Монголчууд байртай боллоо гээд хөөрөөд байсан чинь эзэн Д.Эрдэнэбилэгтээ нэвт шулуулчихсан байна шд

 Зээлэнд хамрагдчихлаа, байрны гэрчилгээгээ авчихлаа, сарын төлбөрөө төлчихлөө хэмээн өөрийн гэсэн байртай болсондоо Монгол айл өрх бүр өдөр болгон шахуу баярлаад явсан чинь алдын байна. Биднүүс нэвт шулуулж, шувт цөлмүүлцэн байнашт. Бүр, бүтэн улсаар даяараа  төртэйгөө хамт цөм мөлжүүлцийм байнашт. Нөгөө зээл, нөгөө хүү, нөгөө хүүгийн хүү энэ тэрээрээ "МИК" гээч хувийн компанийг тэжээж иржээ, хөөрхий биднүүс. Тэрэнд нь манай бүх банкууд нийлээд орчихсон л байдаг шүү. Бүр аймаар нь Монголбанк нь хувь эзэмшээд явж байдаг шүү. Төв банкийг удирдаж явсан улсууд юу хийчихсийм бэ? Тэр үеийн дарга нь хэн байсым бэ. Н.Золжаргал байл уу яалаа?

Гэтэл Төв банк нь энэ аймшигтай махинацийг зөвтгөсөн мэдэгдлийг удаа дараа  гаргаад байгаа нь ямар учиртай билээ? МИК байгаа тулдаа л олон мянган айл орон сууцтай болсон гэнэ. Тийм ээ, үнэн. Тиймээс л төр засгийн зүгээс олон улсын жишигт байдаг моргэйжийн зээлийн тогтолцоог Монголд нэвтрүүлэхээр энэ хөтөлбөрийг эхлүүлсэн юм. Харин Д.Эрдэнэбилэг мэтийн хэн нэг этгээд дундуур нь гүйж, МИК-ийн удирдлагын багт өөрийн хүмүүсээ (МИК-ийн ТУЗ-д хүү нь байгаа ч гэсэн яриа бий) шургуулж, төрийн нэр барьж дундаас нь завшиж ирсэн гэдэг л тусдаа асуудал юм аа. Гэтэл яагаад хүзүү сээрээрээ нийлчихээд тэр этгээдүүдийг өмгөөлөөд байгаам бэ.

“ЭНЭ БОЛ ЛУЙВАР” гэж төр нь ил тод хэлээд байхад шүү. Хамгийн эмгэнэлтэй нь, тэр мэдэгдэлд нь эгэл иргэдийн зарим нь итгэж байдаг шүү. "Монголбанк зөв гэжийншт. Тэгвэл зөв байх өө" гээд. Гэлээ ч үүнээс болж байрны зээлтэй гэр бүл дотор том маргаан битүү үүсч байдаг шүү. Зөв буруу, үнэн худлаа гэж ирээд зад хэрэлдэж ч байна. Эгэл иргэд байтугай, энгүй мэргэжилтэнд хүртэл үл ойлгогдох нарийн схемийн цаана "МИКТЭНГҮҮД" иргэдийн зээл дээр их нарийн ажиллаж шүү. Энэ нь л гайхалтай. Илүү гайхалтай нь Монголбанк өөрөө ипотекийн хөнгөлөлттэй зээл гаргачихаад түүнийгээ “МИК”-ээс өндөр хүүтэйгээр өөр дээрээ худалдаж авдаг гэжийншт! Бүүр гайхалтай. Монголчуудаа ийм уран, ид шидийн мэт луйвардсанд браво.

МИК биднийг ч, арилжааны банкуудыг ч эрсдэлээс хамгаалдаг гэнэ үү, битгий тэгж хуурах гэж оролд, Монголбанкныхаан. Ипотекийн зээл авах гэж иргэд угаасаа хэдэн үеийнхээ мөрөөр мөгшүүлж, мөчөө тоолуулж, өрхийн данс тооцоо, ажил байдал хамаг л долоон булчирхайгаа тоочин байж хүртдэг. Зээл олгосон банк нь ч өөрөө эрсдэлээ давхар үүрдэг. Бас ард нь засаг, төр данайгаад зогсож байдаг билээ. Тиймээс Ипотекийн зээлийн эрсдэл бусад зээлээс хамгийн аюул эрсдэлгүй, хамгийн сайн чанартай зээлд тооцогддог.

 МОНГОЛЧУУДЫГ ГАНЦХАН КОМПАНИ ГАРТАА БАЗАЖ БАЙНА 

Мундаг анализ хийдэг эдийн засагчид хэлээд байсан юм аа. "МИК гэж компани луйвардаад байна шүү" гэж. Даанч бид үүнийг нь тоогоогүй юм, тоолоо ч ухаж  ойлгох мэдлэг нь хүрээгүй юм. Үүнээсээ болж 99%-ийн монголчууд бид 1-хэн %-ийн хэдхэн ширхэг хүний гүзээг задартал нь хооллож дээ хөөрхий. Ингэж яван явсаар одоо л нэг юм зах зухаас нь ойлгож эхэлж байна.

