Ардчилсан нам аравдугаар сард болох орон нутгийн сонгуульд ардчиллын төлөө намуудтай нэгдэж орохоор болсон. Өнөөх ардчиллын төлөөх нам гэдэг нь "попын хаан" Ж.Батзандан, нэгэн цагт "комунист" байсан Н.Энхбаяр нар. УИХ-ын сонгуулиар навс ялагдсан АН-ынхан орон нутагт ганц, хоёр суудал ч болов илүү авахын төлөө нүдээ ухаж өгөхөөс ч буцахгүй болсны жишээ энэ. Гэхдээ энэ улайрал нь мордохын хазгай болчихгүй л бол. Н.Энхбаяр, Ж.Батзандан хоёрыг "бөөрөндөө нааж" байгаа нь сонгогчдод таалагдахаасаа илүү таалагдахгүй байна.
Түүнээс гадна, Нийслэлийн АН-ын даргын үүрэг гүйцэтгэгч Б.Пүрэвдаваа хэрвээ нам нь сонгуульд ялбал нийтийн тээврийг үнэгүй болгоно гэж ам гарав. Яармагт барьсан хотны захиргааны шинэ байрыг хүүхдийн эмнэлэг болгоно гээд ч хэлээд авлаа. Амалчихмаар юу л байна хамж шимээд амалж эхэллээ. Яг л МАХН сонгуулийн өмнө үнэгүй байр өгнө гэж амалж, бүртгэл хийгээд байдагтай ялгарах юм алга. Ёстой л Н.Энхбаярын арга даа. Ард түмэн амлалтад нь хууртана гэж бодоод байгаа юм уу. Эсвэл ялахгүй юм чинь юу ч амласан яах вэ гэж сэтгээд байна уу. Нэгэнт хотын захиргааны зориулалтаар барьчихсан барилгыг хүүхдийн эмнэлэг болгоно гэж юу байх вэ дээ. Ядаж л дотоод зохион байгуулалтаасаа эхлээд таарахгүй.
Б.Пүрэвдаваа даргын ярьж байгаагаар нийслэлийн төсвөөс 100 тэрбумын татаас өгөөд, хувийн болон төрийн эзэмшлийн 1200 автобусыг үнэгүй явуулдаг болгочихвол түгжрэл буурах юм гэнэ. Мэдээж дагалдах олон арга хэмжээг авах л байх. Замын татвар нэмэх, автозогсоолын төлбөрийг өндөр тогтоох, том мотортой машинаас авах татварыг өсгөх гэх зэрэг. Өөрөөр тэгж ярьсан байсан. Машинаар явахын аргагүй болгож, хавчаад, автобусанд суулгах албадлагын арга хэрэглэх нь л дээ.
2008 оны тоон судалгааг харахад, Улаанбаатар хотын хүн амын 65-70 хувь нь автобусаар зорчдог байж. Харин 2019 оны судалгаагаар энэ тоо 2 дахин буурсан. Өнөөдөр Улаанбаатар хотын иргэдийн 40 хүрэхгүй хувь нь автобусаар зорчиж байгаа аж. Иргэд автобусны 500 төгрөгийг дийлэхгүйдээ суухгүй байна гэж дарга нар андуураад байх шиг. Өдөрт нэг л автобусаар ажил, гэртээ ирж, очдог хүн сардаа ихдээ л 22-25 мянган төгрөг унаанд зарцуулна. Харин түгжрэлд машин унаад явбал сардаа үүнээс хамаагүй их мөнгө шатахуунд зарцуулна. Приус зэрэг хамгийн бага шатахуун зарцуулдаг машинтай хүн ч автобусанд сууснаас их мөнгийг шатахуундаа зарцуулдаг. Тэгэхээр нийтийн тээвэр үнэтэй, үнэгүй хамаагүй байгаа биз, хэн ч гэсэн дийлэхээр.
Гэвч иргэд яаж ийж байгаад л машин авахын төлөө зүтгэж байна. Ердөө л 2017, 2018 онд Улаанбаатар хотод 400 гаруй мянган автомашин хөдөлгөөнд оролцож байсан гэсэн тооцоо бий. Тэгвэл одоо энэ тоо 600 мянгад дөхөж. Хүмүүс өр, зээл тавин байж машин авсаар л. Үндэсний статистикийн хорооны мэдээллээс харахад, 2020 оны эхний 8 сарын байдлаар иргэд 279.2 тэрбумын машины зээл тавьсан байх юм.
Иргэд түгжрээд ч болов тав тухтай, дулаахан зорчихыг хүссэндээ л тэр. Монголд нийтийн тээвэр түй ч хөгжөөгүй. 1.5 сая хол давсан хүнтэй хот тэлээгүй, зах руугаа дэд бүтцээ татаагүй. Төвдөө л халуунд хорсон хонь шиг бөөгнөрчихсөн. Автобуснаас өөр нийтийн тээвэр гэж байхгүй. Гэтэл автобус нь хүрэлцдэггүй. Улаанбаатар хотын хүн амын 40 хүрэхгүй хувь нь автобусанд сууж байхад хүрэлцэхгүй байна гээд бод доо. Зарим чиглэлийн автобусыг иргэд 10-20 минут хүлээдэг. Арай гэж суухаар хүн чихчихсэн, алхах ч зайгүй. Дээрээс нь хүйтэн, бараг л хатгаа авмаар. За тэр цэвэр цэмцгэр, өнгө үзэмжийг нь яриад ч хэрэггүй, 100 дахь асуудал.
