсын дээд шүүхийн шүүгчид нэр дэвшигчтэй хийх нэр дэвшигчийн сонсгол зохион байгуулагдана6 сар 21. 13:10Хүний эрх, эрх чөлөөг хангахтай холбоотой хяналтын сонсгол 06 дугаар сарын 27-нд болно6 сар 21. 13:09ЦУВРАЛ: BTS хамтлагтай “цуг” үлгэрийн мэт байгальд зорчсон нь6 сар 20. 11:31“Хайр“-ын МАРШРУТТАЙ Сөүл дэх аялал6 сар 15. 17:04УЕПГ-аас БНСУ-д амиа алдсан залуугийн хэрэгт хамтран ажиллах хүсэлтийг БНСУ-ын Дээд прокурорын газарт хүргүүлжээ6 сар 14. 13:22“Кино урлагийн салбарынхан дэлхийн хэмжээний наадамд Соёлын яамны дэмжлэгтэйгээр оролцоно“6 сар 13. 11:08Монголын тал “Нэг Хятад”-ын бодлогыг дэмжинэ6 сар 13. 10:49Дарханчууд 0,7 га газраа авах уу? "Газрын наймаачин" С.Насанбатад алдах уу?6 сар 13. 8:32ГЕГ-ын эрх бүхий албан тушаалтнуудын орон байранд НЭГЖЛЭГ ХИЙЖ, их хэмжээний бэлэн мөнгө, ГАДААД ВАЛЮТЫГ хураан авчээ6 сар 10. 11:50Д.Мөнхбаатар: СБД-ийн Засаг Дарга Х.Болормаа үнэнийг ил болгосон багш нарыг хавчиж, шахаж эхэлсэн6 сар 10. 11:49Ж.Мөнхбат, Д.Тогтохсүрэн, Д.Амарбаясгалан нарын боловсруулсан ҮХНӨ-ийг хийх ТӨЛӨВЛӨГӨӨГ Ардын намынхан гишүүддээ ч үзүүлэхгүй НУУЦАЛЖ байна6 сар 10. 11:47Төрийн өмчит компанийг 2 жил дараалан алдагдалтай ажиллуулсан ТУЗ, захирлыг чөлөөлж, дахин төрийн өмчит ААН-үүдэд удирдлагаар томилохгүй6 сар 10. 11:45Х.Баттулга У.Хүрэлсүхийг дэмжиж байна6 сар 7. 12:15Дефолт - Аюул6 сар 6. 23:30Ноён бондгор, хөтлөгч М.Батбилэг нар сайхан амьдрахыг хичээн зүтгэж байгаа 7 хүүхэдтэй өнөр өтгөн гэр бүлд тус болжээ6 сар 3. 18:04Ж.Норовсамбуу агсныг сүүлчин замд нь үдлээ5 сар 23. 15:39Төрийн өмчит компаниуд Төрийн хэмнэлтийн хуулийг ХЭРЭГЖҮҮЛ5 сар 20. 12:05Х.Баттулга АН-ыг авах гэж УЛАЙРЧ 100 мянган төгрөгийн төлбөртэй жагсаал зохион байгуулсан уу5 сар 19. 13:03Тордайн Ганболдын эхнэр Х.Янжингаажид: Би хулгайч болжээ. Чимээгүй байя гэхээр өөрөө өдөөд байх юм5 сар 17. 19:39Төрийн ордон руу "ПҮҮЗ"-тэй нэвтэрч хойд цэцэрлэг, Чингисийн хөшөөний өмнөх талбайг нээлттэй болгох чиглэл өглөө5 сар 17. 17:39“Хотулун гүнж“ Латин Америкт гарна5 сар 17. 13:14Багачууд хүүхдийн баяраа эгдүүтэй Жерри, үзэсгэлэнт Немо, “Эмоци“, “Мөрөөдлийн театр“-ынхантай өнгөрүүлэх боломжтой5 сар 17. 9:40
© 2008 - 2022 он. Зохиогчийн эрх хуулиар хамгаалагдсан.