Сошиалд бичигдэж буй постуудаас харахад 8%-ийн хүүтэй байрны зээлтэй айлууд илүү сайн ойлгож байгаа юм байна. "ЗЭЭЛИЙНХЭЭ 4%-ИАР ТЭДНИЙГ ТЭЖЭЭСЭН БАЙНАШТ" гэж толгойгоо шаажийнашт. Тэдний хэлэх үгийг сайн сонсмоор юм байна, тэд л хамгийн зөв мэдээллийг өгөх юм байна. 8-аасаа 6% хувь руу шилжиж чадаагүй, авсан зээлийнхээ хүүд хүү төлөх гэх зэргээр байрны зээлтэйн зовлонг хамгийн ихээр амсч байгаа болохоороо тэд юмыг илүү гярхай харж, асуудлыг илүү нямбай дүгнэдэг байна аа.

Хэд хэдэн эдийн засагч хэлж байсан даа. "Байрны зээлтэй иргэд үндсэн зээлээ биш зээлийнхээ хүүг л төлөөд яваа шүү. Одоо ч гэсэн" гэж. Зээлийнхээ хүүг л төлсөөр яваа иргэн хэд байна вэ, хэдэн айл байна вэ. Монголын айл өрхийн үнэмлэхүй олонх нь байрны зээлтэй гэдэг байх аа. Бодохоор аймшигтай.

Илүү аймшигтай нь, энэ айл өрхүүдийн 70% -ных нь орон сууц “МИК”-ийн барьцаанд байдаг гэжийншт. МОНГОЛЫН АРД ТҮМНИЙГ ГАНЦХАН КОМПАНИ ГАРТАА БАЗЧААД БАЙНА шүү дээ. Тэгээд яаж базсан гэнэ үү?! Улсуудын хэлж байгаагаар, зөвхөн иргэдийн байрны зээлийн хүүний төлбөрөөс нэг жилд 110 гаруй тэрбумын ашиг олдог гэжийншт. СҮҮЛИЙН 10 ЖИЛД БАГААР БОДОХОД 1 ИХ НАЯД ТӨГРӨГИЙН АШИГ ОЛСОН байж таарлаа шүү. Аймаар уу?

Д.ЭРДЭНЭБИЛЭГ ЧИНЬ МОНГОЛ УЛСЫН ХААН ЮМ БАЙНА

 Тэр “МИК” нь Д.Эрдэнэбилэг гэдэг хүний мэдэлд байдаг гэхээр бүр аймаар биз. Монгол улс, Монголын ард түмэн орон байртайгаа хамт Д.ЭРДЭНЭБИЛЭГ ГЭДЭГ ГАНЦХАН ШИРХЭГ ХҮНД ШУУД БООЛЧЛОГДЖИЙШТ.

Эдийн засагчдын анхааруулж буй гол санаа нь бол "МИК"-ийн үйл ажиллагаа нь дэлхийн жишиг стандартаас тэс гажуудсан тухай юм. Мэдээж, олон улсад ийм байгууллага энэ тэр нь бий. Байдгийг нь ч үүнийг гадарладаг улсууд хэлнэ лээ. Гэтэл, олон улсын зах зээлээс зээлийн хөрөнгө босгох ажлаа шууд орхиж, МОНГОЛ ТӨРИЙН МӨНГӨӨР МОНГОЛ ИРГЭДЭЭ ШУЛАХ ажлыг шууд  хийсэнд л хэргийн гол учир байна.

Нэг ёсондоо, “МИК” нь арилжааны банкуудын байрны зээл олгодог ажлыг л давхардуулж хийсээр ирж шүү. Ингэх байсан юм бол "МИК" гэдэг дундын зуучийн хэрэг байсан юм уу? гэдэг том асуулт зээлтэй иргэн бүрийн толгойд төрж таараа. Арилжааны банкны үндсэн чиглэлийн нэг нь угаасаа л ипотекийн зээл олгох биз дээ. Тэр банкууд нь иргэдэд зээлээ олгоод л болох асуудалшт. Олон үйлчлүүлэгчтэй болохын тулд банкууд зээлийн хүүгээрээ, хөнгөлттэй нөхцөлүүдээрээ өрсөлдөнө. Эцсийн дүнд, байрны мөрөөдлөө биелүүлсэн иргэд л хожно.

Хэрэв "МИК" байхгүй байсан бол монголчууд бүх насаараа төлж байгаа өнөөх 6%, 8% -ийн зээлээ 4-5% болгон буулгаж авах байж шүү. Энийг л анхааруулж хэлээд байж дээ мэргэн эдийн засагчид. Ямар ч хожуу ойлгож авав даа. Гэхдээ уйлаад яах вэ монголчуудаа. Д.Эрдэнэбилэг гэдэг эзэнтэй бус Д.Эрдэнэбилэг хэмээх хаантай юм байна гэдгийг өнөөдөр бүр сайн мэдэж авлаа шүү дээ.

У.ДӨЛГӨӨН