Нөгөө талаар сургуулийн автобус гэж байхгүй. Хүүхдүүдийг хамран сургах хүрээгээр нь сургуульд оруулна гэдэг. Хамран сургах хүрээгээрээ байсан ч сургуулийн автобусгүй бол ямар нэмэр байна аа. Улаанбаатар хотын иргэдийн 70 орчим хувь нь гэр хороололд амьдардаг. Гэтэл гэр хороолол дунд хэдэн сургууль байгаа билээ. Өвлийн хүйтэнд гэр хороололд амьдарч байгаа иргэд цэцэрлэгийн болон бага ангийн хүүхдээ дулаахан хүргэж өгөхийн тулд машин авахаас өөр сонголт алга. Энэ мэт маш олон хүчин зүйл бий. Гэтэл АН-ынхан автобус үнэгүй болгосон бусад улсуудын жишиг яриад байж байна. Бас машинаас нь хүчээр буулгах талаар ч ярьж байх гэж.
Эхлээд автобусныхаа тоог хангалттай нэм, явах цагийг нь уртасга, тохилог дулаан болго. Ядаж өвлийн хүйтэнд автобусны буудал дээр зогсож байгаа хүн дулаахан байх боломжийг бий болгочих л доо. Сургуулийн автобусыг утгаар нь нэвтрүүл, хүн машин унах шаардлагагүй болгочих. Тэгвэл толгойтой болгон машин унаж, түгжрэлд зогсохыг бодохгүй. Хэрвээ бүх асуудлаа шийдчихээд, дараа нь машинаас буулгах шахаагаа хийвэл бид бууя. Харин 10, 20-хон автобус нэмчихээд, ганц нэг автобусны буудал барьчихаад, дараа нь машинтай холбоотой татвараар дарамтална гэвэл явахгүй ээ. Жинхэнэ мөхөл рүүгээ л ойртоно шүү, АН-ынхан минь.
24 сэтгэгдэлСэтгэгдэл бичих
Nadad neg sanaa b.a tuvduu avtobusiig bogino toirogoor yvuulaad zah gazart ni tusgsi jijig avtobus yvuulaad uzbrl ymar bo tevel tsag hemneed hirdan ergelt bogino hugtsaa., unen deer ulsiin bodlogo zohitsuulalt heregtei!!!!!!
Пунцаг гөлөг минь юмаа бодож бичээрэй
Ингэж ярьж байгаад 10 аад суудал авах арга бодож байгаа биз дээ...
АРД түмэн байхгүй бол сонгууль болохгүй МАН ЛУЙВАР хийж чадахгүй . Тэгээд хүн болгоныг эрлийз гэнэ . Тэгсэн мөртлөө Хятад улсаас ЗЭЭЛ гуйгаад байдаг .
Odoo bolitsgoo mongold hudla songyyli hereggui ali ali hereggui odo bur ard tumenteige niileed l dampuurcheee
МАН ХУДЛАА АМЛААД Л ДАРГА НЬ ХЭДЭН ЖИЛ БАРИЛГЫН ТАЛБАЙ ДЭЭР ЯВЖ ЭНД ШАТАХУУНЫ ҮЙЛДВЭР ЭНД ЦЭВЭРЛЭХ БАЙГУУЛАМЖ БАРИНА ГЭЖ ДАНДАА ИРЭЭДҮЙ ЦАГ ДЭЭР ЯРИНА . ХАРИН АН ЭВСЭЛ ЧИНЬ БОДИТ ЮМ АМЛААД БАЙГАА ЮМ БИШҮҮ . ЭДНИЙГ ДЭМЖИЦГЭЭE !!!
Ahin duu yaasan , tom boovoo huhuul shaajil baina uu,al ni sunaad odoo goyo holhidog bolood hair hiihed iluu amttai baigaa bzde
Shaaj ugchiinoo
Gichiinuudee yaarmagruugaa nuugeechee
АН намд нэр төр ёс суртахуун том намын зангараг гэдэг зүйл алга болжээ, Монголд байгаа 2том намын нэг нь шүү дээ олон дэмжигчидтэй.. жижиг намын суганд наалдаастай чирэгдээд явж бна ээ чааваас даа.. би уг нь дэмждэг дандаа саналаа өгдөг харин энэ сонгуулиар МАНамд өгсөн шүү.. АНамд итгэж чадсангүй..
