Ковид-19 цар тахлын хажуугаар амьдрал үргэлжилж 12 дугаар сар гарч Монголчууд бидний хэлдгээр хүйтний эрч наашилсны дохио болсон ЕС эхлэх дөхөж байна. Ес эхлэх нь малчдын аж амьдралын хувьд жилийн хамгийн хүнд цаг үеийн нэгд зүй ёсоор тооцогддог. Энэ сарын 1-нд УИХ-ын дарга аймгуудын ИТХ-ын дарга нартай уулзалт хийсэн билээ.
Тус цахим уулзалтын үеэр нийт нутгийн 70-аас дээш хувьд 5-30 см цасан бүрхүүл тогтож, цаашид өвөлжилт хүндрэх төлөвтэй байгаа талаар мэдэгдэж ялангуяа Баянхонгор аймаг 80% буюу хамгийн өндөр эрсдэлтэйд тооцогдож байгааг онцлон тэмдэглэсэн юм. Тиймээс тус аймгийн малчидтай шуурхай цахим уулзалт зохион байгуулсны маргааш нь буюу 12 дугаар сарын 2-нд Баянхонгор аймгийн сумдын удирдлагуудтай ХХААХҮ-ийн сайд З.Мэндсайханы хамтаар мөн цахимаар уулзаж тус яаманд чиглэл өгсөн. Энэ чиглэлийн дагуу өнөөдөр өвөлжилт хүндэрсэн зарим аймгуудад “Улсын нөөцөөс өвс, тэжээл гаргах тухай” Засгийн газрын тогтоол батлагдлаа.
Тус тогтоолд дараах аймгуудад нийт 2,3 тэрбум төгрөгийн өртөг бүхий өвс тэжээлийг улсын нөөцөөс үнэгүй болон 50 хувийн хөнгөлөлттэй үнээр олгохоор тусгагдсан байна. Үүнд: Архангай БАЯНХОНГОР Баян-Өлгий Завхан Увс Говь-Алтай Говьсүмбэр Дархан-Уул Дундговь Дорноговь Дорнод Хэнтий Өвөрхангай Өмнөговь Төв Ховд аймагт тус тус эрсдэлийн үнэлгээг харгалзан, хуваарийн дагуу улсын нөөцөөс өвс, тэжээл олгохоор болсон байна.
6 сэтгэгдэлСэтгэгдэл бичих
Ерөнхийлөгч, УИХ*н дарга, Ерөнхий сайд нар энэ албан тушаалдаа үнэхээр жижигдэж байна. Ерөнхийлөгч нь гаднын компанитай яриад л танай эмийг авна үүрэг чиглэл өгнө гээд л байсан. жижиг ч гэсэн бүхэл бүтэн улсын ерөнхийлөгч гаднын нэг компанитай шууд харилцаж тендер сонголтгүйгээр амлалт өгнө. УИХ-н дарга өөрийн хамаарахгүй гүйцэтгэх байгууллагын ажилд оролцож их мэдэгч царайлна. Ерөнхий сайд ямар ч бодлого судалгаа эрсдэл тооцоогүй шийдвэр гаргаснаас болж улс даяараа харанхуй болох шахаад хоногийн дараа шийдвэрээ өөрчилж байх жишээтэй.
Их хурлын дарга бас дангаараа Засгийн газарт чиглэл өгдөг болчихсон юм уу? Аргагүй ч юм уу даа нэг авгай очоод Завханы засаг даргад бас чиглэл өгөөд байсан биз дээ. Энэ МАНгарууд жинхэнэ шоудаад, жонхууруулчих юмаа.
наад Онгондаам чинь толгой дээр чинь гарчихаж Хүрэлсүхээ. та нарын хийсэн сайн ажил бүхэн энэ хүнийх ажээ
Засгийн газрын ажлыг булааж хийхээ боливол таарна зевхен спикер байж. Оногдсон ажлаа л сайн хий
засгийн газар хуралдаад шийдсэн . Долир **** бүү шоу хий
Малчдын хувьд өвөлжилт хүндэрч байгаа нь үнэн дээ ер нь говийн аймгууд өвс хадлан бэлтгэх хадлангийн газар муу нь үнэн .Гэхдээ олон малтай малчид малаа тарга тэвээрэг авсан үед нь зах зээлд нийлүүлээд өвс тэжээлээ бэлдэх бүрэн боломж байгаа намаржин шинэ гэрийн найраа цөөлөөд өвөлжилтөнд бэлдэх боломжтой жил бүр л улсаас өвс тэжээл нэхдэгээ боль доо