2022 оны 4-р сарын 11
20 цаг 03 минут

С.Батбаатар: УИХ-ын дарга Г.Занданшатар Далай ламтай уулзсан гэдэг мэдээлэл худлаа

УИХ-ын дарга Г.Занданшатар Далай ламтай очиж уулзсан гэсэн мэдээллийн талаар УИХ-ын Тамгын газрын дэд дарга С.Батбаатартай уулзаж тодрууллаа.

-УИХ-ын дарга Г.Занданшатар, гишүүн Ц.Цэрэнпунцагтай хамт Далай ламтай очиж уулзжээ гэсэн мэдээлэл нийгмийн сүлжээ, зарим нэг сайтад гарлаа. Та үнэн бодит мэдээлэл өгнө үү?

-Нуулгүй үнэнийг хэл гээд байна аа даа. Нууцгүй бодит үнэнийг хэлэхэд Их Хурлын дарга Далай ламтай уулзаагүй. Уулзах боломж ажил төрлийн болоод төр ёсны үүднээсээ байхгүй. Г.Занданшатар дарга Энэтхэгт 2021 оны арван хоёрдугаар сарын 1-3-нд айлчилсан. Тэр үеэрээ уулзсан байх гэж “буудсан” харагдана лээ. Албан ёсны айлчлалынхаа хүрээнд хэнтэй уулзаж, ямар арга хэмжээнд оролцсоныг тухайн үед нь УИХ-ын Тамгын газрын Хэвлэл мэдээллийн хэлтэс албан ёсоор мэдээлсэн. Parliament.mn сайтаас эргүүлээд үзвэл байж л байгаа.

-Албан ёсны айлчлал байгаагүй юм биш үү?

-Төрийн айлчлал, албан ёсны айлчлал, ажлын айлчлал гээд агуулга, зорилгын түвшингээр нь төр, засгийн тэргүүн нарын гадаад улс оронд хийж байгаа айлчлалыг ангилж үздэг практик бий. Тухайн улсын Төрийн тэргүүн нарын түвшний айлчлалыг Төрийн айлчлал гэдэг. Гадаад улсын ижил түвшний төрийн дээд албан тушаалтны албан ёсны урилгаар айлчилж буй айлчлалыг “албан ёсны” гэж тодотгодог.

УИХ-ын дарга Г.Занданшатар Бүгд Найрамдах Энэтхэг Улсын парламентын дээд танхим Ражя Сабха-гийн дарга Венкаяа Наиду, Парламентын доод танхим Лок Сабха-гийн дарга Ом Бирла нарын албан ёсны урилгаар айлчилсан. Айлчлалынхаа хүрээнд парламентын хоёр танхимын дарга болон Энэтхэгийн Ерөнхийлөгч Рам Натх Ковин, Гадаад харилцааны сайд С.Жайшанкар нартай уулзаж парламент хоорондын болон хоёр орны худалдаа, эдийн засгийн хамтын ажиллагааны олон асуудлаар ярилцсан, санал солилцсон. Албан ёсны бус, тухайлбал ажлын айлчлалын үеэр ийм өндөр дээд түвшинд хүлээж авдаггүй юм аа. Энэ талаарх төрийн ёс жаягийг Гадаад харилцааны яамнаас тодруулчихад гэмгүй.

-Монголын парламентын дарга албан ёсны айлчлал хийлээ гэж Энэтхэгийн Гадаад харилцааны яамны албан сайтад мэдээлээгүй байна гэж ikon-д бичсэн байна лээ…

-Наад сайтад чинь “Монголын парламентын төлөөлөгчид айлчиллаа” гэсэн мэдээ байна гэж бичсэнийг харсан уу. Өөр юу гэх юм. Манай даргын айлчлалыг “албан ёсны” гэж мэдээлсэнгүй гэж бид заргалдах юм уу. Эсвэл тэдэнд мэдээгээ ингэж бич гэж заах хэрэг үү. Ийм юм байж болохгүй л дээ.