автобус авах мөнгийг зарим уулзваруудыг огтолцдоггүй болгох ажлыг дэс дараатай хийхэд түгжрлгүй болно дөа
худлаа инээсэн хуурамч дүр БЗД -д юу хийсэн юм. Угаасаа юу ч чадахгүй худлаа гар
tenegteh yum daa AN tarhigui bolson baina
Уг нь улс төрийн намд сонгуульд ялагдах эсвэл үлэмж бага суудалтай болох нь үхэлтэй адил том гарц байх ёстой байх улс төрийн намын системтэй орны хувьд. Манайд бол хамаагүй юм. Ерөөсөө гишүүнчлэлээсээ авахуулаад суудал хуваах хүртэл бүх юм авилгаар шийдэгдэж буй үед сонгуульд ялагдана гэдэг нь авилгачин удирдлагуудынх нь хувьд огт өөр ач холбогдолтой зүйл болчихдог юм байна. Бараг л нэг тендерт авилга өгс өрсөлдөөд ялагдсаны дайны хохирол гэж үздэг шиг байна. Тэгээд өөрсдийн боломжийг өрөөлийнхтэй хамт үгүй хийсэн удирдлагууд нь гудамныхантай н
ийлээд засаг ганхуулах хэмжээний сэтгэл зүйтэй болчихдог юм байна. Уг нь улс төрийн намд баримтлах зарчим үнэт зүйл гэж бий л дээ. Хэдхэн авилгачин удирдлагууд биш цаана нь олон зуун мянган гишүүний итгэл үнэмшил явдаг болохоор яалт ч үгүй өөр байх ёстой юм. Гэтэл монголын нам гэж зангиатай хоньчин, шоронгийн рецедивүүдээр хүрээгээ тэлсээр байгаад өнөөдрийн ийм эмгэнэлтэй байдалд хүрч байна. Өөрсдөө тоохгүй нь зол гэмээр юмуу. Ийм намуудаар удирдуулсан улсыг дампуурлаас өөр юу хүлээж байгаа бол? Хөлд нь иргэд хохирч үлддэг нь хамгийн тодорхой.
хийх ажлаа л ярина. МАН шиг хэрэгжихгүй худлаа амлалтаар олонхи болчихоод олон түмэнг дарамтлаж дээрлэхгүй .
ymarch tootsoogui yrihaasaa ichehee baijee AH
30 jil shaalaadaa huurhii
АН мордохын хазгай болж сөнөх цаг нь ойртсоор байгааг Пүрэвдаваа гэгч зартай хүчирхийлэгчээр удирдуулж байгааг харахаар гол харлах юм. Баянзүрх дүүргийн засаг даргаар ажиллахдаа богинохоон хугацаанд яаж самарсныг Баянзүрхчүүд андахгүй .Нийслэлд ардчилалд харьцангуй үнэнч байсан Баянзүрхчүүд энэ хулгайчаас болж итгэл алдарсныг сүүлийн 2 сонгуулийн дүн харуулна.Ажил зохион байгуулах ямарч чадваргүй усан тэнэг,хар муйхраар эмэгтэй ажилтнуудаа ч хамаагүй багалзуурдчихдаг ийм хүнийг Женко ерөнхийлөгч зөвлөхөөрөө ажиллуулж байгаа нь эмгэнэл
Бүтэлгүй новшнууд
Бүүр сүүлдээ ард түмний өгсөн хандиваар өөрсдийгөө шагнана өөр юу хусмаар байна МАН гаруудаа
ХАРИН Ч АН НИЙСЛЭЛД ИХ АЖИЛ ХИЙСЭН ШҮҮ
МАН-Ы ДАРГА НЬ ӨӨРӨӨ ИНГЭЖ ХЭЛЖ БСАН УДАА БИЙ "МАН-ЫХАН ЖДҮ ИДНЭ, КРНЦЕПСС ХУЛГАЙЛНА, ХҮН АЛНА, ХҮЧИН ХИЙДЭГ" ГЭЖ НЭЭРЭЭ Л ДАРГА НЬ ХЭЛСЭН ЮМ ЧИНЬ ҮНЭН БАЙХААС ЯАХАВ ДЭЭ, ОДОО ТЭГЭЭД ДЭЭРЭЭС НЬ НЭМЭЭД КОРОНАД ЗОРИУЛСАН АРД ТҮМНИЙ, НАЙМАН НАСТАЙ БАЛЧИРААС 80 НАСТАЙ БУУРЛУУДЫН ӨГСӨН ХАНДИВЫГ ИЧИХ ЮМГҮЙ ХУСДАГ БОЛЖ ДЭЭ. АРАЙ АРАЙ Ч ДЭЭ ГЭХЭЭС ӨӨР ХЭЛЭХ ҮГ Ч АЛГА??? ИЙМ Л ЛУЙВАРЧИН ИДЭЖ УУХЫН ХЭНЭЭ, ДОН ТУССАН НАМЫГ СОНГОСНООС АН-ЫГ ОДОО НАМЫГ СОНГООД ҮЗНЭЭ???
purevdavaa bitgii popor erh barij baihdaa hiihgui yasiim