Тэр тусмаа энэ айлчлалаас, Г.Занданшатар Далай ламтай уулзсанаас болж хил хаагдлаа гэж гөрдөх нь арай л хэтэрсэн хэрэг. Хил гааль, тээвэр логистикийн гацаа түгжээ үүссэн нь цар тахлын эрсдэлтэй холбоотой гэдгийг бүгд л мэдэж байгаа шүү дээ. Нөгөө талаар УИХ-ын даргын алба хашиж байгаа хүн Далай ламтай ч юм уу, хэн нэгэнтэй дураараа очоод уулзчихаж болдоггүй, төрийн дэг ёсонд захирагддаг гэдгийг бүгд л мэдэж байгаа. Тэгэхээр энэ мэдээлэл бол зориудын, зохион байгуулалттай үйл ажиллагаа.

Яг наад мэдээтэй чинь давхцуулаад “Монголын эдийн засаг дэлхийд өндөр өсөлттэй 10 орны тоонд багтаж байна” гэсэн, аль 2019 оны мэдээг өнөөдөр хэлсэн мэтээр сошлд түлхэж байгааг анзаарсан уу. 2019 оны хоёрдугаар сарын 22-ны өдөр УИХ-ын Эдийн засгийн байнгын хороо, Монголбанк хамтран зохион байгуулсан “Тинк банк 2019-Мөнгө, санхүүгийн орчин” хэлэлцүүлэгт Г.Занданшатар дарга оролцох үеэрээ “Эдийн засгийн өсөлт 6.9 хувьд хүрснээр хамгийн өсөлттэй орнуудын тоонд зүй ёсоор орж байна” гэж хэлсэн.

2016 онд манай эдийн засаг уруудаж, өсөлт нь бараг хасах руу орох шахсан байсан. Хоёр жил гаруй хугацаанд эдийн засгийг тогтворжуулахад чиглэсэн бодлого, хөтөлбөрүүд хэрэгжүүлснээр өрийн дарамтаас гарч, эдийн засгийн байдал тогтворжиж байсан үе. Бараг 7.0 хувийн өсөлт гэдэг бол өндөр үзүүлэлт шүү.

Одоо бол байдал өөр, хүнд хэцүү цаг үе тохиогоод байна. Тэндхийг эндэхтэй, 3 жилийн өмнөх өсөлтийг өнөөдрийн уруудалт, хямралт байдалтай нэг шугаманд аваачиж, олны тархийг угаах, түүгээрээ нэг хүнийг харлуулахыг оролдох нь зөөлнөөр хэлэхэд болчимгүй явдал. Энэ мэт Их Хурлын дарга руу хандсан гүтгэлгийн шинжтэй мэдээлэл сүүлийн үед давтамжтай гарч байгаа. Г.Занданшатар дарга өөрөө нэг их ач холбогдол өгдөггүй. Өнөөдөр таныг асуусан болохоор л би хариулж байна.

-Та ч даргыгаа л хамгаалаад байна аа даа.

-Тийм юм байхгүй ээ. Би хамгаалагч биш. Бодит үнэнийг л хэлж байна. Үнэн ганц л байдаг биз дээ. Шалгаад үзсэн ч болно.

-Ганцхан зүйл асууя. Энэтхэгийн айлчлалд Ц.Цэрэнпунцаг гишүүн явсан уу?

-Хардлага дуусаагүй л байна уу. Хардах нь таны эрх. Гэхдээ нөгөө талд нь бодит үнэн, баримт эх сурвалж гэж бий. Үүнийг олж тодруулах нь сэтгүүлчийн үүрэг гэдгийг та ч мэднэ, би ч мэднэ. Ц.Цэрэнпунцаг гишүүн айлчлалд яваагүй. УИХ-ын даргын албаны ёсны айлчлалд тэдэн гишүүн явж болно гэсэн тогтоосон журам бий. Энэ журмын дагуу Ш.Адьшаа, Д.Бат-Эрдэнэ, Б.Саранчимэг, С.Чинзориг нарын гишүүд явсан. Тэднээс бас асууж тодруулж болно шүү.

-Танд баярлалаа.

7
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

7 сэтгэгдэлСэтгэгдэл бичих

66.181.189.166Зочин   • 2022, 4 сарын 30. 11 цаг 28 минут

Dalimduulan 2 ornii hoorond yas hayagchid todorsoor

59.153.112.10Зочин   • 2022, 4 сарын 20. 14 цаг 54 минут

УИХ-ын тамгын газрын дэд дарга хүн байж хариулт өгч байгаа нь нэг л бишээ. Хэрүүлч эмийн шинжтэй.

150.129.143.223Зочин   • 2022, 4 сарын 17. 17 цаг 25 минут

Ийм юмаар хөөцөлдөөд яадаг байнаа. Далай лам яав л гэж дээ

202.55.191.130Зочин   • 2022, 4 сарын 16. 5 цаг 07 минут

hehe hujaanuud evluuleg hiichihej l dee

202.179.11.38Зочин   • 2022, 4 сарын 14. 16 цаг 02 минут

Улс төрчид төрийн албан хаагчид шашны асуудалд хутгалддагаа боливол таарна. Энэ асуудалд засгийн газар анхаарал хадуулах нь зөв. Төр засгийн зүгээс албан ёсоор үүрэг өгөөгүй бол энэ тэндхийн лам нарыг дагаад элдэв юм яриад явж байдаг Занданшатар Содбаатар, Цэрэнпунцаг гээд баахан лам нарыг хувьчлаад авцан манай багш гээд солиороод явж байдаг нөхдүүдийг жаахан хазаарлах нь зөв өө

192.82.83.92иргэн   • 2022, 4 сарын 12. 11 цаг 56 минут

Энэ зарим сэтгүүлчид ялихгүй, хэнд ч хэрэггүй юмны төлөө цаг заваа их зарцуулах юмаа. Сэтгүүлч гэдэг хүнийг бэлтгэдэг сургууль, курс олон болж тэд илүүдэлд орж байх шиг байна. Тэдэнд хийх юм хомсдуу юмаадаа. Уулзаагүй гэж албаны хүн хэлээд байхад уулзсан болгох гээд л зүтгээд тэнэгтээд ажил удаад байх юм. Ер нь хувийн журмаар уулзаж болно биздээ.

103.111.68.3иргэн   • 2022, 4 сарын 12. 9 цаг 46 минут

Хүнийг харлуулах гэсэн хорчин их болж дээ Далай ламтай уулзсан байхад буруу юун хүний ул шагайгаад явдагаа болимоор

Шинэ мэдээ

Сонгон шалгаруулалтын зарыг сунгаж байна5 сар 29. 12:44Б.Бямбадорж: Хот тохижилтын 700 гаруй ажилчид, хоёр сар гаруй хугацаанд ажлаа хийж дуусгалаа5 сар 28. 12:33Хүрээ амаржих газрын удирдлага М.Мөнхсайхан, Д.Цэцгээ, жижүүр эмч, төрөх тасгийн эмч нартай хариуцлага тооцоё4 сар 18. 20:23Эргэн төлөгдөхгүйгээр цугласан хагас тэрбумын орлогынхоо талаар Мобиком корпорацийн Япон эзэд болон Гүйцэтгэх захирал Кожи Курушима хариулт өгнө үү1 сар 18. 15:39Б.Энхбаяр vs Д.Амарбаясгалан1 сар 18. 11:30Соёлын сайд Ч.Номин та ДБЭТ-ын ерөнхий балетмейстер Д.Дашлхагвыг хамгаалж ажлуулсаар байх уу?2023, 12 сар 22. 16:13Мисс Бямбасүрэн “Miss Asian Awards 2023” тэмцээнд дэд байр эзэллээ2023, 12 сар 8. 12:01Ардчилсан намын даргын Ажлын албаны даргаар намын даргын зөвлөх Энхтөрийн Галбадралыг томиллоо2023, 12 сар 4. 13:04ФИДИК-ийн загвар гэрээний үнэ тогтоох, ажил хүлээлцэх асуудал2023, 11 сар 26. 14:46ТОДРУУЛГА: Цагдаагийн байгууллагын гэр бүлийн хүчирхийллийн дуудлага, мэдээллийн бүртгэл шинэчлэгдсэн2023, 11 сар 19. 14:32Зүүсэн цол энгэрээс гялтагнана, Зурсан түүх тэнгэрээс ч гялалзана2023, 11 сар 4. 10:44БЗД: Үерт автсан хороодод ариутгал, халдваргүйжүүлэлт хийж байна2023, 10 сар 30. 10:35Н.Баярмөнх: Орон сууцны хороолол дунд хашаалсан шүүхийн маргаантай гэх газруудыг шийдвэр гартал чөлөөлөх хэрэгтэй2023, 10 сар 30. 10:32А.Баяр: БЗД-ийн VII хороонд үйл ажиллагаа эрхэлдэг бар, цэнгээний газруудыг цэгцэлнэ2023, 10 сар 30. 10:28БЗД-ийн Ерөнхий боловсролын сургуулиудад “Цахим” индрийг гардуулсаар байна2023, 10 сар 26. 11:03Зөвшөөрлөөр тогтохгүй зөрчлүүдээ нуух аа боль! Ондо2023, 10 сар 16. 13:58Төрийн өмчит “Мон-Атом” компанийн Гүйцэтгэх захирал асан Э.Галбадрал: Ураны салбар эдийн засгийн эргэлтэд орсноор эдийн засгийг солонгоруулах нэгэн тод шар өнгө болж байгаад баяртай байна2023, 10 сар 13. 19:37Л.Лувсандэмбэрэл: Багш, шавь, гэр бүл гэсэн гурвалсан холбоо сайн байж амжилтад хүрдэг2023, 10 сар 5. 14:37Л.Оюун-Эрдэнийн ээлжит том нүүдэл нь ТӨСӨВ байх нь!2023, 9 сар 27. 15:08ТАНИЛЦ: АН-ын дарга Л.Гантөмөрийн зөвлөхүүд2023, 9 сар 25. 14:06Н.Баярмөнх: Хоол захиалж идсэн гэх 54 сая төгрөгөөр гамшгийн үед ажилласан төрийн алба хаагчдын хоол хүнсийг шийдвэрлэсэн2023, 9 сар 19. 11:07“Гэр бүлийн хүчирхийлэл, хүүхдийн эсрэг гэмт хэрэгтэй тэмцэх, урьдчилан сэргийлэх арга зүй“ сэдэвт бүсчилсэн сургалт болж байна2023, 9 сар 18. 16:32“Нээлттэй –Хөвсгөл-2023” арга хэмжээ Улаанбаатарт болно2023, 9 сар 18. 11:17Цагдаагийн байгууллага, Нэгдсэн Үндэсний байгууллагын Хүүхдийн сан хамтран цахим орчинд үйлдэгдэж буй хүүхдийн эсрэг гэмт хэрэг, зөрчлөөс урьдчилан сэргийлэх, хамгаалах,иргэдийн эрх зүйн мэдлэгийг дээшлүүлэх, мэдээллийн технологийн зохистой хэрэглээг бий болгох, зорилготой “Нууцалъя- Private” нөлөөллийн аяныг эхлүүлжээ. Тус аян энэ сарын 15-ны өдрөөс 12 сарын 25-ны хугацаанд улсын хэмжээнд зохион байгуулагдана2023, 9 сар 17. 16:28Зул бөхөхийнхөө өмнө бадамладаг!2023, 9 сар 15. 12:57ХИЧЭЭЛ ЭХЭЛЛЭЭ НЭГДСЭН АРГА ХЭМЖЭЭНИЙ ХҮРЭЭНД #ЭРСДЭЛГҮЙ_ИРЭЭДҮЙ ӨДӨРЛӨГИЙГ ЗОХИОН БАЙГУУЛЛАА2023, 9 сар 5. 17:49ХҮҮХДИЙГ ЗОХИСГҮЙ АГУУЛГААС ХАМГААЛЦГААЯ2023, 9 сар 5. 16:28Хүүхэд хамгааллын хөтөлбөр2023, 8 сар 29. 17:05Хүн худалдаалах гэмт хэргээс урьдчилан сэргийлэх “Мэддэг, Мэдээлдэг байя” аян эхэллээ2023, 8 сар 29. 16:42АН-ын 16 Дэд дарга тойрогт нэр дэвшихээр Л.Гантөмөртэй тохирчээ2023, 8 сар 29. 11:23
© 2008 - 2024 он. Зохиогчийн эрх хуулиар хамгаалагдсан.